محتاج اعرف حجات عن الدبانة 325 ضروري

**meado_2005** · 08-12-2011 09:59 AM

يا رجالة البي ام انا محتاج اعرف لو بي ام 325 ماتور single اسود يكون استهلاكها للبنزين ازاي ؟
قطع غيارها ايه اخبارة بالنسبة انها 325 من 316 ؟
العربية دي لو عايز اجيب فرش الباب و طقم كراسي عشان الي فيها متبهدل يبقوا بكام ؟
لو العربية ماتورها هادي بس لما بأقرص بتطلع دخنة سودة يبقى ده معناه ايه ؟
حساس الـ Idle بتاعها عشان السرانسيه بكام ؟
لو العربية فابريكا جوة بس و بره محتاجة حجات بسيطة في البودي و محتاجة طرنبة بور و فيها الحجات الي فوق دي تعملها كام فلوس ؟
العربية دي موديل 1993 بس اظن الماتورد بتاعها موديل 1995 .

**meado_2005** · 08-12-2011 10:39 AM

معلش يا شباب و كمان عايز اعرف ترخيصها يكون بكام لو مثبوته 2500 على الرخصة ؟

**boozoo2010** · 08-12-2011 07:39 PM

بص ياا باشا
الترخيص = 1180
لو مظبوطة 100 كم داخل البلد اما على الصحراوى عملت معاية 200 -220
قطع الغيار بتختلف اكيد بس مش اغلا كتير اوى
فرش معرفش
اما الدخان دة ( الاسود ) معناة رشاشات عوزة تتنظف
idle ب 150 -200
طرنبة البور فى حدود 500 استيراد
على فكرة انا معاية e36 325i حلوة بس فى عيب لازم تكون عرفة العربية دى او الموتير الكبيرة لازم تجرى كتيييييير صحراوى و سرعات علية مش حرق و بس دى حاجة تانى حاجة لازم تتاكد قبل ما تشترى ان العربية دى دوخلها 100% مفهاش لا شرخ فى قايم ولا وخدة رزعة من قدام و انا تحت امرك يا فندم ;-))