ربنا يوفقك يا محمد باشا و مش هتندم و هتلاقى عربيات نظيفه بس اصبر لغاية ما تلاقى حاجه كويسه وربنا يقدملك اللى فيه الخير وبالتوفيق ان شاء الله
عرض للطباعة
ربنا يوفقك يا محمد باشا و مش هتندم و هتلاقى عربيات نظيفه بس اصبر لغاية ما تلاقى حاجه كويسه وربنا يقدملك اللى فيه الخير وبالتوفيق ان شاء الله
ربنا يخليك يا خلود وشكرا لزوقك يا كبير
يا شباب هوه ان موضوع cdx ?
ولسه سامع معلومه بتقول ان الاوبل الالمانى تقفيل بلاده هوه اللى التابلوه الاسمر
انما اللى لون التابلوه غير كده دة معناه انه تقفيل مصرى بتاع منصور ؟
ايه مدى صحه المقوله دى ؟
و كنت عاوز اعرف انه احسن 1600 ولا 2000 و لو جبتها موديل 2002 او 2003 و حالتها ممتازه السعر بيتراوح من كام لكام ؟
و ايه اخبار البنزين فى الموتور ال 2000 ؟؟؟
فعلا ركوبة الجولف غيرالاوبل زى ما syd قالك
الجولف شبابية وماتور جرى وانا شخصيا انحاز ليها
الاوبل ماتور محترم بتاع واحد عاقل ومتزن
انا جربت الاتنين عن تجربة شخصية وحاليا راكب اوبل 1600 مو99
المهم انك توقع عربية بيتى مش متهانة ولو غالية تبقى رخيصة
ماتزهقش وطول بالك
بالتوفيق
2000 cc قوه لا تقارن ب 1600
منور قسم اوبل ياابو مروان..
-معنديش معلومه مؤكه بالنسبه للون التابلوه بس فعلا بلاحظ اللي حضرتك بتقوله:U_thin1[1]:
-مفيش سي دي اكس 1600 سي سي ,كله 2000 سي سي
-ال1600 موتور ميكانيكيا سهل كامه واحده 8 صباب حساساته قليله وصيانته سهله
وقطع غياره رخيصه انما هورس باور متوسط لانه بيطلع 75 حصان انما عزمه عالي
125 نيوتن
-ال2000 موتور حديث ايكوتك معقد طبعا 2 كامه 16 صباب حساسات كتير بس جاااااار
في الجري 137 حصان يشد مع اي عربيه من الجديد انما صيانته طبعا بتتكلف وهو علي فكره موفر جدا في البنزين ,طبعا دي مواتير بعد سنه 99
-السعر طبعا حسب الحاله في سي دي اكس لسه معروضه في قسم البيع والشراء عندنا مطلوب فيها 90 الف وفي واحده تانيه اتباعت ب67 الف وكان في علي موقع تاني واحده وارد الخارج وصاحبها بيتكلم في 75 الف .البيع والشرا حسب الحاله وتساهيل طبعا.
والله يا باشا انا مش عارف اودى جمايلكم فيييييييييين
نزود الجمايل جميله
طيب ولو انى معجب جدا بال 2000 سى سى -لكن فى الاغلب هاتجه لل 1600
لأكثر من سبب
1- تعقيد الموتور وكثرة الحساسات فيه
2- ال 2000 على ما فهمت كله اتوماتيك وانا عايز عربية مانيوال
3- مصاريف الترخيص أقل
سؤال مهم عن نقطه اتكررت اكتر من مره - ان الموتور ال 1600 قديم و 8 صباب - هل ده فى كل الموديلات ولا الموديلات القديمة فقط؟؟؟
فى رأيكم لو 1600 موديل 2001 - 2003 حاله شاذة تعمل كام تقريبا مانيوال أعلى فئه (وأن كنت معرفش هل فيها فئات ولا لأ) تعمل كاااام تقريبا
موتور ال1600 استمر في المانوال من الشيب القديم اللي من 96 الي 99 الي الشيب الجديد من 2000 الي 2003 وده ماشاء الله لنجاحه لبساطه تركيبه والسعر حسب الحاله انما مبدئيا بيتكلم في 55 الف تقريبا لو العربيه بحالتها,انصحك بيه ,