انا سمعت ان فتيس الاوبل فكترا 2008 او عامة الشكل الاخير الى هو ده
ان فيه مشاكل وعلى طول بتيجيب فتيس
http://www.car-catalog.com/large_car..._vectra_l1.jpg
عرض للطباعة
انا سمعت ان فتيس الاوبل فكترا 2008 او عامة الشكل الاخير الى هو ده
ان فيه مشاكل وعلى طول بتيجيب فتيس
http://www.car-catalog.com/large_car..._vectra_l1.jpg
لأ اكيد
هو بيجيب اسطوانة و ديسك حسب طريقة القياده
لا خالص انا مسمعتش عن اى واحد العربية جابت معاه اسطوانة و ديسك هما بس ليهم معاد معين يتغيروا فيه وهو لما العربية تكمل ال 100 الأحسن تغيرهم
اسف على الخطأ
فى ناس بتجيب ديسك و اسطوانه بدرى عند 60 و 70 الف
معظم الناس بتغير على 80 85 الف
الى فاهم الفتيس كويس
هيعدى بيها ال 100 الف
انما تجيب فتيس كامل نظريا مينفعش اصلا لانه فتيس مانيوال و راكب عليه كنترول متخلف بينقل لوحده
فى استرا جابت كنترول نقلات ب 10 الاف جنيه
ابعد عن الايزى ترونيك و غنيله
الواحد ما بيصدق يبعد عن المانيوال وقرفو
يا نهارى يا خالد ده انت شايل منه قوى , يا عم ده انت بتقول وصلت ل 120 ألف كم و لسه مغيرتش طقم الدبرياج , انا نفسى اعرف ايه الموقف اللى حصلك من الفتيس و خلاك تقفش عليه كده ؟؟؟ انا شايف انه عادى و العربية عاملة معايا 90 ألف و مشوفتش منها حاجة وحشة و الحمد لله و يا رب ما أشوف و مع واحد صاحبى و مبسوط منها جدا و مضيقش من الفتيس بتعها خالص .
انا شايل من العربيه كلها مش الفتيس بس
هقولك حاجات مستحيل تحصل غير فى الفتيس الايزى ترونيك ..اى فتيس تانى موديل 80 مستحيل يعملها
1-صوت خبطه بسيط و هى بتنقل من الاول للتانى
2-صوت تكه ملحوظ و مسموع و هى بتنزل من التانى للاول
3-العربيه بتكن جامد و هى بتنزل من التانى للاول لانها اصلا بتكون مفروض تستمر على التانى ...
4-العربيه تبقى على الاولانى و تيجى تاخد تانى تلاقي السحب توقف لمده 3 4 ثوانى و بعدين العربيه تكركر ..و تسحب معاك
5-تدور العربيه و تنقل على r طاااااخ تسمع رزعه و تلاقى الناس عاوز تقولك دوس دبرياج يا بنى آدم !!
6-تدور العربيه و تنقل على a و تدوس العربيه متمشيش !! لازم ترجع ل n وبعدين a تانى
كل الى فات بيحصل لاى عربيه ايزى ترونيك صاحبها مركز معاها ..الى مش مركز او مش فى دماغه مش هيحس بمشكله ..و بيحصل طبعا معايا و مع كل الى مركز مع عربيته ..و اسألو احمد فهمى :) زميل الكفاح
مع الوقت بقى ...بتبدا العربيه طلعتها تبقى ضعيفه ..(عاوزه ديسك و اسطوانه) ...
تبدأ تترج و هى طالعه ..عاوزه ديسك و اسطوانه
هو انا راكب مانيوال ولا اوتو بقى ؟؟
عاوز اعرف ايه الحاجه المفيده الى انا خدتها من الايزى ترونيك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا خالد ما العربية معروف انها مانيوال و الايزى ترونيك معمول عشان الناس اللى بتحب تسوق مانيوال و اوقات بتبقى مخنوقة و زهقانه فبتقلب أتوماتيك , انا شايف انه كويس و لو انت غيرت طقم الدبرياج بتاعك العربية الروح هترد فيها تانى و هتلاقى كل اللى انتى بتقول عليه ده راح ,
1-صوت الخبطه بين الاول و التانى مشهور بس زى ما قلتلك هو مش عالى محتاج حد مركز ..
2-صوت التكه ده اساسى فى اى عربيه ايزى ترونيك لان ده صوت احتكاك جزء معدنى ..بيكون عليه كفر فيبر بس مع الوقت الفيبر بيتاكل من الاحتكاك ..
