ربنا يشفيه و يهون الفترة القادمة عليه و ده دور المحيطين بيه
إصابة صعبة للأسف
عرض للطباعة
ربنا يشفيه و يهون الفترة القادمة عليه و ده دور المحيطين بيه
إصابة صعبة للأسف
ربنا يشفيه يارب ويطمنك عليه
لا حول ولا قوة الا بالله
ربنا يكتبلو الشفا و يجعل كل دا في ميزان حسناته ان شاء الله و ربنا يصبرو و يصبر اهلو
بص عشان تبقى عارف حاجة مهمة جدا ان اهم حاجة في حالتو هي الحالة النفسية و ان هوا يكون عندو امل في ربنا و يكون عندو ايمان بالشفاء و مايستعجلش و يشوف كزا دكتور في كزا تخصص و يشوف ايه المتاح برة مصر لو يقدر و انت حاول تدعمو نفسيا على قد ما تقدر و تكون جنبو كتير و من غير عياط ولا تحسسوا ان حياتو كدا نتهت ولا حاجة من دي خااااااااااااالص
انا شخصيا اعرف حد اتعرض لنفس الظروف و لمدة تلات شهور الدكاترة قلولو مفيش امل بس هوا مفقدش الامل و فضل يدور لحد ما في دكتور قاللو ان في امل بس الموضوع هايخد وقت و فعلا بقالو سنتين تقريبا بيتعالج بس في تقدم اي نعم ببطىء لكن في تقدم و اهم حاجة ان هوا نفسو يصدق و يقتنع انه هايقف على رجليه تاني و ان شاء الله يقف و يرجع احسن من الاول
ربنا يشفيه ويصبره
ربنا يشفيه و يخفف عنه مصيبته
أنا سمعت في الراديو من كام أسبوع دكتور بيتكلم عن موضوع كسر العمود الفقري و قطع الحبل الشوكي
بصراحة كلام الدكتور كان على إن مفيش علاج فعال للمشكلة دي ظهر حتى الآن , بس هو قال إن ممكن العلاج الطبيعي يجيب نتيجة في بعض الحالات على حسب حجم الإصابة
انا متشكر جدا لكل الردود يا جماعه بجد لو احكي على حال اهله ماساه وخصوصا والدته مصطفى صحبي لسه عنده 24 سنه ولا خطب ولا عمل حاجه في حياتك كان لسه مكلمني اني عاوز يخطب انا سالت ودروت في النت كتير كل اللي قريته ميطمنش بس نفسي اكون بحلم او حد يقولي اني غلطان دا طيب جدا وغلبان ولا عمره ضر حد ولا زعل حد وكان جدع امه بجد انا لما بروح ازوره مش بقدر امسك نفسي كنا كل يوم بنخرج ونتفسح ونفكر ونشوف شغل ونفكر في مشاريع وعاوزين نتجوز مع بعض ونعمل مع بعض
انا معنديش مشكله اني اقضي وقت كتير معاه واحاول بقدر الامكان اخفف عنه دا يعتبر اكتر من اخ بس انا نفسي اعمله حاجه ياريت لو حد يقولي فيه امل وانا ادور عليه انا مبقتش بقدر اغمض عيني لاني بشوفه نايم مش بيتحرك بجد احساس صعب اوي مش متخيل انه حتى مش بيقدر يدخل الحمام ربنا يحفظكم انا مش قادر اعيش حياتي ولا اعمل حاجه حاسس اني باكل بالعافيه وهو كدا بقول ياريت حد يفدني ويقولي انه حيقوم ويمشي قريب
يا جماعه نصيحه لوجه الله لكل انسان حاسس انه عنده اكتئاب او حياته ضايعه او عاوز ينتحر بلاش تضيع عمرك او صحتك واحمد ربنا طول ما انت ماشي على رجلك مش مهم كل فلوس الدنيا والله ولا حتعملك حاجه ياريت نفتكر ان اكبر نعمه هي الصحه والفلوس عمرها ما بتعمل ولا بتحل حاجه ياريت كل واحد عنده صاحب زعلان منه يتنازل ويصالحه او قرايبه تعرفو ان بجد مفيش حاجه تستاهل والله ونعم ربنا علينا كتير يكفي الناس اللي بنحبها حوالينا وعندنا صحه نشتغل
يا اخواني مش ممكن اثبت الموضوع وادفع فلوس بس الناس علشان هو محتاج دعوات كتير ومفيش حاجه في الدنيا حتفيده غير دعوات انا ححاول اعمل جروب لو ينفع اثبت الموضوع هنا بفلوس ممكن اعرف التكلفه حتكون كام والله والله انا مستعد ابيع عربيتي بس حد يقولي انه حيمش بجد انا مبقتش بقدر اروح اشوفه في الحاله دي كل ما ابص في وشه افتكر خروجه او سفريه او يوم صعب او كلمه او موقف جدع انا مش عارف اعمل ايه مش قادر ازوره لاني مش بقدر امسك نفسي واهله قالولي اني لازم اكون جمبه واديله امل وتفاءل وكل اللي شفته على النت مفيهوش امل ولا تفاءل
لا حول ولا قوة الا بالله
ربنا يشفيه يا رب