الحيرة الجامدة اللى انت فيها ملهاش حل غير الاستخارة وربنا يوفقك لما فيه الخير
على فكرة انا ما صوتش
اشتريها وتوكل على الله
اوعى تشتريها وتضيع فلوسك
والله انا محتار نفس حيرتك
رقم العضوية : 11376
تاريخ التسجيل : 23May2008
المشاركات : 3
الاقامة : cairo
الحالة :
بسم الله الرحمن الرحيم
طبعا انا مش عارف اعبرلكم عن مدى اعجابى بالمنتدى الرائع ده وكم انا سعيد بالانضمام فيه وانى اكون احد افراد اسرته الجميله ده اول موضوع ليا وان شاء الله مش هيكون اخر واحد
ندخل بقى فى المهم
بصراحه انا محتار جدا مش عارف اعمل ايه اشتري جين 2 ولا ما اشتيرهاش ؟؟
طبعا هى عربيه خرافه ما فيش كلمه عليها لدرجة انى لما ركبتها فى المعرض ما كنتش عاوز اطلع منها
لكن فى ناس نصحتنى وقالتلى هتشترى حاجه ماليزى !!!! وبعد كده تلوص بيها ؟!!!
طبعا لان انا بحترم الصناعه الاسيويه جدا بالاضافه ان التقنيه فيها انجليزيه يعنى ملوك الصناعه فى العالم كله قلت انفض لكلام الناس دى نظرا لجمال وروعه العربيه
ناس تانيه قالتلى هى عربيه ممتازه لكن مالهاش سوق يعنى انت لو مشيت فى الشارع طول اليوم مش هتلاقى قصداك اكتر من 5 او 6 عربيات بالكتير فى الوقت نفسه اللى بتلاقى فيه عربيه زى اللانسر او الكرولا اكتر من العربيه ال 128 وبصراحه الكلام ده قلقنى اصل معنى عدم انتشارها بيعنى حاجات كتير منها على سبيل المثال قطع الغيار بتبقى غاليه جدا نظرا لعدم توافرها وتبعا لقوانين العرض والطلب اكيد سعرها هيبقى غالى لان العرض منها قليل جدا
حاجه تانيه ودى الاهم انا حاليا عندى عربيه هيونداى اكسيل طبعا العربيه دى بسم الله ما شاء الله بتتباع طول ما هى ماشيه بمعنى انى طول ما انا ماشى اسمع تبيع هيونداى ؟ تبيع هيونداى ؟ ا كتير جدا لانها عربيه بياعه بلغة السوق طيب انا لو بعتها هلاقى البروتون دى وهى سوقها ضعيف لو لا قدر الله احتاجت ابيعها لاى ظرف من الظروف طبعا ربنا ما يحوجنا ولا يحوج اى حد انه يبيع الحاجه لكن افرض ؟ مش هعرف ابيعها بسهوله ولو بيعتها هبيعها بالرخيص يعنى هشتريها غاليه وابيعها رخيصه لانها على ما اظن تقيله فى البيع
طبعا انا اسمع الكلام ده اقول انا مش هشتريها
وبعد كده ارجع واقول لنفسى مش حرام اضيع من ايدى عربيه بالشياكه والقوه والجمال والامكانيات اللى موجوده فيها ما شاء الله
اقعد افكر وافكر وافكر .... وفى يوم اقول خلاص بكره هشتريها واليوم اللى بعده اقول عمرى ما هاهوب ناحيتها
ومن بعد ما انضميت للمنتدى اللى اكثر من رائع ده واعضاءه ناس محترمه جدا ومتعاونه وبيفيدوا بعض بالطريقه الجميله والمتميزه دى
قرأت هنا مواضيع كتير عن العربيه دى
وطبعا قرأت عن معاناه الاستاذ ahmedsiyam
طبعا ربنا يعينه ويوفقه ويقدر يحل المشكله دى واكيد طبعا ربنا مش هيخذله لان ربنا ما يرضاش بالظلم وطبعا المال الحلال عمره ما بيضيع مهما طالت المده
المهم رجعت اكتر فى كلامى وتراجعت وقولت خلاص هو ده الكلام النهائى وبعدين وانا بتصفح المنتدى لاقيت ان اغلب الاعضاء المتميزين قالوا عنها عربيه ممتازه وطبعا منهم الاستاذ tutankhamoun اللى بيدافع عنها دايما لكنه برضه قال ان تقفيلها مش كويس رغم ان كلامه كله رجعنى تانى اقول انا لازم اشتريها
ياترى بعد اللى انا قولته ده تنصحونى بأيه اشتريها ولا ما اشتريهاش ؟؟؟
والله انا محتار جدا
