سوال للناس اللى دخلت الجيش

**م/مصطفى محمود** · 09-12-2011 10:07 PM

خدوا معاكم (مزيل عرق بلية (بلاش إسبراي ممكن يتاخد) + 3 فرش جزم على مقاسك (مهم جدا) + بدرة رجل + 3 شرابات ميري من عند الشيشينجي (هتحتاجهم جدا) + البوكسرات ممكن تكون ألوان (ويُفضل) + مكن حلاقة ومستلزماتة + صابونة ديتول + صبانة (مهمة علشان الصابونة متضيعشي)+ 3 أقفال يكون فيهم 2 بالكمبيوتر(علشان الصيني بيفتح بعضة ) + كروت ميناتل + معلقة + ابرة وخيط + كشاف نور صغير + بلاش تاخد معاك أكل علشان مش هيرضوا يدخلوة + حاولوا تدخلوا معاكم علبة تمر ، هتفيدكم جدا جدا جوة + حاولوا تهربوا الدوا بتاع البرد ، علشان لو شافوة هياخدوة ويقولولك لما تتعب روح للدكتور ومش هيديكم حاجة)

**ahmedhawas** · 09-12-2011 10:25 PM

المشاركة الأصلية كتبت بواسطة shaddadfalcon1

واسطه يامعلم مع كشف هيئه عشان والدي كان مريض وانا الكبيرو اخويا اصغير مني ب 16 سنه

أنا كمان كشفت هيئة ، وكان معي إلتماس إني أنزل من ظابط إحتياط إلى عسكري ، وقد كان والحمد لله.

المشاركة الأصلية كتبت بواسطة moataz01mousa

شكر خاص للعضو احمد حواس
انا معاك يامينى كوبر 18/1 من الرمايه
يارب هون عليا الايام
هو ممكن اخد معايا بوكسرات ملونه اللى هيا قطونيل ولا انزل اشرى ابيض وخلاص
كنت عايز اعرف فين اماكن بيع مستلزمات الجيش علشان لو حاجه اتسرقت او ضاعت وهل ممكن اخد معايا فتيامنات لتقويه الجسم

-بالنسبة للبوكسرات الملونة .. مكانش في قيود عالموضوع ده.
-متشغلش دماغك دلوقتي بأماكن بيع المهمات (الهدوم الميري يعني) .. مش وقته خالص.
حافظ على مخلتك .. ومتفكرش في يوم تسليم مختلك دلوقتي خالص.
-بالنسبة للفيتامينات ..أعتقد مش هيسمحوا ،، أنا سمحولي بدوا البرد بالعافية.

المشاركة الأصلية كتبت بواسطة moataz01mousa

بالنسه للنظافه الحمامات انا ممكن ارتكب جنايه او جنحه مش عارف ممكن انظفها غصب عنى
سبحان الله انا غير مدخن لو كنت مدخن مكنتش اتضايقت انا بكره السجاير كره العمى
انا لازم اشترى ساعه فيها منبه علشان اصحلهوم من النجمه المشكله ان انا بحب انا بمزاجى واصحى بمزاجى مش عارف مزاجاى كده هيتعجنن

-بصراحة عمري ما اتحطيت في نضافة الحمامات (بس متقلقش.. في أدوات للموضوع ده)
أنا وبكل فخر .. نضافة ميس ثم نضافة أحد الشوارع.
-أكتر شيءضايقني أنا كمان دخان السجاير .. أنا عندي أقعد في عز البرد ولا إني أقعد في مكان دافي ومغلق ومعبي دخان.
-بالنسبة لمزاج سيادتك : فانا مش عارف أقولك إيه بصراحة .. "يمهل ولا يهمل""

**subhimust** · 09-12-2011 10:53 PM

انا جندي مجند بكل فخر متخلف عن اداء الخدمة العسكرية وربنا يستر

**samyyousef** · 09-12-2011 11:07 PM

المشاركة الأصلية كتبت بواسطة moataz01mousa

بالنسه للنظافه الحمامات انا ممكن ارتكب جنايه او جنحه مش عارف ممكن انظفها غصب عنى
سبحان الله انا غير مدخن لو كنت مدخن مكنتش اتضايقت انا بكره السجاير كره العمى
انا لازم اشترى ساعه فيها منبه علشان اصحلهوم من النجمه المشكله ان انا بحب انا بمزاجى واصحى بمزاجى مش عارف مزاجاى كده هيتعجنن

متنساش تاخد معاك خرطوم
و خد بانادول

**Nistelrooy** · 09-12-2011 11:39 PM

معاكم يوم 19 :( وربنا يستر ع الايام الي داخليين عليها ..

