غطاء التاكيهات

**ashrafandarwa** · 08-12-2011 12:29 PM

الساده / خبراء الدايو .....

اخوكم معاه نوبيرا 2007 عامله 59400 ك ، غيرت جوان غطاء التاكيتهات مرتين حد الان ( خلال مسافه 20 الف كليو ) الميكانيكى بيقولى لازم نغير الغطاء لان تغيير الجوان هيضرب كل شويه حتى لو الجوان اصلى لان ده عيب فى النوبيرا ( الميكانيكى هو محمد عبده )

برجاء الافاده ، هل الكلام ده صحيح ولا يوجد حل اخر ، واذا كان الكلام ده اكيد ، ممكن اعرف من وحوش الدايو سعر الغطاء ........... وهل يمكن شراءه مستعمل ولكم جزيل الشكر على الاجابه .....

**MMamdouh** · 08-12-2011 12:43 PM

لو المرتين اللى ضرب فيهم الجوان كان الجوان الاصلى يبقى الغطاء مقفع

نصيحة: لو هتشترى غطاء هات جديد مش مستعمل

MMamdouh

**MMamdouh** · 08-12-2011 04:00 PM

البوان ابو 20 جنية هيضرب بعد فترة قليلة فا هو مش مقياس

الجوان الاصلى المفروض انة بيعيش بشرط ان يكون متركب صح و الغطاء مش مقفع

طالما بتقول ان عبدة اللى ركبة يبقى صعب يكون راكب غلط... اما الغطاء مقفع فعلا او الزيت دة من اثار التسريب القديم... و ان كنت شاكك فى دة برضة لان اكيد عبدة نضف مكان الزيت اللى خرج من الجوان القديم

MMamdouh

**sameh2009** · 09-12-2011 01:05 AM

انا معايا نوبيرا 2005 وكانت معايا نفس المشكلة فى تعريق الزيت وفعلا الميكانيكى قالى لازم نغير غطاء التاكيهات وقالى هات غطاء بتاع نوبيرا 1 علشان معدن وهيقفل كويس بدل الفيبر بتاع نوبيرا 2 وفعلا غيرتة بواحد مستعمل معدن من عندة ومن بعدها مفيش اى زيت عرق خالص قفلى بجد موضوع التعريق دة انا كنت بلاقى اسلاك البوجيهات عاليها زيت كتير لكن دلوقت بعد فترة شلت الغطاء للتأكد لقيتة ناشف جدا والمعدن نضيف بدون اى زيت معرق علية

**ashrafandarwa** · 09-12-2011 02:11 AM

هو حضرتك الغطاء بتاع نوبيرا 1 نفس مقاس غطاء نوبيرا 2 ؟؟ وهل نشترى جوان بتاع نوبيرا 1 ام نوبيرا 2 ؟ وهل هو بتغطى نفس الفتحات والشكل ؟ وكمان ممكن حضرتك تقولى اشتريت الغطاء بكام ؟ وشكرا

**sameh2009** · 11-12-2011 01:07 AM

المشاركة الأصلية كتبت بواسطة ashrafandarwa

هو حضرتك الغطاء بتاع نوبيرا 1 نفس مقاس غطاء نوبيرا 2 ؟؟ وهل نشترى جوان بتاع نوبيرا 1 ام نوبيرا 2 ؟ وهل هو بتغطى نفس الفتحات والشكل ؟ وكمان ممكن حضرتك تقولى اشتريت الغطاء بكام ؟ وشكرا

اولا طبعا نفس المقاس امال ركب عندى ازاى واشتريت جوان نوبيرا 1 علشان الغطاء الجديد وركب عليها وغطى المساحات بالظبط واشتريت الغطاء بالتركيب والمصنعية من عند الميكانيكى نفسة ب 250 جنية وطبعا سعر الجوان الجديد كان عليا انا وبعد كدة رحت غيرت البوجيهات علشان القديمة كان نزل عليها زيت من الغطاء القديم والحمد لله كلة تمام دلوقت بقالى شهرين غيرتة ومفيش اى حاجة عرقت تانى وكنت بحط موبيل وغيرت لشل علشان سمعت ان موبيل بيتبخر من اكتر من واحد ولسة بجربة