طبعا متشكر جدا لسعه صدركم واسف جدا جدا على الصداع اللى سببتوا لحضراتكم من الكلام الكتير والرغى
يارب دلنى ودل كل محتار على الطريق الصحيح وبشكركم على المرور والرد المفيد باذن الله
والسلام عليكم ورحمه الله وبركاته
محمد ابوبكر
رقم العضوية : 4631
تاريخ التسجيل : 20Jan2008
المشاركات : 830
النوع : ذكر
الاقامة : عايز اعيش فى اسكندرىة
السيارة: سويفت ٢٠١٥
السيارة[2]: سيريون 2008 Glx
دراجة بخارية: no
الحالة :
الحيرة الجامدة اللى انت فيها ملهاش حل غير الاستخارة وربنا يوفقك لما فيه الخير
على فكرة انا ما صوتش
رقم العضوية : 2430
تاريخ التسجيل : 02Oct2007
المشاركات : 2,883
النوع : ذكر
الاقامة : " مصر "
السيارة: لا يوجد
السيارة[2]: BMW 316i Sport-2014
دراجة بخارية: لا
الحالة :
الأخ الفاضل / محمد
أولا اهلا بيك في منتدانا الحبيب ،
ثانيا نرد على كلامك بالعقل وواحده واحده
- بالتسبه للصناعة المليزية فهي صناعة محترمه جدا وكمان بروتون تمتلك شركة لوتس الانجليزية وهيه اللي عملة تصميم الموتور والتعليق وكمان التصميم الخارجي والداخلي ، عشان كده العربيه تصنف من الفئه الرياضية
- بالنسبة لكلام الناس فهوه ده طبع المصريين بيمشو وره اللي ماشي بدون تفكير او تقييم فعلي فأحسن حاجه انك تفكر بعقلك وتقييم العربيه بطريقة منطقيه
- بالنسبة للانتشار ، العربية بدأت فعلا تبقى منتشرة بكثرة خاصة في الفترة الأخيرة ، وانا عن نفسي بدأت اشوفها في الشارع بكثرة في الفتره الأخيرة ، ولو اخدت المنتدى هنا كعينه للفحص هتلاقي كل يوم واتاني حد استلم او حجز ، ولسه هتزيد ، وده طبعا هيبقى له انعكاسه على اعادة البيع وقطع الغيار اللي هيه اصلا موجوده من دلوقتي وبأسعار كويسه
- وأخيرا احسن حاجه انك تنظر شويه وتحجز معانا الجين2 الجديدة ، ودي بقه مفيهاش اي عيوب تقفيل او جوده ، حيث ان الصالون اصبح اكثر من رائع وخاماته ممتازة ، وكمان الموتور اصبح بتكنولوجيا احدث واقوى ( 125 حصان ) والواجهة بقت اجمل كثيرا ، يعني من الآخر ولا كلمه
ووجهة نظري الشخصيه ان الجين2 الجديدة دي لا منافس لها ومجرد ما تنزل هتقلب الدنيا وهيبقى عليها اقبال اكثر من دلوقتي بكتير مع الاقبال اللي زاد اصلا دلوقتي
وربنا يوفقك ويوفقنا الى ما فيه الصالح
رقم العضوية : 2452
تاريخ التسجيل : 04Oct2007
المشاركات : 8,022
النوع : ذكر
الاقامة : ج ع ع .... للآسف الشديد
السيارة: Proton Gen2 ...2007
السيارة[2]: Proton Gen2 ...2007
دراجة بخارية: لا يوجد
الحالة :
يا باشا أولا أشتري و أنت مطمن و في بطنك بطيخة يصفي كمان
العربية زي الفل و بتتباع في انجلترا كمان
بالنسبة لإعادة البيع ........ بيتحسن كتير كتير و العربية إنتشارها أصبح فظيع .......... أنا عندي دلوقتي 4 أصحابي معاهم العربية و جنبي 5 جيراني معاهم العربية
و ده دليل على الإنتشار اللي بدأ يأخذ حجم كبير
و بالنسبة لقطع الغيار إن شاء الله متوفرة خارج التوكيل كمان
لو أنت مشيت ورا كلام الناس .......... مفيش قدامك غير لانسر و بس
و أنا مش بقول كدا علشان العربية وحشة لا سامح الله و لكن كل واحد له ذوقه و مش معقول الجمهورية المهلبية كلها تركب عربية واحدة و لازم يكون فيه تنوع
المهم ......... أنا مقلتش إن فيها عيوب في التقفيل
لازم نحدد الكلام يا باشا ...........
فيه ناس ظهرت معاه عيوب في تقفيل الصالون
و كلمة عيوب تقفيل الصالون تختلف تماما عن عيوب التقفيل !!
