تجربة قيادة الألنترا الجديدة 2012 على وضع المانيوال
رجالة هيونداي المحترمين تحياتي ليكم كلكم فرد فرد ويارب تكونو بخير وأفضل حال ... يوم عن يوم الألنترا بتدهشني بقدراتها ومع أني كنت من هواة الجري والشد والغرز كبعض الشباب المصري - وهو شيء لا أفتخر به على الأطلاق بل على العكس أخجل منه ولكن ده حاجة نادرة كدة كل كام أسبوع حفاظاً على حياة المواطنين - أمبارح كنت بأتمشى في المنتزة وصاحبي قالي أيه الفتيس ده شكله غريب هو بينقل بس + و - ولا أيه وضعه قولتله أيوة بالظبط كده أستغرب وقالي يعني زي الفيراري وعربيات الفورميلا هههههه طبعاً حسيت أنه من كوكب تاني وهو معاه نيسان صني 2010 بس أنبهر بالهيونداي ووسع صالونها وفخامته - علشان اللي بيألس على البلاستيك :redeye: - المهم قالي ماتوريني قولت وماله يا واد يا أشرف جرب مش هتخسر حاجة وماشوفتش نور هو كان معاه موبايله وعلبة سجايرة في أيده من الطلعه الحاجات دى أتنترت على الأرض أنا عن نفسي أتخضيت المهم مشينا شوية على المانيوال بس هادي وطبعاً صاحبي أنبهر بتسارع العربية وقولت أروح صاحبي بيته وأطلع أجرب الفتيس على المانيوال الساعة 1 بعد منتصف الليل والطريق شبه فاضي ودي أنطباعاتي عن الفتيس :
- تسارع خرافي لم تضاهيه أي سيارة في نفس الفئة ( سيراتو - أوكتافيا - جين تو - لانسر شارك ) حاجة واحدة بس عرفت تشتغل معايا وهي الميني كوبر الجديدة :00020140: .
- صوت الفتيس أكثر من رائع جربوه وأسمعوا بنفسكم بعد ما تقفلوا الزجاج كله حاجة كده زي تسارع فيراري والحاجات اللي بنسمعها دي هسهس كده بسيط وحاجة تحسسك أن الفتيس كائن حي :ilikeit: .
- الطلعة الأولى والنقلات التانية والتالتة تسارع العربية أكثر من ممتاز يعني تمشي وكأن الجميع حولك واقفين مكانهم ساكنين وطبعاً مع الشد مع الميني كوبر أضطريت أحرق على الغيار ولاحظت ان صوت الماتور بيعلي بشكل واضح مع زيادة الحرق على النقلة الواحدة .
- خاصية ممتازة في فتيس الألنترا الجديدة وهي أن الفتيس اوتوماتيك عند الحرق بصورة كبيرة على أي نقله بيطلع للنقلة الأعلى حفاظاً على سلامة المحرك وهي خاصية أمان أكثر من رائعة .