دلوقتى انا عندى صوت تصفير بيحصل بعد التدوير على طول و تقريبا ممكن يكون الدنمو بس مش فى كل مرة بيحصل التصفير دة و كدة كدة العربية لسة فى الضمان المشكلة بقى ازاى فى التوكيل ااكد ليهم انها بتصفر رغم انها ممكن متصفرش فى وقتها
عرض للطباعة
دلوقتى انا عندى صوت تصفير بيحصل بعد التدوير على طول و تقريبا ممكن يكون الدنمو بس مش فى كل مرة بيحصل التصفير دة و كدة كدة العربية لسة فى الضمان المشكلة بقى ازاى فى التوكيل ااكد ليهم انها بتصفر رغم انها ممكن متصفرش فى وقتها
بلية الدينامو تعمل خشونة و تفضل على طول متروحش انما ده غالبا السير
ممكن محتاج يكون محتاج يتظبط ال tension بتاعه
انا بلية الدينمو لما بدأت كان الصوت بيروح وبيجى مش مستمر وهو عبارة عن صوت زى الحكة
اما اذا كان الصوت عندك اول ما تدور العربية زى صوت الصريخ كده او تصفير عالى فده ممكن يكون السير عندك محتاج يتشد شوية ممكن تكون غيرت مية العربية او طرمبة الميه او غيرت السير فى صيانة ال 80000 واللى ركبه مكنش متخصص ومشدش السير كويس لانه لازم يتشد شده معينه وبالتالى ميصرخش
صوت الصفير او الصريخ اول ما تدول العربية ده بيكون السير محتاج يتشد انت متأكد انك معملتش صيانة او اخر حاجة حصلت معاك قبل الصوت ما يظهر ؟؟؟؟؟؟
ولو العيب فى الدينمو ممكن انك تشغل العربية وتفتح الكبوت وتحط يدك على الدينمو لو حسيت انه فيه خبيط بسيط كده يبقى من الدينمو وشيك على طرمبة المية برضه تحت الدينمو على طوول والسير كمان
مع انى انك ماشى بس 18000 فالاحتمالات كلها بعيده
بس لو طلع مثلا سير الكتينة يبقى على الضمان ولا عليا
غالبا صوم التصفير اللى اول ما تدور العربية ده السير ومحتاج يتشد بس
فعلا انا روحت التوكيل امبارح و شد الجنزير