ازاي اخلص مكملات غذائية من الجمارك؟؟؟ ارجو الرد ضروري لو سمحت

**KhaledGub** · 08-12-2011 11:22 PM

السلام عليكم
في البداية انا اشتريت مكملات غذائية من موقع bodybuilding وللاسف بقالها شهرين لحد دلوقتي موصلتليش وكل لما ابعت ايميل للموقع يقولي لسة في الجمارك وهما ملهمش دعوة ولا يعرفوا يتحكموا فيها وشركة الشحن نفسها اللي بعتاها اللي هي dhl مش عارفة عنه حاجة لان طريقة الشحن ديه مش بتدعم التتبع للشحنة step by step
انا كدة كدة معايا الـ Gm Tracking Number
بتاع dhlglobalmail
فعاوز اعرف لو عاوز اروح الجمارك اخلص الحاجات ديه اروح فين واعمل ايه بالظبط وشكراا

**Mshawky** · 08-12-2011 11:54 PM

لو اكتر من 2 كيلو هتدخل عرض وهيقرفوك ومش هتخرج الا بالفلوس لكن لو رسمى يبقا تسبها احسن طبعا لان ديه لازم تتسجل وتكون شركه وقصه انت فى غنى عنها

احسنلك متجبش من بره شوف حد هنا يبيبع اللى انت محتاجه وريح دماغك

**KhaledGub** · 09-12-2011 12:29 AM

المشاركة الأصلية كتبت بواسطة mshawky

لو اكتر من 2 كيلو هتدخل عرض وهيقرفوك ومش هتخرج الا بالفلوس لكن لو رسمى يبقا تسبها احسن طبعا لان ديه لازم تتسجل وتكون شركه وقصه انت فى غنى عنها

احسنلك متجبش من بره شوف حد هنا يبيبع اللى انت محتاجه وريح دماغك

انا قلت اجرب بقا بس طلعت غلطان فعلا
لا مش اكتر من اتنين كيلو هي اقل من كدة حوالي كيلو ونص
والمفروض الحد الاقصى بتاع الشحن نفسو 20 يوم وبقالها شهريين من ساعة مدفعت
يعني كدة بقالها اكتر من 40 يوم في الجمارك كتيييييييير فده طبيعي عادي؟؟؟ كل الايام ديه ليه؟؟
ومينفعش انا اروح اشوفها واجبها؟؟ حتى لو في اجرائات كتير هعملها مش هتفرق بس زهقت خلاص
وشكرا على ردك يا باشا

**Eng_hatemfathy** · 09-12-2011 01:49 AM

الحاجات دى افضل طريقه انك تتعرف من خلال الفيس مثلا على مضيف او طيار على خط امريكا وترتب معاه وتشترى وتشحن على عنوان الفندق اللى بينزل فيه ومهمته توصيلها ولو هياخد عموله يعنى انا عملتها بس مع مرات صاحبى وخليت صاحبى عمل اوردر من هنا وشحن على اهل مراته ومراته جابتهم معاها وطبعا فرق السعر رعيب يعنى cell tech بيتباع فى سيتى ستار ب 700 جنيه هوا جابه بالشحن 43 دولار ومركون عنده داخل على سنه ومش فاضى اروح اخده منه -فدى احسن طريقه تضمن بيها وصول الحاجه بامان وطريقه تانيه انك تتصل بشركه عندها سجل استيراد وتتفق معاهم على استخدام السجل فى الشحن والافراج الجمركى مقابل مبلغ وده سهل مع الناس اللى شغاله فى الاغذيه المستورده ومعتقدش هيكون فى مشكله وبالنسبه للحاجات الموجوده هنا مش مضمونه وبيقولوا انها لبن اطفال ومغشوشه والله اعلم

**M.Abdelshafi** · 09-12-2011 01:32 PM

انا جبت قبل كده مكملات من bodybuilding بس الشحن كان عن طريق fedex و هما اللى طلعوها من الجمارك و خدو فلوس التخليص الجمركى

**KhaledGub** · 09-12-2011 08:19 PM

طب يا جماعة المكان بتاع التخليص الجمروكي بيكون فين

**mohamed_selim** · 09-12-2011 10:25 PM

قرية البضايع

**3mr Farrag** · 18-10-2012 03:34 PM

ياريت حد يقولي تفاصيل الشحن من موقع بودي بلدينج
انا ليا ناس في امريكا بس ماحدش نازل دلوقتي
فا بفكر اجيب الحاجه عن طريق شركه شحن
يعني عايز اعرف ازاي بيحسبوا الجمارك علي اي اساس
و تكلفه الشحن
و ايه شركات الشحن الكويسه و ماتسوحنيش
و تجبلي الحاجه لحد البيت