-
بيتلز 1800 سي سي
انا بسأل عشان انا في عربية قدامي الماني موديل 1968 فيها موتور 1800 سي سي بتاع الميكروباص على كلامه يعني انا مفهمش في البيتلز بس هو شكله مش نصاب و هو ثابته على الرخصه 1300 المهم انا معرفش الموتور ده يبقى حلو ولا وحش ياعني يعيب العربيه ولا لا و في حد بيصلحه و كده و له قطع غيار ولا لا و الكلام ده كله مع العلم ان انا ماليش في البيتلز دي اول عربيه ليا و مش عاوز البس بس انا حابب العربيه و ربنا ييسر اسف على الاطاله و اتمنى رد لإني فعلا محتار و خايف انها تبقى فرصه و تضيع
-
مواتير البيتلز الاستوك 1200
1300
1600
ال 1800 ده هاتلاقيه مخروط لكن اصلة 1300
خليك في موتورز ستوك لانك مش هاتحتاج العافية دي كلها في الموتور وانت مبتدء
-
مع احترامي لحضرتك انا مبتدئ بيتل لاكن الحمد لله بسوق من زمان يعني و بعدين انا سألت سواق ميكروباص فولكس اللي هو زي بتاع الهرم قاللي ان الموتور بتاعه الستوك 1800 فعلا و بنزين فعلا بس كلهم بيحولوه غاز
-
يمكن في موتور 1800 لكن المواتير الميكروباص هي ال 1600 زي اللي كانت بتنزل في ال 1303
-
-
بص يا كبير
مواتير البيتل نوعين
type 1 و type 4
type 1
اللى هو فى البيتل العاديه مش الميكروباص
و ده فى منه
ال 1200
1300
1500
1600
فقط
ال type4
1700
2000
فقط
و مبدئيا الtype 4 ماينفعش يركب فى البيتل العاديه
الاتنين تبريد هواء
و الاتنين نفس الشكل
بس ده ماينفعش يركب مكان ده
و ال موتور ال 1300 سهل اوى يتعدل 1600
و ال 1600 سهل جدا يتعدل ل 1800
و ممكن 2000 كمان
خلاصه الكلام عشان تتمتع بالبيتل صح
دور على عربيه بيتى متكنش متهانه
اساسيتها كويسه
و يفضل برضه تكون على ابوها مش متعدله ( يعنى متكونش خمسينات و متعدله سبعينات مثلا )
يفضل موتور 1600 بحاله جيده لو انت من محبى الجرى يعنى
و انا عن نفسى افضل موديل 1303 لراحه اكتر لان عفشتها احسن من 1300
و ربنا يوفقك :)
-
والله متشكر جدا جداااا على المعلومه و انا الحمد لله جبت واحده بيتي فعلا لسه فابريكا دواخل بس 1200 سي سي بس الحمد لله انا راضي بيها يعني و فعلا شكرا جذيلا على المعلومة
-
الف ممبروك ربنا يكفيك شرها
Content Relevant URLs by
vBSEO 3.6.0 PL2