استشارة عن الاسبراتير

**Abo_Asel** · 08-12-2011 09:33 AM

بسم الله الرحمن الرحيم

عندى استشارة عن الاسبراتير انا عربيتى راكب موتور 1800 كان الاسبراتير عندى كهربائى ربنا يسامحة حرقة.
المهم فالى بدل ما تجيب واحد جديد انا هصلحو لك و جاب شريحة بتاعت اسبراتير بتاع لادا سمارة و ركبو للاستراتير بتاعى و اشتغل
المهم بعد فترة العربية بقت بيدخن دخان اسود و بتاكل بنزين بالهبل (بعمل 66 فى التنك ) ادعولى .
من الاخر رحت لكهربائى محترم و انا كان عندى الاتى
البوجيهات كانت سن 16 غيرهالى بـسن 21
سلوك البوجيهات كانت بتاعت دايو غيرهالى بالاصلى بتاعة الـ 1800
و قالى ان المكنه دش شغالة بتلاته بستم بس (ازاى معرفش)
و قالى لازم الاسبراتير يتغير (كلام معقول)
و بعد كدا ممكن نغير الرشاش الى واقف ممكن لو مظبتطش
هى دى قصة حياتى ... السؤال بقا هل ممكن الاسبراتير يكون هوا الى عامل كدا ولا اية
برجاء الافادة لانى تاية و موش عايز اجيب اسبراتير و ميعملش حاجة
وشكرا .

**Ahmed Mubarak** · 08-12-2011 10:32 AM

متابع

**Abo_Asel** · 13-12-2011 09:38 AM

الحمد لله
غيرت الاسبراتير اخيرا و العربية الى حد ما ظبطت الدخان منع و جارى تجربة استهلاك البنزين
و جرى العربية بقا خرافة ولا كانها عربيتى اصلى اتعزبت كتير
على العموم الحمد لله الذى لا يحمد على مكروه سواه

**SYD** · 13-12-2011 07:44 PM

اولا الف مبروك علي الأسبراتير

واحب أقولك ان الأسبراتير ممكن يعمل اكتر من كدة ولو مش بيطلع الكهربا صح فعلا ممكن يشغل العربية 3 سلندر او يخلي صباب يقطع

والعك الي كان عندك انا كنت معاني منه ولسة الميكانيكي بتاعي كان بيحكيلي عن عك زي

عربيتنا اصولها ان البوجيهات سن 21 ال3 شمعة

وفعلا اسلاك الدايو والهيونداي بتركب عندنا بس بتفطس العربية

مبروك التغيير

والله المستعان
،
،

**SYD** · 15-12-2011 07:58 PM

المشاركة الأصلية كتبت بواسطة windsofchange

طيب انا الكهربائي قالي ان عربيتي شغالة 3 سلندر برضه بس ازاي مش عارف لأنها بتسحب وبتجري وكده بس بتعمل فالصفيحة 150 كيلو او ازيد سنة لسه مركبتش البوجيهات بس ده اللي حصل سؤالي ازاي تبقي شغالة 3 سلندر وتجري ومفيش صوت غريب من الموتور ولا دخنة سوداء

سيبك من كلام الكهربائي
الميكانيكي بتاعك هو الفيصل

وعموما هي سهلة انك تعرف

شيل اسلاك البوجيهات سلك سلك والسلك الي تشيله رجعه تاني قبل ما تفك التالي

لو فكيت سلك ومحستش ان العربية برجلت او صوتها غير يبقي اساسا البوجيه دة مش شغال وبالتالي السلندر كله مش شغال

وانصحك خلي الميكانيكي هو الي يعمل الحوار دة بدل ماتتلسعلك لسعة كهربا حلوة

والله المستعان
،
،