الموضوع: كيا بيكانتو تحصل علي لقب " صفقة العام "

المشاركة الأصلية كتبت بواسطة formulator

+111
تمااااااااااام,
فين بقى الـQuality والخامات والأمان اللى بقى أعلى.. عشان يبقى السعر مبرر..؟؟!!!
- الصاج: هو هو البيكانتو القديمة (اللى كان سعرها مبالغ فيه برضه)..
- الـinterior: نفس نوعية الخامات, بس الـdesign أحسن.. وأنا ركبت العربية فـ كذا فئة.. وسوقت واحد مانيوال وأوبشن عالى كمااااااان..!!
- الأمان: نفس الفرامل, الثبات أفضل قليلا.. وبرضه الـABS والأيرباجز لسع بيعتبروها Options..؟؟!!! ومش موجودة كمان.؟!!
ونظرية "عربية تقعد معاك 5-7 سنين" دى.. مش مضمونة فـ الكورى, بكل وضوح كده.. خصوصا لو انت hard driver زى حالاتى كده (وناس كتيييييييييير فـ المنتدى)..؟؟!!!
عربيات فستك disposable ماتعملتش عشان تعيش.. اليابانى أفضل بكتييييير (مش هقول Euro)

لكن.. معاك فـ جزئية ان توكيلات الأوروبى كلها زفت .. والكورى أفضل فـ التوكيل, والصيانات.. وكماااااان اعادة البيع.. مفيش كلام..

ماشي بس معلش الخامات احسن بكتييييييير اركب البيكانتو القديمة و الجديدة وشوف :)
الامان لانا ولا انت الي بنحكم ... بص على EuroNcap .. الABS و AIRBAGS من OPTIONS في مصر بس علشان غبور بيه.. بس حسالك سؤال :)

لو اوماطرة او سيات او اي شركة عرفه يجيبوا اي عربية من عربياتهم بدون ABS و AIRBAGS مش حيرتددوا ثانية واحدة :)

بانسبة ل 5-7 سنين .. انا الحمد الله الباليو مطلع "عين عائلتها الكريمة كلها بقالي 6 سنين" و شغالة زي الفل ... بس بهدلتني في قطع الغيار و التوكيل و الصيانة . . يعني صرف في 6 سنين صيانة مبلغ لا يقل عن
25 الف جنيه ده غير طبعا الحوادث و قطع غيار الحوادث !!!

مقارنة مع زميل لي اشترى في نفس الوقت بتاعي فرنا و انا كنت كاره الي خلفوها ... غيرها لسة من شهرين عاملة نفس اليل انا عاملة و سواقته العن من سواقتي 100 الف مرة .. وحالتها كانت زي حالة عربيتي او اقل ..

طبعا الموضوع مش عام لان عربيتي تعتبر ارخص عربية من فيات وتقريبا نفس الكلام بالنسبة لهيونداي ..

بس انا بتلكم "كفلوس" مش اكتر :)

وبرده لو رجعت بالزمن مش حشتري الفرنا ... حجيب الباليو .. بس الكلام ده قبل الجواز :)

دلوقتي انا عايز اكبر و افخم و اشيكو اعلى و اكبر اعادة بيع و اسهل صيانة و ارخص قطع غيار :)

المشاركة الأصلية كتبت بواسطة تامر.محمد

بس يا كريم هي مازالت لا تقارن بالفيات 500 مثلا (بغض النظر عن رأيي الشخصي فيها و سعرها اللي مازلت شايفه مبالغ فيه جدا)

و لما باقول هي لا تقارن بالفيات 500 هانحط عربية جنب عربية و هانشيل اوماترا خالص من الحسابات لأن ده تقرير توب جير

لا دي طبعا وسعت .. انا عندي ارخص و اعفن فيات 500 احلى 100 مرة من البيكانتو :)
بس ممكن تقارن بالباندا ... اخت ال 500 الرخيصة

وخالي بالكم يا جماعة كيا في اوروبا ضمانها 7 سنوات .. و ضمان ضمان مش زي عندنا و التامين عليها ارخص بكتييييييير من التامين على فيات 500 مثلا .. فهو مقالش انها احسن كعربية .. قال احسن ك " وجبة كومبو يعني من الاقتصادية " :)