كنت منورنا يا سماح باشا .. وفعلا كان يوم جميل بوجود كل الاعضاء .. وحسيت انه فعلا كان رحلة ممتعة
ومعلش على تاخير دخولك الصيانة .. لانى بلغتهم قبل يوم الخميس كان اخر النهار
ومكنش مثبوت فى سيستم الحجز ..
بخصوص موضوع النور .. انا النهاردة كنت عندهم فى المركز تانى .. عشان عضو اخر من النايل كان عندهم
وحكتلهم على الموضوع عندك
وقالولى مفروض ان الفنى يبعد العربية شوية عن الحائط .. عشان يجرب ..
وبخصوص زيادة الفنيين .. عندى عندى عدد الفنيين افضل من كترهم عشان تقدر تسيطر على الجو العام
بس طبعا مع الانتباه ان يكون عندك 10 فنيين كفا جدا افضل ما يكون عندك 20 فيهم 10 كفا والباقى متوسط
وبعدين كدا كدا حتى لو فى زحمة .. هما عارفين بيستقبلوا كام عربية فى اليوم ..
يعنى مثلا فى وجهة نظرهم استقبل 50 عربية فى اليوم .. بس تتعمل صيانتهم صح .. افضل ما يكون عندى 100 عربية ويطلع من ال100 دول بسبب الضغط 30 بيشتكوا
وده اللى بيحصل فى مراكز خدمة اخرى .. بسبب الضغط وبسبب ان احيانا ناس كتير بتدخل من غير سابق حجز
وهو ده ممكن ياثر عليهم فى المكاسب بس حيعمل سمعة كويسة للمركز
ونقطة تانية .. ان مش مشكلة ان عربيتى تاخد صيانة 2 او 3 افضل ما تاخد ساعة وارجع تانى عشان فى حاجة حصلت واتنست
وطبعا فى البداية افتتاحهم .. على اللى انتوا شاهدتوه من تركيز ومن مهارة ومن هدوء من الفنيين .. الا وان اى مكان لازم يكون خطا وارد يظهر .. لان المراكز اللى بقالها سنين فاتحة عندها اخطاء بتظهر كتيررررررررر جدا
وانا حصل معايا الكلام ده .. تخيلوا بدون ذكر اسماء فى احد المراكز الصيانة عربيتى تدخل وتتعمل ظبط زوايا
واقولهم دواسة الرامل بتزيق .. واقولهم الكرسى بيزيق وتطلع العربية متعملش فيها حاجة والفنى يقولى عملنا كل حاجة
وامشى بالعربية بعد ما اتعمل ظبط زوايا فيها الاقى الطارة معوجة ويقولى جربناها !!! .. الكلام ده مش فى اتو ايجيبت
لان اكتشفت ان ملحوظات فى عربيتى مكنتش قايل عليها فى صيانتى فى اتو ايجيبت ولاقتهم اكتشفوها بنفسهم
وحلوا كل المشاكل القديمة اللى كانت مكررة ومكنتش بتتحل او بمعنى اصح بتتنسى
فاوارد اى مكان بيخطا .. ولكن
زى ما حضرتك وجهت وقولت .. انهم يهتموا انهم يعالجوا الاخطاء .. وانهم يسمعوا .. وهما فاتحين خط ساخن معانا بسبب الموضوع ده اللى حضرتك تفضلت وتكرمت فى ايضاحه
وده اللى مخلينى مبسوط جداااااا
النهاردة كانوا مهتمين جداااااا بتدوين كل الملاحظات
بصراحة .. الاجهزة اللى عندهم والشغل اللى حيتعمل حيكون فخر لنيسان ولكل ملاك نيسان
اه صحيح
بخصوص الورشة اللى كنا فيها .. دى ورشة الصيانات السريعة .. والورشة التانية للاعمال التقيلة .. بس حاليا الورشة الكبيرة للاعمال التقيلة والصيانات الكبيرة لسه مشتغلتش
ودى لما يفتحوها حيكون فيها شغل كهرباء وشغل كبير زى فك مساعدين واى اعمال ميكانيكية كبيرة .. مينفعش العميل يشوفها قدامه فى الورشة الصغيرة اللى حضرتك شوفتها .. عشان مينفعش المريض يشوف بطنه وهى بتتفتح ههههههههههه .. بعد الشر عليكم طبعا
وكان فى ورشة اخرى كبيرة للسمكرة والدهان ..
ووليد وبسام واحمد وحسين كانوا معايا واتفرجوا على باقى الورش .. بس مش عارف حضرتك كنت فين بعد ما كنت معانا فى الورشة الصغيرة
بصراحة الواحد كان مستمتع بوجودكم جدااااااااا معايا
ياريت نروح نعمل اى صيانة كجروب بتكون حلوة جداااااا
الف مبروك الصيانة
وانتظروا باقى تقارير الاعضاء
وتقرير منفصل عن الجولة بتاعت الاعضاء
تحياتى
المفضلات