الموضوع: تجربتى للالنترا بعد الصنى

المشاركة الأصلية كتبت بواسطة hossam99

شكرا علي نقل التجربه الجميله
موضوع نعومة الدركسيون دي كانت سبب قلق لحضرتك علشان فاكره هايبقي ناعم علي السرعه زي ما هو ناعم في المدينه لكن هو بيفصل
أنا عارف إن مستحيل حد يرتاح للباور من أول مره لكن اللي بيتعود عليه بيعرف إنه إن شاء الله مفهوش خطر

أما الفرامل فحضرتك بتقول بترجرج يبقي فيه عيب في العربيه يبقي دي حالة لا يعتمد عليها

و بخصوص التقفيل و الخامات .. هو كان لون الفرش و التابلوه أيه؟ و كان فيه مخدع يد و لا لأ ؟

أما موضوع الصاج ضعيف أو قوي فده مش موضوع للنقاش في العربيات الحديثه لأنه بيبقي مصنوع بمراعاة التصميم و الأمان

علي فكره أنا مجرب الصني الـ2008 الفانوس العادي مانيوال و العربيه دي برتاح لها جدا و تستاهل كل قرش أدفع فيها

العفو يا باشا , فعلا الباور ناعم جدا و مش تتعود علية بسهولة , ممكن يكون فى عيب فى الفرامل خصوصا انها متاجرة بس هى كويسة فى المجمل , الفرش و التابلوة بيج و مفيش مخدع بس مش عجبنى الصالون و دى ازواق , لا بس فى عربيات فى نفس الفئة صاج اقوى , الصنى تستاهل كل قرش ادفع فيها ده اقل كلمة تتقال فى العربية الجبارة دى , مشكور لمشاركة حضرتك .

المشاركة الأصلية كتبت بواسطة autotycoon

هتحكم على عربية من عربية متأجرة ؟
بعدين انت قصدك على اي الانترا؟ الجديدة ولا القديمة؟؟

عشان كدة قلت فى الاول انها عربية متاجرة و كنت محايد و مش بحكم و لا حاجة مجرد تجربة بنقلها , النترا قديمة 2009 يا باشا

المشاركة الأصلية كتبت بواسطة MaZaGAngeE

دي الجديدة و لا القديمة ؟
و ممكن تقارن كده في السريع بينها و بين الصني ؟

دى القديمة , حضرتك الالنترا تتفوق فى السحب بس مش معنى كده ان الصنى بطة لا فرق بسيط يمكن ثانيتين يعنى 12 ثانية لو بنحسب من 0-100 كم , الفرامل تقريبا شبة بعض او الصنى اقوى و خصوصا لو abs , نيجى للمهم الثبااااات فى الصنى اجرى زى مانت عايز لازقة فى الارض و تحسها تقيلة و بعدين الدريكسيون باور زيت يعنى اتقل و بيطمن على السرعات ,اما الالنترا نقطة الثبات دى هتفشل فيها لانها خفيفة اوى على السرعات , ده غير عوامل الامان اللى موجوده فى الصنى من abs و airbags و صاجها متين , التابلوه هو اقدم بش اقيم و اشيك من وجهة نظرى , الصالون مش واسع زى الالنترا , الشكل الالنترا شبابى اكتر والصنى شياكة و كلاسيك. التقفيل من الصالون و الشكل الخارجى مفيش فرق انما من الماتور الالنترا تتفوق منظر جميل تحت الكبوت , الاعتمادية بردو اعتقد الصنى هتتفوق فيها بحكم انها يبانى , بالنسبة لى لو هتشرى عربية تانى هختار الصنى بردو