مشكلة زوجية عويصة

**cyborg_ift** · 11-12-2011 09:49 AM

كيفكم اخواني الأعزاء

طبعا انا استأذنت من صاحب الموضوع قبل عرضه وبرجاء الرد بعنايه لأنها مشكله معقده

جاري متزوج من ست سنوات وربنا رزقه ببنت وولد حالته الماديه جيده بس كتر الديون والجمعيات والكلام ده قاطمه وسطه ... زوجته زي ما فيهه صفات جيده فيها صفات سيئه ايضا

هيه مؤدبه ومتدينه وصبوره وفي نفس الوقت عنديه جداااااااااا وشكاكه ومتحكمه لأبعد الحدود وفي وقت الخناق طويلة اللسان وساعات بتمد اديهه عليه وهوه كاظم جيد جدا للغيظ وبيمسك نفسه

بس حاليا الموضوع تطور بزياده وأصبح الكلام جارح بشده وبدأ يشعر بأنها تمقته وتكرهه بالرغم من انه يحبها جدا

وهو الأن في حيره من امره يتركها ويعيش وحيدا بالرغم من حبه لها ولكن في الوقت ذاته سيتضرر الأبناء في ذلك أم يحتمل مع صعوبة العيشه

**أبو صلاح** · 11-12-2011 10:00 AM

هي وصلت لضرب ؟

ده انا بستحقر الراجل اللي بيضرب مراته علشان عارف انها اضعف منه

لكن توصل ان هي اللي تضربة ؟
مش متخيلها صراحة
ولو حصلت اعتقد دي نهاية القصة

ده بخلاف سوء التعامل

الموضوع محتاج وقفة قوية منته كرجل
لو عرف يعدل (مش يستحمل) واعتقد التعديل يبقى بالقوة بعد استنفاذ كل محاولات الرفق واللين يكمل حياته
لو معرفش يعدل منها يبقى مفيش حل الحل التاني

بس عايز انوه على حاجة
في بعص السيدات بتمر بمراحل من حياتها بتبقى متضايفة جدا وحساسة جدا وعصبية بس مش للدرجة دي
ابحث الاول عن السبب وقرر

**hosamsief** · 11-12-2011 10:04 AM

مع كامل احترامي لجارك ده و مع كل احترامى للصفات التى حضرتك سردتها و منها (متدينه)!!!!!!!!!!!!!!!!!!
لكن لما توصل لمد الايد .... يبقى كده شكرا........
ربنا بيقول " و جعلنا بينكم موده و رحمه " و معتقدش ان الايه الكريمه ده موردتش على اى حد مسلم مش حتى متدين .... و لازم وقفه و واقفه جامدة فعلا .....
و اذا كانت العلاقه بينهم مش حتحافظ على الحد الادنى من الاحترام يبقى .... من وجهه نظرى انا على الاقل بلاشها احسن ......
و الكلام ده فكرنى بواحد راح يشترى لمراته شبشب عمال يدور على واحد مقاسه صغير و مراته بتقوله يا عم انا مقاسى 45 مش تلاتين ... قالها ما انا اللى هنضرب بيه ..........

**أحمد كمال** · 11-12-2011 10:07 AM

قول له يسترجل و يشرب بيريل ...... بتمد ايدها عليه ................ يا حلاوتها !!!!!!

على فكرة ما يفتكرش انه لو كمل معاها ده لمصلحة العيال

البنت هتطلع قليلة الادب زي امها و مش هتحترم جوزها

و الولد هيتعقد من امه و من الستات و من الجواز و ممكن ينحرف !!!!!

**MNabeih** · 11-12-2011 10:16 AM

حكاية مد اليد دي لو صح تبقي هزلت بكل معني الكلمة,
بس خلينا معاها للاخر بردو لازم تسمع من الزوجة الاول,
لأني بصراحة مش داخله دماغي حتت بتمد ايديها عليه و هو بيكظم غيظة
اصل مافيش راجل في الدنيا مراته تمد ايديها عليه و هو عادي, يديها قلم يلوحها و تتعدل معاه وقتي
انا بصراحة ما اقدرش اقول رايي غير لما تكون انت بردو سمعت من الزوجة.
اصلها صعبة, بس لو فعلا دة اللي بيحصل يتجوز عليها احسن عشان العيال

**amz2011** · 11-12-2011 10:24 AM

بص ياباشا الستات كلها زى بعضها و احنا فى زمن لايوجد مكان للحب .
انا رائى يروح يتجوز عليها بدون ادنى تردد نهائى و لوجت تمد ايدها عليه يروح مديها قلمين من اللى هما يخالوها تنسى اهلهاز
يا اما هتركبه طول العمر و هتبقى شكله وحش قدام الناس و قدام اولاده

**alaasaid** · 11-12-2011 10:26 AM

المشاركة الأصلية كتبت بواسطة أحمد كمال

قول له يسترجل و يشرب بيريل ...... بتمد ايدها عليه ................ يا حلاوتها !!!!!!

على فكرة ما يفتكرش انه لو كمل معاها ده لمصلحة العيال

البنت هتطلع قليلة الادب زي امها و مش هتحترم جوزها

و الولد هيتعقد من امه و من الستات و من الجواز و ممكن ينحرف !!!!!

و الله انت برنس يا ا/ أحمد و بتجيب من الاخر , انا متفق معاك تماما فى الرأى

**cyborg_ift** · 11-12-2011 10:26 AM

الراجل بيقول ان مد الايد بيكون كالأتي

انه في الخناق بيحاول يحايلهه ويحضنهه علشان تهدا بس هيه بتزق فيه جامد جدا وساعات بتضربه في بطنه وصدره ولعلمكم جاري ده مبيمدش ايده عليهه لسببين
الأول : لأنه يكره ضرب المرأه وهوه راجل عارف ربنا
الثاني : الراجل ده جته يا جدعان والله لما بيقف يسد الباب ولو خدت منه قلم تموت فيهه وهوه بيعطف عليهه وبيعاملهه بالحسنى

الشئ الوحيد اللي بيسكته بعد الخناق انهه بتقوله انهه غلطانه وانفعالهه بيكون خارج عن ارادتهه وبتعتذرله

موضوع كملن حكالى دلوقتي عليه انهه اوقات كتير بتطالبه بانه يكتبلهه الشقه والعربيه باسمها وهوه مش عارف ده طمع ولا ايه مع العلم انهه مش ماديه

**cyborg_ift** · 11-12-2011 10:28 AM

التهديد بالطلاق مش هينفع معاهه لانهه عنديه لأبعد حد والزواج التاني هوه مش هيقدر عليه وكمبدأ هوه رافضه

الموضوع: مشكلة زوجية عويصة

LinkBack

أدوات الموضوع

عرض

مشكلة زوجية عويصة - انشر الموضوع فى :

-

-

-

-

-

-

المواضيع المتشابهه

مشكلة عويصة

مشكلة تكييف اللوجان 2012 هل هى مشكلة عويصة مالهاش حل

مشكلة عويصة

مشكلة عويصة

مشكلة عويصة جدا جدا ؟

الكلمات الدلالية لهذا الموضوع

المفضلات

المفضلات

ضوابط المشاركة