انا بشكر كل واحد هنا فى المنتدى على تقديم المساعده وكلمه شكرا قليله لكل واحد فكر يساعد غيره شكرا
عرض للطباعة
انا بشكر كل واحد هنا فى المنتدى على تقديم المساعده وكلمه شكرا قليله لكل واحد فكر يساعد غيره شكرا
حضرتك انا برضوا مركز تدريب المعادي (مشاة مشترك 2 ) ، أكيد اللى عمل كده المندوب بتاع الوحدة اللى إبن حضرتك راح فيها ، بس ده غير قانوني وكان ممكن يبهدلهم فيها (لأنه مسموحلة بيهم لحد ما ينزل أجازة )اقتباس:
عزيزى مصطفى
إبنى دفعتك و تم حرق هدومة بعد الترحيل مباشرة من مركز التدريب فى المعادى إلى معسكر بالإسماعيلية و كان متحسر تماما على الشنطة و الحذاء الأديداس
يبدو أن الأمر يختلف من مركز تدريب لآخر
أغلب الدفعات دلوقتي 15 يوم (في ناس قعدت يومين وأترحلوا بس المتوسط من 10 ل 20 ) ، وموضوع حفلات الإستقبال بيبقى فى العادة والمتوسطة ، فوق المتوسطة والعليا صعب حد ييجي جمبهم (بيعملوا مشاكل كتير ) ، زميلي الصول حب يزحفهم ولا واحد منهم زحف ، والظابط زعق للصول (طالما مش غلطانين وهو بيستعبط) لكن لو غلطان (أزحف بكرامتك أفضل :d )اقتباس:
واضح ان ال "م/مصطفى" كان حظه حلو في مركز التدريب بتاعه (مفيش حفل إستقبال + 15 يوم ..بس).
بالنسبة للهدوم الملكي : المفروض تسلمهم للأهل في أول زيارة، أو تروحهم في أول أجازة.
وخلي بالك : الشرطة العسكرية ليها الحق تفتشك وتفتش شنطتك وانت نازل أجازة من مركز التدريب طالما لابس ميري.
فلو معاك هدوم ملكي : المفروض ليها تصريح.
أنا مركز التدريب بتاعي كان 50 يوم ، والهدوم الميري فضلت معايا لحد ما خلصت الفترة كلها.
وأكيد كل مركز تدريب وله نظامه.
الكلام ده للمتوسطة والعادة (3 سنين وسنتين ) ، علشان فى منهم بيدخلوا سواقين (لطول فطرة التجنيد فيسهل التدريب ) لكن أنتوا على ما تتدربوا هتكونوا خرجتماقتباس:
كمان كمان انا عمال اكتب فى ورقه اهو معن عندى لجنه طبيه عليا يوم الاربعاء بس انا موهل نفسيا لدخول الجيش جدااااااااااااا
حد طلبو منو صوره الرخصه ؟
مركز التدريب ده اجمل ايام فى الجيش وممكن تكون اصعب حسب وحدتك الى هتترحل عليها بعد كده
انا دفعه شهر 10
طبعا رجاله المنتدى قالو على كل حاجه ممكن تحتجها هناك وزياده
الاهم دلوقتى انك تهيىء نفسك للى هتشوفه هناك
الحياه هناك مش اساطير
اول يومين هيكونو بنسبالك صعب جداااااا متعبين جسديااا وعقليااا
هتفضل فتره كل يوم تصحى الصبح تستغرب وتقول اانا ايه الى جبنى هنا
هتتعرف على صحاب كتير هتنامو وتكلو وتتكدرو مع بعض
هتهونو على بعض جدااااا كل حاجه
متخدش الحياه قفش هناك ....هزر وعيش حياتك مع صحابك
وخد الناس على قد عقلها
فى مره عندنا صول عمال يزعق فى واحد عندنا هو دكتور فلواد افش جامد وقله انا مش قاعد 7 سنين فى الكليه علشان واحد زيك يزعقلى
الصول قله مهو لو انت شاطر زى زميلك كان زمانك خلصت فى 4 سنين اما انت فاشل
فخد الصولات على قدر عقولهم واعمل الى يعجبك
الصولات بيخافو من الموهلات العليا محدش هيقدر يشتمك هناك ولو حصلت اشتكيه مش تخاف من حد ابدااا
الحياه فى الجيش مش كلها عسكريه واوامر والكلام الفاضى ده
الحياه حلوه والله هى بس فى الاول هتحسها صعبه على متتعود عليها
ربنا يجزيكم خير علي النصائح دي وانا معاكوا ف دفعة يناير 2012 ان شاء الله
ماحدش يعرف واسطة يا جماعة تشوفلنا سلاح كويس :((
حتي لو بفلوس مش يبخل علينا .. بس ياريت يكون ثقة