دواسة الدبرياج عالية الميكانيكى قال اسطوانة ؟

**kingbrazile** · 09-12-2011 11:12 PM

عربيتى اوبل كورسا سيدان 2004 عندى دواسة الدبرياج مرتفعة رحت للميكانيكى علشان يوطيها قالى دى من اسطوانة الدبرياج متأكلة قالى انك متحمل رجلك على الدواسة وانت ماشى كتير والعربية انا لسا مشتريها من والدى والعربية مابتمشيش كتيرخالص العربية من سنة 2004 عاملة لحد يومنا هذا 37000 كيلو فقط ياريت اعرف ارائكم ولو هغراسطوانة اجيبها منين ولا اجيبها استيراد ومنين

**tananybasha** · 09-12-2011 11:27 PM

كده صح
و هتغير طقم الدبرياج كله
هات اللوك
ممتاز
استيراد
انا مجربة و لقيته احسن من الجديد
بس هى ارزاق
فيفضل الجديد
ب 950 جنيه

**tananybasha** · 09-12-2011 11:51 PM

اكيد مع علو الدبرياج ده
هتلاقى رجة و خنقة

**tananybasha** · 10-12-2011 12:56 AM

لو تقدر تصبر
خليك صابر

**SYD** · 10-12-2011 04:45 AM

بالنسبة للرعشة ممكن بردو يكون المتسبب فيها ترس الفلام
او يكون الديسك فيه عالي وواطي وعايز يتمسح

لو زودت شوية في الطلعة ممكن تتلافي الرعشة واشتغل علي الأسطوانة شوية لحد لما تمصمصها وبعد كدة ابقي غيرها

انا بعيد عنك وعن السامعين كان معايا لادا وفضلت ماشي علي الأسطوانة لحد لما الديسك فلق من بعضة والعربية وانا عند الميكانيكي بغير طقم الدبرياج بيقولي انقلها فضلت ترج وصوتها علي ومش راضية تتنقل من مكانها
كانت الأسطوانة والديسك انتهوا لمرحلة 0%

طبعا مش بقولك اوصل للمرحلة دي بس لا مانع لو امكانياتك مش سامحة دلوقتي انك تمشي عليها سنة ولا اتنين وبعد كدة غيرها
ومش بتريأ

ليا واحد زميلي كان معاه جولف الميكانيكي قاله الأسطوانة عايزة تتغير - غيرها بعد سبع سنين
والعربية طول السبع سنين فرك وتفحيت من الي قلبك يحبه

قطع الغيار الألماني بتاع بلاده ممكن يعيش اكتر مما تتوقع او يكون متعارف عليه

ربنا ييسر امورك ومبروك العربية

والله المستعان
،
،