الموضوع: ازاي نــســوق اوتــوبــيـس او نــقــل او ونــش ( كـلـه يـدخـل )

المشاركة الأصلية كتبت بواسطة sayed911

بص ببساطة من مجال عملي انا ها ادورلك على فيديوهات ولكن كمقدمة بسيطة !! العربيات الكبيرة دائما اعتمد مثلا في الملفات على القاعدة الذهبية في الملف الا وهي !! متبدأش تلف الطارة الا بعد ان تكون عربيتك عدت نصف الملف !! يعني لو بتاخد يوتيرن !! متبدأش تلف الدركيسون الا بعد ما نصف العربية يكون عدى العربية !! بالنسبة للنقلات انا ها اتكلم عن الموديلات الحديثة من الجاموسة (المرسيدس ) والسبع "المان" وانواعها المتخلفة من الغيارات في الدول الأروبية اللي شوفتها !!
العربية بتبقى في متوسط 14 نقلة !! زيها زي العربيات فيه اقل وفيه اكثر !! لأنه في استراليا الترلات ممكن توصل لجرار بـ 4 مقطورات "شفتها بأم عيني "


طيب دول صورتين سريعتين للفتيس عربية مان !!
واحد يسألني ويقولي هيا 14 نقلة يعني فيها 14 مجرا ؟! اقوله لأ 90% بتبقى 7-7 !!
السبعة الأولانين بيطلق عليهم اسم العجوز !! والسابعة التانين بيلقبوا بالجرار !!
بمعنى !!
اول 7 نقلات لا يتم استعمالهم الا والعربية محملة !! لو السواق ادى غيار من اول 7 والعربية خفيفة "مش محملة او المقطورة مش موصولة" باي باي كده !!
يعني بيستعملم والعربية محملة فقط !! اما السبعة الأخارى بيتم استعمالهم والعربية مفرغة !! وللأمانة انا مش متذكر !! فيه منهم مجموعة لما تخلص 7 تدخل على 7 التانين مش فاكر بصراحة انهي فيهم الأول !! يعني وانتا مسافر شرم الشيخ مثلا فيه حتة في الطريق السواقين كلهم عارفينها مسافة اكتر من 15 كيلو بإرتفاع "مطلع" بيطر يبفضل طالعهم على غيار قليل عشان يديلوا عزم اكبر !!
طيب !! لما الفتيس 7 مجاري بس بيجيب الـ14 دول ازاي !!
ببساطة تحت الفتيس زي ماهوة موضح في الصورة حاجة اسمها سوستة او شيفتر !! "الموديلات القديمة بتبقى زي شداد بتاع دركسيون العجلة" انا بس منتظر بكرة ولا بعده لما انزل الشغل اتأكد لحضرتك مين فيهم المجموعة الأولى مجموعة الجرار ولا مجموعة العجوز !!
طيب حاجة اضافية بسيطة !!
العربيات حضرتك لو رفعت رجلك من على الدبرياج وانتا مش موازن بنزين كل اللي ها يحصل العربية ها تنطر منك وها تبطل فورا !! صح ؟!
التريلات لأ !! لو العربية بطلت منك 80% !! عمود الكرنك "اللي بتشوفه بيلف تحت العربية " ها يحصل حاجة اسمها torque وها يتقطم من المفصلة !! طبعا الموديلات الحديثة تم تلافي حاجات كتير زي دي بأنه العربية متنقلش عزم الدوران للفتيس تلافيا للضرر اللي ممكن يحصل ولكن برضه ما يزال الموضوع خطر انك متبقاش متمرس جدا جدا جدا في موازنة الدبرياج مع البنزين !!
اي استفسار آخر انا تحت امر حضرتك يا فندم

بصراحة مش عارف اقولك ايه الف شكر ع الشرح
و طالما في مجال عملك اعتقد هتقدر تتعرف اكتر ع الموضوع ده و نحن في انتظار حضرتك بالتفصيل بقي متنسناش هههههههه و يا ريت لو توضيح يعني برده بخصوص امتي انقل ع النقلة اللي بعدها و نقلة الطلعة و مكانها بيكون فين في التوزيع و المارشدير و لما اجي ادور بدور ازاي و برده ممورة و هل كل النقل مانيوال كده و لا فيه اوتوماتيك برده ..الخ..ألخ مش هوصيك بقي هههههه و بالمرة بقي ايه زراير اللي بتنزل الحمولة عشان الواحد يتجنبها ههههه و بخصوص الونش لو عندهم فكرة
و بالنسبة ديه حضرتك المقطورة صح مش النقل العادية اللي بتنقل الرمل اللي بنشوفها ؟؟

و في انتظار حضرتك ع احر من الجمر