الموضوع: جربت تجدد ايه في بيتك بنفسك ؟؟ انا جربت و ادي النتيجة

المشاركة الأصلية كتبت بواسطة nonetta

برافو يا دونزي
انا باحب اعمل حاجات بإيدي
بس طبعا ينقصني الحرفة
كذا مرة اقول لزوجي تيجي نبيض الشقة بايدينا
بس هوا مالوش دماغ
انا بأة في اجازة نص السنة هاعمل زيك واشتري العدة واشمر واضبط اوضة الولاد
احسن عاملين فيها عمايل سودة ربنا يسامحهم
بس التجديد مطلوب لكسر الملل مش للنضافة بس

طيب لما تيجي تعمليها قوليلي اصل انا بحب اللغوصة في الالوان جدا و اي حاجة فيها فرش و الوان انا دايسة و ساعتها بقى هاكون خبرة بس ما تقلقيش هاعملك خصم جامد

المشاركة الأصلية كتبت بواسطة amatoallah

ايه يا عم الحركات دي بس

حلوه اوي ما شاء الله

انا بحب اللي كل شويه يعملوا حركات كده , ممكن تكون بسيكه بس تقلب شكل المكان

على قدي حاجة بسيطة كدا

عارفة حتى لو الواحد جرب و الحاجة طلعت وحشة بس برضو هايبقى فرحان بيها و ممكن شوية و يجدد و يغير تاني ماهي بقيت سهلة بقى

المشاركة الأصلية كتبت بواسطة max_ziro

انا بحب اعمل كل حاجة فى البيت ب ايدى كهربا سباكة الخ الخ
و ابتديت اعلم اختى الصغير و بقت بلية صغيرة هههههههههه

انا كمان كدا الى حد ما يعني لو حنفية مسدودة افكها و اشوف ايه النظام و لو لمبة مثلا عاوزة تتغير او تتعلق او تتصلح ممكن ادعبس فيها بس لو غلبت يبقى مفيش مفر من الصنايعي بس لازم احاول انا الاول

المشاركة الأصلية كتبت بواسطة azmeralda

حلو الفكرة جدا

شكرا يا فندم