الموضوع: كيا بيكانتو تحصل علي لقب " صفقة العام "

المشاركة الأصلية كتبت بواسطة formulator

أنا برضه مش مقتنع, البيكانتو الجديدة قبيحة جدا التنين..؟؟!!!
وبعدين بيقول أرخص 1000 استرلينى من "أرخص" فيات 500 (اللى هى 1.2 8v مانيوال)..؟!! لسه ماتكلمناش فـ TwniAir أو MultiAir أو ديوالوجيك
ولا حتى Abarthـــات..؟؟!!!

فـ حين ان الكيا جردل أوبشنز.. على اعتبار انها بتبقى Fully-Loaded Cheap Asian Car زى اى عربية كورى بتتباع فـ أوروبا..؟؟؟!!!

وملقاش غير الفيات 500 اللى هى Cutest Car on Earth ويضرب بيها المثل مع البيكانتو اللى هى الـUgliest Car of All Time فى فئة المينى..؟؟!!!
e Respect كل العربيات الكورى حلوة من جوا.. بس Cheap Plastics
ومعلش لو هنقول مثال بالأكبر منها (Super Mini) ملقيتش غير الأبيزا.. اللى معروف انها أقل سيارات فئتها فـ الـinterior..؟؟!!!

ليـــــــــــــه مقولتش البونتو أيفو, الفييستا, الكورسا مثلا..؟!! ولو ان دى فئة تانى, بس معلش: ماهى البيكانتو الـSh*t دى ثمنها فـ مصر بيوصل لـ100 ألف جنيه؟؟؟؟؟؟؟؟!!!!!!!!!!!
هار أسود..96-97 ألف فـ دى ياجدعان..؟؟!!!

بلاش الابيزا :) ضيف عائلة فولكس فاجن كلها ! في السبور ميني !
ولو حننزل لتحت ..شوف ال VW FOX عاملة ازاي ! في فيات مش حينفع اقارنها غير ب ال PUNTO CLASSIC
بلاش اوروبا ... شوف "اليا ريس " D:

ثمنها استهبال .. ده صحيح .. بس برده انتم "مش انت يعني" الي اجربته كوريا على كدة !

كل موديل جديد ينزل من عندهم كل الناس :
You Cheap Asian Cars with Plastic Crap

لما حاولوا يرتقوا شوية بموديلات السنة دي و الي فاتت من كيا و هيونداي ... استعملوا لاول مرة مصممين بجد و ابتدوا يهتموا بالخامات و الكماليات و الامان ( مفيش عربية كوري BTW اقل من 4 نجوم حاليا) اضظروا ي BUMP ال PRICES علشان يوصل للجودة الي انت عايزها !

و موديلات كمان 5 سنين حتغلى علشان تقرب من الاوروبي >> يبقى النتيجة انها مبتقش cheap بس فضلت Asian :)

وبعدين انت بتلوم البيكانتو انها ب 97 الف جنيه (الهايلاين بتاعتها - هي بتبدا من 70 اعتقد)
و مش بتلوم الجيتا الي نازلة ب 200 الف جنيه ؟
والبولو الفاضية بمحرك تعبان ب 135 الف ؟
و الابيزا حتى الي احقر انتريور ب 130 الف ؟؟؟

ده حتى الايفو غليت من 110 ل 118 بدون اي سبب ! رغم انها ارخص الاوروبي الاوروبي بمحركها النونو

و دي كلها عربيات سوبر ميني .. و Considered في اوروبا
Cheap & Cheer-full ! :)

---

بلاش كعربيات .. تعالي نقيم باداء كتوكيلات ؟
اوماطرة ؟؟ ييجوا جنب EIT (كيا و رينو) في حاجة ؟
فرق شاسع في كل حاجة! مبيعات ! تسويق ! صيانة ! كل حــــــــــــــــاجة !

معظم توكيلات السيارات الاوروبية ... في العسل :)
والي بيشتري عربية مش زي الي بيشتري موبايل من غير ضمان ... دي حاجة تانية خالص .

فالنهاية ده الي المستهلك المصري طلبه و قعد يزن عليه ... خامات ... امان ... تصميمات اشيك ... بس جه على دماغه .. انه اغلى !!!

يعني بمنتهى الامانة ...
لو انت شاب مصري متوسط الحال .. و بفتكر مثلا تجيب عربية ب 125 الف جنيه بالقسط .. و حتقسطها على 5-6 سنين .. وتفدفعلك 2000 - 2500 جنيه في الشهر من عرقك !

حتشتري عربية عايزها تعد معاك على الاقل فترة التقسيط ... بدون وجع دماغ في التوكيلات و الصيانة ... لو لقدر الله عملت حادثة تعرف تصلحها و تلاقيها حاجات برة التوكيل .. لو لا قدر الله اتبهدلت تعرف تبيعها من غير ماتخسر جامد ...

بنظرة "عملية" بس ... تركب مثلا سيراتو ؟ ولا حتسيب كل ده علشان الروح الايطالية و تركب ايفو ؟
صحيح الايفو على الورق وكسواقة ممكن تكون امتع من السيراتو بكتيييييييير !

لكن في الحياة العملية اليومية .. انت سوري .. بهدلت نفسك او على الاقل في "مصر" مش براها .

و ده طبعا my 2 cents يعني مش اكتر :)