الحمد لله يا باشا, و ربنا يكرم فى السيارة القادمة و يلهمنى للصواب عشان دماغى وكلانى تماما
الف مبروك عالبيع وربنا يكرمك باحسن منها
و الله انت راجل محترم
مبروك يا احمد باشا . ناوي علي إيه ان شاء الله .
شكرا لكم جميعا و يا مسهل يا رب, على قد لما بستمتع بعملية البحث و ان انا فى ايدى اختار الأنا عاوزو, على قد ما بيجى وقت و يحصل الزهق فقط لعدم توافر سيارة أخرى بحالة جيدة (هو فيه أخرى الحمد لله بس لا استمتع بقيادتها), ربنا يكرم ان شاء الله.
والله الحيرة ركبانى, شوية أقول خلينى فى بورا و اهى انا عارفها كويس, و بعدين أقول الالنترا اتخطفت منى طب ماتخليك فى الأوكتافيا a4 عشان بيعها أسهل و بعدين الاقى سعرها عالى أقول متفكر يا واد فى البى ام E46 أحد العربيات التى دائما تداعب خيالى (خصوصا ان فى واحدة معروضة عليا تبع ناس معرفة مفترض حالة كويسة و سعر مناسب مستنى بس أروح أعاين بس لو مطلعتش مناسبة هشيل موضوع البى ام من دماغى) و أخيرا بيجو 406 ذو الموتور الجبار 145 حصان الدايما تسحرنى بس بردو دايما بخاف منها.