الموضوع: ازاي نــســوق اوتــوبــيـس او نــقــل او ونــش ( كـلـه يـدخـل )

المشاركة الأصلية كتبت بواسطة eng_hatemfathy

سواقة الاوناش والشوكه واللوادر سهله اوى لان كل الجديد اتوماتيك يعنى بارك ونيوترال وريفرس وديركت والمشكله فى سواقتها (بعيد عن الونش علشان فى شوية كلاحظات خاصة بالبومه ) لازم متخليهوش يترجرج علشان هتزهق وده عن طريق توافق الطاقه المبزوله للتغلب على طاقة الوضع مع التغذية للتسارع ودى عايزة حساسية بس والشيفت فى المعدات الثقيله الجديده شفت الكترونى وكمان دواسة البنزين الكترونى يعنى لما تغير وضع الفتيس بينشط مفتاح كهربى معين يدى امر للكمبيوتر فيدى اشاره لصمامات زيت كهربيه بتغير اتجاه حركة المعده والضعط على دواسة التسارع بيغير مقاومه متغيره وبرده بتدى اشاره للكمبيوتر علشان تفتح صمام الوقود شويه وطبعا مفيش فارق بين سواقتهم وسواقه عربه الملاهى غير الابعاد والوزن والرجرجه بسبب طاقة الوضع الونش مختلف شويه علشان وضع البومه وزوايا الميول ودى بتم عن طريق جداول ومسطره فى الموديلات القديم وكمبيوتر بمجموعة حساسات فى الاوناش الجديدة بتعتمد على استطالة البومه والاوزن المعلق وزاوية ميلها بل كمان ممكن تغذيتها باقطار الدوران المسموح بيها تبعا لمكان العمل وذلك لتلافى الخطأ البشرى وبالتأكيد الونش لن يتحرك طالما هناك تحذير على الكمبيوتر وغالبا ان الاواناش ترفع على اربع اذرع قبل رد البومه او تعليق حمل فيها وعندهل لن يتحرك الونش لانه مرفوع
ونسيت ابين ان معظم اوناش الشوكة وبعض اللوادر بتلف بالعجل الخلفى يعنى لو عايز تخش يمين تلف الطاره شمال والعكس ودع بسراعه لذيذ ومسلى خاصه لو شوكة ببطاريه بيبقى عامل زى اللعبه
بالنسبة لرأس المقطورة فكما قال الزميل تختلف عدد التقلات باختلاف نوع السياره فهناك مان المانى 12 نقله 6 خفيف و6 ثقيل ويتم الاختيا ر من خلال زرار شيفت جير واستخدامهم بالفعل يتم على اختلاف الحموله ووضع الطريق فمستحيل السائق يترك السيارة تندفع منه فى المنزل ولازم يكتفها وده من خلال خبرة السائق اما بالنسبه لمن يضطره حظه العثر لقيادتها فلا يهم خفيف ولا ثقيل لانه بيفكر ازاى يحركها ومش مهم الباقى والاحساس بالابعاد هوا اخطر مشكله فيها

كلام جميل جدااااا
بس معلش هتعبك معايا و عشان التوضيح اكتر ممكن صور او تفرقة بين انواع الاوناش لأني في انواعهم ببصم ايه الفرق الشوكة و اللودر و الونش و بالنسبة اذرع التحكم في الوظايف زي اني ارفع او انزل و هكذاا
و شكرا ع ردك الوافي

المشاركة الأصلية كتبت بواسطة sayed911

الإنسان الطبيعي ممكن يسوق كافة المعدات المستخدمة في البناء ما عدا الجريدر !! لأنه فيه اكتر من 12 فتيس بتقريبا شبه يستحيل الا على انسان متمرس جدا يسوقه !! ممكن الإنسان يسوق دقاق هراس لودر لكن جريدر مستحيل !!
بالنسبة للسؤال يا فندم !! التريلات الجديدة كلها بتبقى نفس الديزاين الراس وباقي الشاسيه من ورا قابل للتعديلا سواق بمقطورة اول قلاب !!
طيب بالنسبة للمفاتيح !! انتا مش ها يهمك ف يالمفاتيخ يا فندم غير 3 !! واحد الأصفر والأحمر !! غالبا بيبقوا كالتالي !! الأحمر بيبقى الهاند بريك ودي بتبقى عبارة عن ضغط هواء وهوة ده اللي بتسمعه قبل الحركة اول عند الفرملة !!
بالنسبة للأصفر لو كانت جرار فقط فهو بيفعل المغناطيس الخلفي للعربية لو كانت قلاب يبقى بيرفع الذراع الهيدروليكي ..
حاجات اضافية !! زي طريقة الفرملة مش مستحبة نهائيا انك تفرمل زي الملاكي كبسة واحدة بل انك تكارك لأنك في النهاردة بتبعمكد على ضغط هواء وكمبريسور مش زي العربيات زيت !!
بالنسبة للأتوبيسات فهي قصة تانية تماما غير التريلات لأنها مفيش فيها عجوز وجرار يا فندم !! زيها زي العربية 90% + الأتوبيسات الجديدة كلها بتنزل اوتوماتيك الا بنز ما زالت محافظة على فكرة المانيوال ..
فيه زرار تاني بس بصراحة مش فاكر لونه ده اللي وظيفته يقلب الراس لقدام اللي هية الكابينة عشان لو فيه شغل في الموتور ولا حاجة !!
وجاري البحث عن فيديو متخصص :d

تمام يا استاذ سيد بس بتكلم برده ع القديم شوية يعني اللي هو قلاب بس و بيفكرك بالنقل اللي طلع في رصيف نمرة 5 ههههههه بس ع شكل احدث و دايما لونه اصفر ده برده نفس الفكرة و لا فارق

بالنسبة الزراير في الفيديو التالت اللي استاذ اسامة حطه لقيته داس ع الاتنين قبل ما يطلع اشمعني ؟؟
و بالمناسبة ايه الـ lo اللي بتكون ورا الريفيرس في الفتيس بتاعت ايه ؟؟

بالنسبة الفرامل متقلقش ليا في حوار الهوا ده لأني سوقت 128 مش نازلة ع سيرفو و كانت طول الوقت بتملي هوا ههههههههه لو دوست فجأة ابقي قابلني لو وقفت لازم تكارك عشان تقف تمام بس طبعا هتفرق في الحجم و التقل

و انا برده عمال ادور ع فيديوهات و جاري انتظار حضرتك :)