بدأت أشك فى مصدر تمويل شخص أعرفه لدرجة أننا دورت وراه وأكتشتفت بلاوى

**MaZaGAngeE** · 10-12-2011 12:10 AM

المشاركة الأصلية كتبت بواسطة shaddadfalcon1

مبدائيا اللي حصل للشخص ده عااااااااااااادي جدا طالما في مجال نظم المعلومات وعلي حد علمي عمري ماشفت حد في المجال ده وبياخد 800 جنيه
وبعد التخرج المرتب ممكن يكون 3000 جنيه ببساطه شديده يعني 36 الف في السنه ده غير اللي بيعمله من جوجل ادس يعني عادي جدا
وممكن يكون بيشتغل في البيت (freelancing )

نا خطبت واتجوزت وعملت كل حاجه في سنه طبعا بمساعده من والدي يبقي انا كده عميل وحد بيمولني؟
لو كل واحد شغل نفسه بنفسه الدنيا هتبقي احسن بكتيير

قولي ازاي عملت كده ؟

المشاركة الأصلية كتبت بواسطة mazagngi2010

موضوع مستفز جدا ياريت يتقفل

بالعكس الموضوع مناسب جدا عشان الرجالة اللي لسه متجوزوش يعرفوا الستات بتفكر ازاي ..

المشاركة الأصلية كتبت بواسطة eng f3lix

ممكن حاجة مهمة بقت منتشرة دلوقتي
network marketing
انا اعرف ناس بيدخلها في السنة من 35 الف دولار ل 70 الف
مش بعيد يكون بيتعامل مع شركة qnet

ايه الشركة دي و حكايتها ايه و نشتغل معاها ازاي ظ

المشاركة الأصلية كتبت بواسطة نور القمر

وليه اسأنا الظن بالعضوة صاحبة الموضوع وانها بتتجسس وفضول وكدة
مفيش فرض انه يكون اخوها ولا جوزها ولا خطيبها ولا ابن اختها وعايزة تطمن انه مش ماشي في سكة حرام او سكة تجيب له مشاكل !!!

انا قلتلها ان الوحيد اللي لازم تعرف مصدر دخله هوه جوزها و تعرف منه مباشرة بدون لف و دوران ....
لكن اخوها , ابوها .... أي حد تانيمش من حقها تعرف و لا حتى من حقها تناقش الموضوع معاه ..

**أحمد كمال** · 10-12-2011 12:20 AM

بالعكس الموضوع مناسب جدا عشان الرجالة اللي لسه متجوزوش يعرفوا الستات بتفكر ازاي ..

اي واحد صاحبي بيفكر يتجوز بابعت له شوية لينكات من المنتدى المهبب اياه من القسم اياه بتاع الشكاوى اللي من غير كشف اسم العضوة ......... بيفر فراره من المجذوم ههههههههههههههه

**Samah AbdAllah** · 10-12-2011 12:31 AM

هو ايه المنتدى اياه ده يا احمد :-))

**bmya** · 10-12-2011 02:47 AM

انا حاسس من الكلام انه خطيبك
لو هو كده فعلا يبقى حقك طبعا تعرفي عنه كل حاجه بس طبعا تكلميه بكل صراحه بدون لف ودوران صدقيني ده احسن حل
على فكره انا اتحطيت في موقف زي ده وكنت انا مكان الراجل المشكوك في امره بس مع اختلاف الامور يعني ماكانش حاجات ماديه وفولوس وكده كان حوار تاني بس الفكره انبرده كان في تدوير من بعيد و من ورايا وكلام مش مباشر واان مكنتش فاهم في ايه ولا قصدهم ايه
المهم يعني لو يهمك بجد تكلميه face 2 face مفيش كلام تاني لكن اللي بتعمليه ده غلط والله عن تجربه و ممكن جداااااااااااااااااااا تكوني ظلماه والله اعلم

**shaddadfalcon1** · 10-12-2011 09:27 PM

ياجدعان انا ممكن اشتغل جاسوس بعد الظهر
حدش عنده حد يشغلني معاه؟ بقالي 5 سنين مش عارف اجيب شقه والعربيه البارومه كلتها مش عارف اغيرها

**icehearted girl** · 10-12-2011 10:55 PM

بغض النظران مش من حقي الوم عليي صاحبة الموضوع..لي تعليقين

اولهما ابدي تعاطفي الشديد علراجل الغلبان اللي بيكتم اخباره وبيستعين بالكتمان ف قضاء حاجته واتسيحله فلمنتديات وعدد المشاهدات بقت بالمئات هيناموا يفكروا جاب فلوسه منين

_ ثانيا: اعترض علي كلمة (عربية معفنة) كلمة مش ظريفة بصراحة وفيها تعالي من غير داعي يعني

كل واحد عربيته غالية عنده مهما كانت بسيطة ف عيون الاخرين...

وكل عربية مهما كانت جين تو مثلا او حتي باجيرو وارد انها تبقي معفنة من وجهة نظر اصحاب سيارات اخري

من تواضع لله رفعه

-

-

-

-

الموضوع: بدأت أشك فى مصدر تمويل شخص أعرفه لدرجة أننا دورت وراه وأكتشتفت بلاوى

LinkBack

أدوات الموضوع

عرض

-

-

-

-

-

المواضيع المتشابهه

البايكر المستعجل اوى شكله وراه حاجه

نصيحة قليلة تمنع بلاوى كتيرة

هل الزياده فى سعر اللوجان وراه اوبشن زياده ؟؟؟؟

الحمد لله كترنا لدرجة أننا بقينا بنتلغبط في بعض

الكلمات الدلالية لهذا الموضوع

المفضلات

المفضلات

ضوابط المشاركة