تحذير من بنزينه موبيل في المعادي
انا عايز احذر الناس من بنزينه موبيل الي في شارع فلسطين الي جنب البندر
انا رحت اغير زيت الموتور و انا بحط موبيل وان علي طول المهم غيرت الزيت و مفيش شهر كده و كنت عند الميكانيكي بالصدفه فا بيبص علي الزيت قالي الزيت محروق علي الاخر و افتكرني اني ماشي عليه كتيييير اوي و مصدقش اني مغيره من حوالي شهر بس يعني حوال 1000 كم
المهم رحت غيرت الزيت في بنزينه تانيه و الزيت كان كويس المهم انا برضه متعلمتش و بعدها بفتره كده رحت عند نفس البنزينه اغير زيت فتيس المهم غيرته عندهم و دفعت مبلغ محترم و مشيت
لقيت الفتيس بيهنج و صوته عالي و حاجات غريبه كده
رحت للميكانيكي وراني الزيت لقيه متفحم ولا كانيي مشيت عليه 100000 كم
انا حبيت احذر الناس لان البنزينه دي مش تمام و حتي طريقه التعامل معاهم تحس انهم بينصبوا عليك