:Ta_clap[1]::Ta_clap[1]::Ta_clap[1]:
الفضول ما يسمحش لحد يخش على الاكونت بتاعك من وراك يشوف انت بتكسب كام
بغض النظر عن عدم اقتناعي بان اي عضو ينشر مشكله له شخصيه او لحد قريب له علشان ياخد الاراء
لكن ليه افترضتوا سوء الظن انها دخلت الاكونت بتاعه يمكن كان نسي يقفله و هي شافته بالصدفه
بالنسبه انه لو زوجها يبقي حقها تدخل و لو اخوها مش من حقها
ازاي يعني لو انا شايفه ان اخويا بيعمل حاجه غلط او بيضيع نفسه يبقي اسيبه و ماليش دعوه به مع تحفظي ان مافيش علاقه بين ان مرتبه قليل و انه وضب شقته و جاب عربية لانه ممكن يكون فيه تفسير تاني غير اللي صاحبة المووضع فكرت فيه
دا من اي منطق يعني ان ماليش دعوه باخويا
اما بالنسبه للموضوع نفسه فانا بتهيئلي ان الشخص دا مخبي مرتبه الحقيقي و بيخاف من الحسد او انه مش بيحب حد يعرف حقيقة دخله علشان مايكونش مطالب باي شئ او مايحبش حد يدخل في خصوصياته
ملحوظة ، إبن عمي لما إتقدم وإتجوز أخفى على عائلة العروسة وعلى العروسة أنه عندة مورد رزق تاني (شركة سياحية هو وأخوة ) لأنه كان عندة ظروف مالية فى الشركة فمش عارف مستقبلها ، وكمان خايف أنهم يتصوروا أنه مليونير لمجرد أن أسمه عندة شركة
أعقل الناس أعذرهم للناس
ياما كان فى موضيع شخصية بتتفتح فى المنتدى ومكنش حد بيهاجم بالطريقة دى.
وبخصوص موضوع انها دخلت وقلبت فى اللاب والكلام دة احيانا كتير بتصادف معانا اننا ندخل على حاجة شخصية بدون قصد زى مثلا واحد نسي اكونت مفتوح على الجهاز وقام وهكذا اعتقد دة بيحصل كتير ومبيكونش عن تعمد وبرضوا بتحصل كتير فى الموبيلات
هي نيه صاحبه الموضوع اعتقد خير والله اعلم بس هي الطريقه نفسها مع الكلام مش موضح اوي بعض النقاط عشان كده في ناس كتير تحاملت عليها
بس اعتقد انه يكون ليها حق في الكلام ده لو خطيبها او جوزها طبعا هو مش اخوها اكيد وده واضح من الكلام
عموما هي تقريبا اتصدمت من الردود ومش هتشارك تاني في الموضوع
فين صاحبة الموضوع
مكنتش عايزة أرد لأن فيه ناس فهمت الموضوع حاجة تانيه خالص بس إلى فى مكانى يتهئ لى كان عمل كدة
على العموم كانت فيه ناس بتسئل كتير جدا أنا ليه عملت الموضوع فى منتدى و مكلمتش حد قريبى أو أعرفة أو هو شخصيا
أولا دا خطيبى و يتهئ لى محدش يرضى أن أخته تتجوز واحد مش واضح أو مفيش واحدة تتمنى أنها تعيش مع واحد مش واثق فيها و بيقولها كل حاجة
ثانيا كل صحابى و الناس إلى أعرفها يعرفوه يعنى لو أتكلمت معاهم أكيد الكلام هيوصلة
ثالثا لأن المنتدى هنا كله ناس كبيرة المفروض و أعقل منى و أسم القسم المنتدى الأجتماعى
اة كانت غلطة و فهمت غلطتى أننا مكنتش ينفع أتكلم فى منتدى بس إلى حصل بقى
أخر ماتوصلت له و الناس إلى قالتلى كسيب وكتوم و الكلام دة كله طلع عكس الحقيقة لأن كل حاجة كان بيقولهالى ماعدا الفتره الأخيره دى
و أخر مازهقت سئلته شخصيا و قولتلة أن فيه مصدر تانى قالى أكيد فيه مصدر تانى غير دا غير طبعا أنه قالى عايزانى أعملك كل دة و أجيب كل دة أزاى و بأسلوب غريب من أول ماتولدت و عرفته و هوا عمرة ماتكلم كدة و فى الأخر قالى الحقيقة أنه فاتح موقع مش كويس و زيه زى إلى بيتاجر فى الدين بالزيرو تسعوميه و زى أعلانات التليفزيون كلهم ضحك على الناس و خلاص لأنه زهق و مش لاقى شغل عدل و أن مفيش حاجة مضمونه و الأسطوانه القديمه دى و مش عارفة أقول اية أكتر من كدة من إلى قاله على العموم أنا أسفة أننا يمكن أتسرعت فى كتابتى للموضوع و يمكن أنا عملت غلطة كبيرة أننا أتكلمت فى حاجة شخصية بس يتهئ لى الغلط مش فى إلى بيثق فى الناس الغلط فى الناس إلى بتبيع مبادئها و مش بتثق فى حد