3-طيب وانا انقل للمانيوال ليه ؟؟ مفروض انها تمشى مظبوط على المانيوال و الاوتو ..مستخدمش انا نظام معين منهم مجبر :( فاهمنى ؟
4-لالا انا مش قصدى على تقصيره النقله الطبيعيه بتاع الايزى ترونيك الى هو زمن التعشيق ..لا ده خلل فنى ..او غلطه كنترول الله اعلم ..العربيه بتبقى اكنها واخده n انما النقله العاديه انا عارفها
5-تعشيقه ال r طبيعى ليها صوت بسيط ..انا بتكلم على رزعه جامده ...بتحصل عندى كتير و بسمع عربيات فى التوكيل بترزع الرزعه دى و المهندسين بيقولو عادى ..(خلى بالك ده التروس بتخبط فى بعضها .)
6-ملهاش علاقه دايس جامد كذا مره او لا ..للامانه الحركه دى مش بتحصل كتير .4 5 مرات فى الشهر :)
الديسك و الاسطوانه هيرجعو سحب العربيه تانى ...و مش هتترج و هى طالعه (مع انى اعرف واحد غيرهم و فضلت تترج )
انا و لله الحمد بقدر اتغلب على معظم مشاكل الفتيس ..وبعرف ايه يفيده و ايه يضره من خلال الممارسه و بعض الخبرات البسيطه
بس هو انا الى اسوق الفتيس و لا هو الى يسوقنى ؟؟
يعنى ايه الاضافه الى انا خدتها من الفتيس :)
انا رأيى الشخصى ..الايزى ترونيك هو الافضل بين الdsg و mmt لانه اقل اعطال فيهم و اطول عمر افتراضى ..فتيس فولكس بيفيص بعد 30 40 الف كم ..وتويوتا مفيص من و هو زيرو ههههه
لكن رايى برضو ..المانيوال صرف افضل شىء ..و الاوتو صرف افضل شىء ..
انا ان شاء الله فى الخطه هقلب العربيه مانيوال صرف ...
صحيح بما انك معاك استرا ..السبورت موود عندك بيعمل ايه مغرى يعنى ولا عادى ؟؟ لانه مش عندى فى الفيكترا :(
يا خالد يا فاهم
السبورت موود :S_thum1[1]: بجد قليل الأدب مش طبيعى انا بسميه Destruction button انا بشغلوا لما حد يستفزنى قوى قوى فى الشارع , يعنى انا ليا مراحل لو عزت اجرى او لو حد مستفزنى الأول اكبس جامد , تانى مرحلة أقلب مانيوال , التالتة و الأخيرة و ديه لما اكون جايب اخرى السبورت موود انت مش متخيل بيعمل ايه فى العربية انا بحس كأنى مشغل nitrous فى العربية تجميع رهيب , مفيش التقصير بتاع النقلات بيختفى تماما بجد انا بعشق الزرار ده و بخاف منه قوى عشان بتجنن من اللى هعمله فى الشارع و يستفزك ان مفيش عربية قدامك متعديهاش .
بجد لازم تجربوا
بقولك يا خالد هوه انا المفروض اعمل صيانة للفتيس امتى ؟؟ اغيرلوا زيت و الفلتر , الحوارات ديه امتى ؟
الفتيس صيانته عباره عن زيت كل 60 الف كم ..انا بعمل الصيانات فى التوكيل
على فكره انا مش بسوق العربيه على الاوتو نهائى
ماشى بيها مانيوال على طول
للامانه هى مجرمه فى الشد ..خاصه فى المانيوال معايا ..انت اخر عربيتك كام ؟؟
الفتيس صيانته عباره عن زيت كل 60 الف كم ..انا بعمل الصيانات فى التوكيل
على فكره انا مش بسوق العربيه على الاوتو نهائى
ماشى بيها مانيوال على طول
للامانه هى مجرمه فى الشد ..خاصه فى المانيوال معايا ..انت اخر عربيتك كام ؟؟
بصراحة يا خالد انا محاولتش اكسر ال180 بقلق قوى بعد كده
بس بقولك ايه لازم تجرب السبورت موود بجد حكاية
للاسف معنديش السبورت موود كان نفسى فيه بصراحه
انا عربيتى اخرها 220 بالظبط و مش بتعدى :(
بس يا خالد كفاية شتيمة فى العربية و متوقفش سوقها عشان كده مش هنعرف نبعها ههههههههه
عموما يا خالد انا كل اللى عملتوا بالعربية عشان شاريها مستعمل هوه 15 ألف و بجد مش ندمان خالص انى جبتها
يا كبير ربنا يباركلك فيها
والله الفيكترا دى على ما بتقفلنى
بس بحبها جداااااااااااا
لما الاقى واحد سخن و معتبر انه راكب مازيراتى
ويجيلى مزاج ازعله
بزعله صح
ايوه كده يا خالد يا جامد
رجع الناس تحب العربية تانى بدل اللى انت عامله فيه
100 مساء علي الرجاله
ازيك يا خالووود.......