دي بعض النصائح المنقولة برضوا

--------------

على العموم الحاجت المهمة فى مركز التدريب.........
1- فلوس تقريبا من 300 وانت طالع
2-غيارات داخلية
3-بودرة رجلين
4-مزيل عرق
5- 3 اربطة جذمة
6-فرش جذمة عشان خاطر البييادة ناشفة اوى
7-قفلين نحاس عشان المخلة والدولاب
8-هيسلموك فوطة هناك بس ابقى خد واحدة تانية معاك
9-امواس كتير عشان هتحلق ذقك كل يوم او يومين ولو ذقنك بتلتهب خد معاك اى كولونيا
10-ادوية الانفلونزا و مسكنات
11-معلقة
12-فرشاة اسنان لو بتسخدمها
13-ورنيش اسود
14- خرطوم صغير يجى متر هتعرف جوه هتعمل بيه ايه
15-ليفة عشان تستحمه
نصائح......متعرفش اى حد معاك فلوس كام عشان السرقة و حافظ على مخلتك و حطها فى عينيك عشان هتسلمها بعد المدة يا حبيبى
مكدبش عليك الحياة هناك صعبة حبتين بس كل يوم هيعدى اليوم اللى بعديه اسهل عشان انت هتاخد على الوضع .......انسى البرستيج و اعرف ان ده اكتر وقت هتعرف فيه ربنا و فى نفس الوقت عندك فرصة للبوظان وانت اللى هتختار ......متخفش من حد و متخليش حد من الصولات ياخد عليك .....الميرى مفيهوش شتيمة ليك و لاهلك فمتسمحش لحد يشتمك و ربنا يوفقك "فترة من الحياة جميلة جدا وافضل صحاب هتعرفهم هناك لانكم قايمين نايمين و متكدرين مع بعض افضل حتى من كل اصحابك اللى انت تعرفهم" ربنا يوفقك

**Nistelrooy** · 09-12-2011 11:40 PM

وانا هانزل رمسيس بيقولوا بيبيعوا الحاجات بتاعة الجيش .. انا هنزل علي اول السنة ان شاء الله ,, واجيب الاقفال الكمبيوتر دي ..

**homme49** · 10-12-2011 07:41 AM

بالنسبة للأدوية حاول تأخد معاك دواء للإسهال و أخر للإمساك و لكن خبيهم بأى شكل

حاول يوم ذهابك لمركز التدريب أن تضع إحتياجاتك الشخصية فى أقدم شنطة عندك و تلبس

أقدم ملابس عندك لأنك يوم الترحيل للوحدات و فور إستقبالك سوف يتم حرق تلك الشنطة و

الملابس المدنى أمام عينيك لأنهم ليسوا ملابس ميرى

الملاحظات المكتوبة كلها تنصب على فترة مركز التدريب فقط و لكن بعد الترحيل فى الوحدات

سوف تعتبر فترة التدريب إقامة فى فندق 5 نجوم خاصة ذا تم توزيعك فى أماكن صحراوية يصعب

فيها الحصول على الماء لذلك لا بد أن تحتاط بالحصول على بكرتين أو ثلاثة من ورق التواليت

تجنب إستخدام لغة غير اللغة العربية حتى لا تصبح عرضة للإضطهاد من بعض الشخصيات المعقدة

بعد فترة التدريب و الحصول على أجازة لتقييف الأوفرول على مقاس جسمك حاول تفصل أوفرول

جديد لدى الشيشنجى أو ما شابه فى محلات العباسية لأنه سيفرق معك كثيرا فى إكتساب إحترام

قادتك لك فى الوحدة التى ستخدم فيها بعد التوزيع

تجنب تسليف نقود لأى زميل خلال فترة التدريب إلا ذا كنت تعرفه من قبل

لا تنسى بعد التوزيع فى الوحدات أن يكون معك سماعة للراديو حتى تستطيع سماعه طوال فترة

الخدمة الليلية و أنت واقف وحدك بالسلاح و لكن ضع السماعة فى أذن واحدة فقط لكى تسمع

بالأخرى ما يدور حولك من محاولة مفاجئتك

للتفتيش عليك

**Nistelrooy** · 10-12-2011 09:48 PM

اية ده بجد بيحرقوا الهدوم ؟

**م/مصطفى محمود** · 10-12-2011 10:05 PM

مفيش حرق هدوم ولا حاجه ، ومفيش كمان حفلات إستقبال ، أساسا مركز التدريب بقى 15 يوم ، هدومك الملكي هيخلوك تسلمها لأهلك فى أول زيارة ، ولو أهلك مجوش هتخليهم فى الدولاب وترجعهم لما تنزل أول أجازة

بس ممنوع الأكل (علشان ميضمنوش أن ممكن يجيلك تسمم بسببة - على أساس إن مش هيجيلك تسسم من أكل الميز :d )

صحيح خدوا معاكم بخاخة وديتول سائل (علشان ترش على السرير علشان البق ) ، ومتنسوش الشبشب (هتستلم هناك شبشب بس بيعور الرجل ) ، وبجد الأيام بتعدي عادي المهم متعملشي فيها الواد البُرم وتتنطط على حد ، ولا تعمل نفسك الزعيم ، خليك عادي أعمل اللى يتطلب منك ومتخليش حد ملوش لازمة يكلمك كلمة ملهاش لازمة ، وأعرف إنك بتأدي خدمة وطنية مش محبوس ، بجد هتفرق معاك كتير

وربنا يوفقكم ويعديهالكم على خير

أخوكم جندي مُجند مصطفى محمود ، رديف 1 / 6 / 2012

**Nistelrooy** · 10-12-2011 10:42 PM

شكرا يا مصطفي محمود :)
انا جبت معالق بلاستك كدا علشان الاكل ..

الموضوع: سوال للناس اللى دخلت الجيش

LinkBack

أدوات الموضوع

عرض

-

-

-

-

-

-

المواضيع المتشابهه

للناس اللى ساقت السانديرو

للناس اللي دخلت الجيش

سوال للناس اللي مجربين البازوكا افيدوني

للناس اللى فاهمه

الكلمات الدلالية لهذا الموضوع

المفضلات

المفضلات

ضوابط المشاركة