كرسي كمبيوتر طبي..منين؟

**Khaled Online** · 09-12-2011 01:36 PM

السلام عليكم يا رجالة
شغلي بيجبرني أقعد متسمر قدام الشاشة مش أقل من 7 ساعات يوميا
غير الوقت اللي بأقعده قدام الكمبيوتر في البيت

كلنا كدة بس فيه ناس معانا في الشغل ابتدا ضهرها يتعبها لدرجة إن بتقعد نص يوم بقالها أسبوع وبعديها هيكملوا علاج طبيعي. وربنا يعافيهم

الحل هو الوقاية بس فين ألاقي كرسي مكتب وينفع طبعا للي بيكتب على الكيبورد كتير؟ أنهي شركات بتبيع حاجات محترمة ومضمونة والناس بتشكر فيها؟

اللي محيرني إن معرفشي حتى إيه المواصفات المطلوبة في كرسي يكون مريح للجسم من الناحية الطبية ويكون بيمنع أو على الأقل بيقلل الآثار الجانبية للقعدة المستمرة؟

وهل مصطلح "كرسي طبي" سليم أصلا؟

وشكرا جزيلا مقدما

**Khaled Online** · 09-12-2011 11:12 PM

السلام عليكم مرة تانية
محدش عارف؟

**M.Radwan** · 10-12-2011 08:27 AM

متابع..عشان أنا نفس النظام، ده غير القعدة كمان فى العربية

**MRBEBO** · 10-12-2011 08:40 AM

لو عاوز مجرد كرسي كمبيوتر ادجستبل ومريح وهيدروليك بيعمل في رنج من 250 - 600 تقريبا حسب حجمه وخاماته وكده

لكن طبي طبي يعني بسمع ان فيه حاجات بتوصل 3000 جنيه واكتر كمان ! بس مش عارف دي منين واكيد هتبقى من الاماكن المشهورة في الاثاث المكتبي

**shaddadfalcon1** · 10-12-2011 09:43 PM

ياريت انا كمان ظهري هيتكسر من القاعده علي كراسي السفره

بس يعني ايه طبي ده ؟

**aboomar22** · 10-12-2011 09:55 PM

طبى يعنى مصنع بمواصفات خاصة وتصميمة مطابق للمواصفات القياسية الموضوعة بواسطة المراكز الطبية المعتمدة عايز كرسى محترم اشترى من مكان كبير موم مثلا او موبيكا وخلى بالك الكراسى فى اماكن كتير بتبقى نفس الشكل بس مش نفس الصناعة والخامات والمواصفات اهم بقى من الكرسى شوية رياضه كل يوم الصبح لتقوية عضلات الظهر وكل ساعة قوم من الكرسى عشر دقايق صلى مثلا ادخل الحمام اتمشى شويه وتاكد من الكرسى كل فتره انه متربط كويس ومفيش فيه ميل او اعوجاج من احد الجوانب

**i_Am_Legend** · 10-12-2011 10:56 PM

انا كمااااااااااااان......مع ان الكرسي بتاعي موبيكا......بس محتاج حاجة اريح...وضهر اطول.....

**shaddadfalcon1** · 11-12-2011 12:01 AM

طيب اسعار بتاع موبيكا ده ايه ؟ وياتري مغطي الظهر كله والراس وفيه سندات للأيد ولا لآ؟

**Khaled Online** · 11-12-2011 09:51 AM

المشاركة الأصلية كتبت بواسطة MRBEBO

لو عاوز مجرد كرسي كمبيوتر ادجستبل ومريح وهيدروليك بيعمل في رنج من 250 - 600 تقريبا حسب حجمه وخاماته وكده

لكن طبي طبي يعني بسمع ان فيه حاجات بتوصل 3000 جنيه واكتر كمان ! بس مش عارف دي منين واكيد هتبقى من الاماكن المشهورة في الاثاث المكتبي

موجود بس مش مريح
إيه أضمن شركات بتبيع الأثاث المكتبي؟ عايزين شركات الناس جربتها فعلا

المشاركة الأصلية كتبت بواسطة aboomar22

طبى يعنى مصنع بمواصفات خاصة وتصميمة مطابق للمواصفات القياسية الموضوعة بواسطة المراكز الطبية المعتمدة عايز كرسى محترم اشترى من مكان كبير موم مثلا او موبيكا وخلى بالك الكراسى فى اماكن كتير بتبقى نفس الشكل بس مش نفس الصناعة والخامات والمواصفات اهم بقى من الكرسى شوية رياضه كل يوم الصبح لتقوية عضلات الظهر وكل ساعة قوم من الكرسى عشر دقايق صلى مثلا ادخل الحمام اتمشى شويه وتاكد من الكرسى كل فتره انه متربط كويس ومفيش فيه ميل او اعوجاج من احد الجوانب

تمام بس مواصفاته إيه؟ يعني وأنا هناك أدور على إيه؟ لأني عارف إن عندهم موديلات كتير وفي الغالب مش هعرف أفرق إلا حسب كلام ال sales وابقى قابلني بقى لو اتقى الله فينا (إلا من رَحِمَ ربي)

وعلى فكرة كلام حضرتك سليم جدا من ناحية الكرسي مش هيحل كل المشاكل بس هو عامل أساسي برضه

**Khaled Online** · 11-12-2011 09:27 PM

للرفع

الموضوع: كرسي كمبيوتر طبي..منين؟

LinkBack

أدوات الموضوع

عرض

كرسي كمبيوتر طبي..منين؟ - انشر الموضوع فى :

-

-

-

-

-

المواضيع المتشابهه

شراء كرسي كمبيوتر

كرسي القنبله

كرسي متحرك

هل ممكن شبك كمبيوتر السيارة مع كمبيوتر عادي؟

الكلمات الدلالية لهذا الموضوع

المفضلات

المفضلات

ضوابط المشاركة