هو فتيس الفيكترا سي كوده f-23 ولا f-40؟؟؟؟
هههههههههههههه النهارده الفرامل انقذتنى من خبطه خزعبليه جهنميه كوكبيه :(
الحمد لله
ازيك يا كبير عامل ايه ؟؟
والله انا الى اعرفه انه اسمه ايزى ترونيك:pffft: الاكواد و الحاجات دى ..فوق مستوى قدراتى بصراحه ..الشغل الكبير ده ليك انت و طنانى :S_thum1[1]:
حوار ممتاز بين خالوود وحسن باشا عن الفيتيس الايزى ترونيك
الحمد لله يا خالد ربنا قدر و لطف
و كويس انها محصلهاش حاجة كنت هرجع الاقيك عمال تشتملى و تلعنلى فى العربية و الفتيس و الفرامل و الدريكسيون ههههههههههههههه
السلام عليكم يا رجاله ويا بشمهندس خالد ايمن خبير الايزى ترونيك فى الشرق الوسط :)
والله يا رجاله الفتيس بتاع العربيه دى بجد هايل ومستحيل يبوظ لأن مفيش فتيس مانيوال بيبوظ هو احياناً ودى محصلتش فى فيكترا ان كنترول النقل ماتورو بيفوت وده لو مستخدم بغباء ولمى تكون العربيه عامله 150 الف كيلو متر او حاجه وهو جديد ب9 الاف بس مفيش حد بيشترى لأنو بيتصلح ب600 جنيه والعربيه مقارنه بعربيات كورى بحجمها قطع غيارها رخيصه جدا ولمى بشوف اصحابى اللى معاه اوكتافيا او جتا او باسات وفجأه الفتيس يضرب ويروحو يشترو استيراد ب17 الف جنيه اقول دى الوبل 128 بجد ومع العلم عربياتهم مبتكنش عدت 100 الف كيلو وخالد نفسو عربيتو عامله 120 الف كيلو وبيعمل صيانات وخلاص المهم دلوقتى انى عندى تيوتا وكنت فكرت ابيع الاوبل بس كل ما انزل من دى واركب الاوبل احس انى كنت راكب عجله بجد يا اخى حتى الناس بتتعامل معاك بشكل مختلف :) وحجم داخلى وتسارع وثبات خيالى بس النهايه الالمانى له ناسو ولا يقارن باليابانى او اى حاجه والفيكترا ارخص قطع غيار المانى واقل تكنولوجيا ودى ميزه مش عيب فى مصر :)
ههههههههههههههه ما انت الى بتسخننى :)
معالى الباشا الوزير
انا اتعلمت فعلا حاجه
اركب المانى و اخليه يدينى على قفايا و يتعبنى و يبهدلنى
بس لما البس اطلع سليم
و على الطريق لا بتعوم ولا بتغطس
امبارح على الطريق
واحد بعربيه كورى لا داعى لذكر اسمها كان بيجرى معايا ..انا مش بشد معاه بس انا كنت مستعجل شويتين و ماشى 170 180 و البرنس ورايا بس بعيد شويه يبنى عيب يبنى ميصحش مفيش فايده
و فجأه هوووووووب مطب شغلت الانتظار و قمت واخد يمينى عشان افرمل براحتى لان المطب قريب جدا وقولت عشان لو ليه نفس ياكل المطب ..يتفضل بالهنا و الشفا
انا فرملت (بالماستر الجديد بقى:rolleyes:) وقفت الحمد لله من غير ما ال abs يشتغل حتى
و عم الحاج الكورى
صوت فرامل
رهيييييييييييييب و صريخ
و بدل ما كان جاى وشه
بقى جاى بجمبه :(
و استقر فى جنب نص نقل ...وخد النص نقل و طلعو على شريط السكه الحديد الى جمب الطريق (بس على ما لبس فى النص نقل كانت سرعته نزلت لحوالى 60 70)
ساعتها قولت وفيها ايه لما اقف بيها و تعطل و تدوخنى
و اهى بتحافظ على الواحد بردو
انا عاوز اجيب سيراتو يا جماعه:ma: