هو مش كل واحد حرررر فى كلامه ... الناس بتزعل لية ؟؟
العوااااااااااااااااااف
ازيكم يا وظاوييييظ ؟؟؟
طبعا .. و كما هو مبين من العنوان ان كل واحد حر فى كلامه يقول اللى هو عاوزة و يحرف الكلام زى ما هو عاوز و المهم المعنى يوصل وخلاص على اساس الكلمه هى الوعاء الخارجى للمعنى !!! حد فاهم حاجه ؟؟
يعنى لو حد بعتلك فلوس فى ظرف مقطع و متهربد مش برضه الفلوس هتوصلك ؟؟
بنفس المنطق لو حد قالك كلام غريب الشكل بس فهمت المعنى خلاص ...... مفيش مشكله بس المشكلة فى الوضع الكوميدى للكلمه ......
زى ما قال محمد رضا قبل كده فى الفيلم على ( الباحث الاحتماعى ) (المباحث المجتماعى )....
و بصفتى انا كدارس للغويات و علم الصوتيات و التركيت التشريحى للحنجرة قررت انى استحدث كلمه جديدة ضمن الكلمات الدارجه فى قاموسى اللغوي و هى كلمه اعتراضية علشان احنا دايما معترضين بالفطرة .. ... و ضحكت كتير لما عرفت ان الطفل لما يهز دماغه يمين شمال كدلاله على الرفض اسهل بكتير عضليا و تشريحيا لما يهز دماغة بالرفع و الخفض كدلاله على القبول .........
و الكلمه الجديدة هى كلمه : فحححححححححح ........ و ديه كلمه بتاعتى و عندى الحقوق الملكية و الفكرية ليها و الكلمه ده قد تكون مقبوله اجتماعيا عندما يقابلك موقف مش عاجبك ؟ بدل ما تقوله مثلا ..... افففففف .... او يوووووووووووووه........ قول فححححححححححححححححح
و صدقنى هتستريح ...... و اهى بديل مقبول نسبيا على البدايل المنيله الاخرى .....
اللى خلانى اكتب الموضوع ده انهاردة لما الراجل بتاع البوفيه حاول يوصفلى مكان البنك اللى هو راحه قبل كده ..و بيقولى بص يا باشا انا هديلك ( العلوان ) هتمشتى على طول فى الشارع ده و تلف ( لمين ) و بعدين تلف ( اليو ترنج ) و بعد شويه هتلاقى ( الباركن ) قدام البنك ........ رديت عليه انا بقى و قولتله لا يا حبيبى ... كله الا ( الباركن ) علشان انا باركن براحتى و فى المكان اللى انا عاوزة .............
مرة كنت نازل شارع عبد العزيز اجيب موبايل n70 اول ما نزل و دخلت على المحل و قابلنى البائع بترحاب : ها يا باشا عدة نوكيا ...؟؟؟.. فقولت يا سلام لما تقابل الناس الفاهمه ... هتستريح ... فقولتله عاوز عدة n70 ...بصلى كده كانى قولت معلومه ناقصه او شى غريب و قالى كانه جاب التايهه ولا الديب من ديلوا.....و عاوزة بقى يا باشا عادة ولا ( نيوزيك ) !!!!!!!!!!!!! ؟؟؟؟
تخيلوا انا رديت عليه قولتله ايه ؟؟؟ طبعا قولتله ......... فححححححححححححححح!!!!!!!!!!!!!!!!!