يعني ناس ظهر معاه زرار الصالون يعلق ... أو زجاج كهرباء يعلق
حاجات من دي كدا
و لكن ناس آخرين لم يظهر معهم أي عيوب إطلاقا
و العربية ممتازة و أشتريها و أتكل على الله و متسمعش كلام الناس
و لو على كلام الناس
مكنش حد أشترى ياباني أول ما طلع
و مكنش حد أشترى كوري أول ما طلع
ياريت حضرتك تختار خط أصغر من ده لأني أتحولت و أنا بأقرأ الموضوع
[img2]http://i59.tinypic.com/2vxpukz.jpg[/img2]
رقم العضوية : 1931
تاريخ التسجيل : 27Aug2007
المشاركات : 285
النوع : ذكر
الاقامة : Giza
السيارة: -
السيارة[2]: Logan AT 2013
دراجة بخارية: -
الحالة :
إن شاء الله ربنا يوفقك لما فيه الخير
بس راى لو انت من النوع اللى بيغير عربية كل فترة قصيرة هات حاجة سهلة البيع اما لو بتفكر انك تجيب عربية تعيش معاك فتوكل على الله
العربية دى تحفة والصناعة الماليزية محترمة جدا
بس الافضلة تاخد بنصيحة اخونا justs و تحجز الموديل الجديد
و ربنا يوفقك إن شاء الله
رقم العضوية : 1646
تاريخ التسجيل : 31Jul2007
المشاركات : 3,549
النوع : ذكر
الاقامة : 6 أكتوبر
السيارة: N/A
السيارة[2]: Daihatsu Sirion 1.3 GLX - 2008
الحالة :
انا صوتت اشتريها وتوكل على الله
لأني مقتنع إنها عربية هايلة
وخللي بالك إنك لو لك نصيب تشوف حاجة وحشة في عربية هاتشوفها حتى لو كانت أفضل عربية في الكون
Me on Twitter
@aliabutaleb
رقم العضوية : 4551
تاريخ التسجيل : 19Jan2008
المشاركات : 595
النوع : انثى
الاقامة : فى بلدى الحبيبه مصر
السيارة: I HOPE SATARIA
السيارة[2]: GEN2 2008 BLACK
الحالة :
طبعاا اشتريها وانت مغمض عينيك عربيه تحفه بمعنى الكلمه مشاء الله عليها
رقم العضوية : 11376
تاريخ التسجيل : 23May2008
المشاركات : 3
الاقامة : cairo
الحالة :
طبعا انا بصراحه مش عارف اشكر حضراتكم قد ايه على متابعتكم والايجابيه اللى وجدتها من حضراتكم سواء فى كتابة تعليقات او فى التصويت
متشكر جدا يا جماعه
طبعا صلاه الاستخاره دى شئ اساسى قبل كل حاجه
متشكر جدا يا باشا على مرورك الجميل
متشكر جدا للافاده والتوضيح الجميل ده
طبعا الصناعه الماليزيه اكيد متميزه لانها اكيد فيها تقليد كبير للصناعه اليابانيه اللى هى من اعظم الصناعات فى العالم وانا قولت انى بحترم الصناعه الاسيويه بالاضافه ان التقنيه فى العربيه دى انجليزيه
اكيد طبعا عربيه حلوه ما فيش كلام
طب بعد اذن حضرتك هو الموديل الجديد ده اللى استنى شويه عليه هينزل امتى ؟
كلام حضرتك منطقى جدا ومطمئن جدا
طبعا انا بعتذر عن انى كتبت عن كلام حضرتك عن التقفيل اللى انا كنت اقصده تقفيل الصالون زى ما حضرتك كنت تقصد بس الظاهر انى ما اخدتش بالى منها
وبرضه انا ما قولتش ان حضرتك قولت ان فيها عيوب تقفيل انا قولت تقفيلها مش كويس اكيد طبعا فى فرق كبير بين عيوب وبين مش كويس على العموم حصل خير ان شاء الله
وبالنسبه للخط ان شاء الله هراعى بعد كده ان الخط يبقى صغير درجه كمان عشان ما اتعبش عينك بعد كده
متشكر اوى على ردك الجميل
هو انا مش من النوع اللى بغير كل شويه
وان شاء الله هنتظر واوشوف الموديل الجديد بس ياريت الاخ العزيز justs يوضحلى امتى هينزل الموديل الجديد طبعا متشكر جدا ليك وليه
اشكرك لمرورك الرائع
رقم العضوية : 484
تاريخ التسجيل : 05May2007
المشاركات : 1,982
النوع : ذكر
الاقامة : Egypt/Giza
السيارة: Proton Wira
السيارة[2]: Proton Wira
دراجة بخارية: no
الحالة :
إن شاء الله ربنا يوفقك لما فيه الخير
لو أنت مش من هواة التغيير و البيع فورا أشتريها و أنت مطمئن
بس خللى بالك التوكيل سئ
سبحانك اللهم وبحمدك ، أشهد أن لا إله إلا أنت أستغفرك وأتوب إليك
رقم العضوية : 3186
تاريخ التسجيل : 14Nov2007
المشاركات : 3,576
النوع : ذكر
الاقامة : الهرم
السيارة: mercedes
السيارة[2]: ibiza
الحالة :
تقفيل ليه مشاكل بسيطة اللي بتظهر بس و بتتحل في التوكيل العربية عموما لحد دلوقتي مفيش مشاكل جوهرية يعني ده يحسبلها يعني في ناس داخلة في 100 الف كيلو هو رقم قليل طبعا لا يجوز الحكم بيه علي كفاءة محرك انما تتحسب نقطة في صالحها العربية عموما مش وحشة لكن مقدرش اقول علي المحرك و العفشة perfect دلوقتي تمامااااااااا لسه بدري مش اقل من 250 الف كيلوو تكون بتشتغل مش بتتشم عشان ادي حكم نهائي دي رأيي
المفضلات