الموضوع: هيونداى النترا 2005 أعلى فئة أوتو بحالة ممتازة للبيع

غيرت الكبالن بكام و نوعهم ايه وعند مين

ضرورى رد حضرتك

المشاركة الأصلية كتبت بواسطة gomangy

ربنا يباركلك فيها ان شاء الله
والله انا بحب الموديل ده جدا ولو ليا نصيب بعد ما ابيع عربيتي ان شاء الله هتصل بيك لاني مزنوق حبتين اليومين دول عشان انت راجل في غايه الامانه وعربيتك في منتهي صراحه تتقل بالدهب عشان امانتك وربنا يقدم اللي في الخير

ربنا يخليك على المجاملة الجميلة ديه, وربنا يفك زنقتك على خير ان شاء الله, و العربية تستناك يا باشا ولا يهمك.

المشاركة الأصلية كتبت بواسطة motoxp

غيرت الكبالن بكام و نوعهم ايه وعند مين

ضرورى رد حضرتك

رديت عليك بالتفاصيل على الخاص, و لو فيه أى استفسار انا تحت أمرك كلمنى فى أى وقت

بالتوفيق في البيع ان شاء الله
العربية ما شاء الله ممتازة ربنا يحفظهالك :)
"امبارح" :)

المشاركة الأصلية كتبت بواسطة nouranwar

بالتوفيق في البيع ان شاء الله
العربية ما شاء الله ممتازة ربنا يحفظهالك :)
"امبارح" :)

شكرا يا نور ربنا يخليك, و تمام كده التصحيح اللغوى أنا بردو شاكك من زمان فيها ههههههه

الحمد لله نزلت اعلان امبارح على contact و التليفون مبطلش رن, و تم الاتفاق مع أحد الأفراد على مقابلته بجوار عملى فى المعادى و انا فى انتظاره كلمنى أحد الأفراد و كان بالصدفة فى شارع الجزائر و انا مقار عمل بجوار ميدان الجزائر, و أعجب بالسيارة و أراد فقط أن يصطحب أحد معارفه لرؤيتها فى الصباح و يخلص (و قلى بالحرف أنا مش هكلمك فى فلوس و ده بعد مقولتلو السعر النهائى و هو 70,000ج) مع العلم ان العربية بدأت أحس بضعف الطنابير الأمامية و قلتلو المعلومة ديه. و على فكرة أحد الأعضاء حنا جاء لرؤية السارة من يومين و قلتلو بردو على عيب الطنابير بس كنا لسه متفقناش على سعر, و أخيرا فيه 5 أفراد تقريبا كانوا مستنينى أنزل مدينة نصر عشان يجوا و يعينوا منهم واحد اتخانق معايا فى التليفون لما قولتلو خلصت و قعدت اعتذرلوا راح قفل السكة فى وشى (:)).

المهم من باب الواجب انتظرت الشخض الأولانى المدينى ميعاد و قابلتو فى الاوتوستراد (حتى فتحت الكابوت و عملت العربية عطلانة عشان الدنيا كانت زحمة و مش عاوز حد يقولى كلمتين), و طلع شاب محترم من بنى سويف معاه صديق و فنى و قعدوا يتفرجوا على العربية فى الضلمة (و قلتلو حتى على عيب الطنابير بردو) قلى أنا عايز أخلص قولتلو طيب الصبح ارفعها فى النور و ربنا يسهل, قلى لأ أنا عايز أروح بيها, يا عم يهديك يرضيك (أنا بصراحة مكنتش عامل حسابى و لسه سايب كل حاجة فى العربية) المهم قعد يفاصل شوية بعد مقولتلو السعر النهائى, رحت منزل 500 ج كمان و قلتلو دول لزوم مصاريف الطنابير و وقفت على 69500 ج الحمد لله, و راح رفعها فى بنزينة فى مدينة نصر عشان يبص على الشاسيه, و جه معايا البيت ادانى المبلغ و خد العربية و ربنا يباركلو فيها ان شاء الله, و على فكرة افتكرونى بشتغلهم فى موضوع الطنابير لدرجة ان الفنى كان سايق بينا على الدائرى و سرع لغاية 140 عشان يفرما جامد و ساعتها حس بيها (و فعلن لو مقلتش على العيب ده و كنت خدتهم من الأوتوسترات بدل الدائرى و أنا متعمد مكنوش هيعرفوا أصلن), المشكلة ان الراجل بتاع المعادى قعد يكلمنى و عرض رفع السعر بس الحمدلله و باركلى على البيع.
تمت بحمد الله :)

الحمدلله مبروك علي البيع و ان شاء الله تجيب حاجة احسن منها

المشاركة الأصلية كتبت بواسطة nouranwar

الحمدلله مبروك علي البيع و ان شاء الله تجيب حاجة احسن منها

ربنا يخليك يا باشا, وان شاء الله ربنا يوفقنى فى حاجة كويسة