موقع مش كويس من اياهم يعنى !!! اامممم
واحد شغال شغل شريف اية الللى يجبرة يمشي ف الطريق دة
خلى بالك للتذكره
من تتبع عورات الناس تتبع الله عورته
يا أستاذه إنت غلطتك مش في عرض المشكله في منتدي ما ياما ناس عرضت مشاكل أكبر من كده بكتير و لكن كانو بيرودو علي المشاركات
لكن حضرتك سبتي الموضوع كل واحد أدلي بدلوه و من غير ما تفهميه أو يفهم أبعاد الموضوع
انت مش غلطانه
و تاني في الرد الأخير قولتي موقع مش كويس و ده كلام يخلي الناس دماغها تودي و تجيب
كان المفروض تتابعي الموضوع و توصلي مشكلتك للناس بالصوره الصح
يعني موقع اباحي ولا موقع من بتوع الأفلام والأغاني المضروبه؟
ياريت التوضيح
مش عارفة بس أكيد عدم رضا و هوا شايف أن كدة أسهل و أسرع
مكنتش بدخل إلا نادرا حوالى مرتين بس و مكنتش عارفة أقول اية بسبب قلة الخبره فى المصايب
وموقع مش كويس يعنى موقع مش محترم
أة زى ماقولت كدة موقع اباحي بالظبط كدة
و مش عارفة فى الأخر أقول ربنا يهديه ولا أية بالظبط أنا مش عارفة أية دة
طيب و هو المواقع الاباحيه بتجيب فلوس ازاى مش فاهم
خلاص اهربى منه انتى واحد معندوش مبادئ فى الحياه ونفسة ضعيفه
افسخي الخطوبة فورا ودون تردد
السلام عليكم ,
كدة مصدر دخلة حرام و حضرتك انفصلى عنه بهدوء و بدون ما تفضحية و الحمد الله ان ربنا أظهر لحضرتك الحقيقة قبل الزواج .
واحد مش فارق معاه تعاليم دينه
هتفرق معاه زوجته(فيما بعد)
اللي قبلنا قالوها
easy come easy go
القرش الحرام بيجر معاه القرش الحلال ويجر معاه الصحة
طبعا انتي عندك حق انك دورتي وانك عاوزه تعرفي طالما انه خطيبك وانا كنت حاسس كده من كلامك وبصراحه لازم كلنا نحييكي والله ونعتذر لك لو بعضنا أساء الظن بك لانك مفرحتيش بالفلوس الكتير والعربيه والشقه وجريتي را المظاهر فقط بينات كتير ممكن تفرح بالحاجات دي ومتفكرش زيك كده وطبعا انتي كده لازم تسيبي الكائن ده فورا (أسف في كلمه كائن بس ده مش راجل خالص وربنا يهديه برده) وصدقيني انتي كده ربنا بيحبك انه بينلك الحاجه دي قبل الجواز كانت هتبقى مشكله اكبر وانتي ربنا ان شاء الله يعوضك عنه خير واحسن منه 10000000 مره كمان
انسان لا تأتمنيه على نفسك
والحمد لله ان ربنا كشفه
فسخ الخطوبة بدو اي تردد مع تذكيره بالحلال والحرام وان فلوسه حرام وذنوبه جاريه
وربنا يهديه
ربنا يهدى
والله انا اسف على ظنى فيكى فى الاول
بس
بعيد عنك
انا عايز افهم اذاى موقع اباحى بيجيب فلوس ! اذا كان نايل موتورز بالعدد الخرافى اللى فية مبيجبش حاجة !
مانبت من حرام فالنار اولي به
اول مره هنقول لبنت سيبيه
الاعلانات اللى فى المواقع دى والعدد المهول بتاع المراهقين اللى بيدخلو والناس اللى تفكيرهم حيوانى مش شهوانى بس بيشوف الصورة يضغط عليها بدون مايفهم فهو ده اللى بيجيب الارباح
انا عايز اعرف لو العربيه اللى جابها من الفلوس دى اتقلب بيها ومات او حصله عاهه مستديمة هتنفعه ساعتها الفلوس
بس هو ازاى قدر يقولك انه عنده موقع اباحى بالبساطة دى ؟؟
الله المستعان
اللهم اخلف عليكى بزوجا يتقى الله فيكى ويطعمك رزقا حلالا طيبا
شئ عجيب والله !! كان فى فيلم اجنبى نفس القصة بالضبط اسمة
PineApple Express بس كان كوميدى جداااااااا
طالما كوميدى هيكون سهرتى النهارده المود طالب كوميدى
اسال الله العلى العظيم ان يبدلك خيرا منه وان يرزقك الزوج الصالح الذى مطعمة حلال ومشربة حلال وان يكون عونا لك على طاعة الله وتكونين عونا لة على طاعة الله.
ربنا يوفقك للخير
أرحو من الادارة حذف الموضوع بعد ما انتهى الغرض منه لأنه يخص الحياة الشخصية لأحد أخواتنا