الموضوع: مضايقة شباب الموتسيكلات

من اربع ايام لسه كنت خابط اتنين فى شارع الهرم و لولا ان اختى كانت معايا كنت نزلت كسرت عضمهم كمان
الميعاد السبت العصر حوالى الساعه 3
المكان شارع الهرم -قدام دارى اللى عند شارع زغلول
كنت نازل اوصل اختى الدرس و مفيش غيرى انا و هى فى العربيه و من اول الاشاره اللى قبل زغلول فى اتجاه الجيزه جه وقف جامبى موتوسيكل صينى عليه اتنين بتاع 20 سنه كل واحد بس شكلهم و شكل لبسهم تحس انهم اكبر من كده و طبعا مسجلين خطر

كان شغال على الراديو اغنيه حماقى اللى غناها لمراته يوم فرحهم ده و اختى كانت من فتره بتقوللى ان مراته شكلها حلو و انا بقولها وحشه .. فبتفكرنى و انا فاتح الازاز و صوتى كان عالى شويه و بقولها لا وحشه

راح واحد منهم بيبصلها و بيقوللى ليه يا عم ما هى زى القمر اهى

( ملحوظه : اللى يشوفنى انا و اختى لا يمكن يكتشف اننا اخوات )

فبصتله برخامه اوى .. بس مش عايز اقل ادبى علشان اختى قاعده .. فى اللحظه دى كانت الاشاره فتحت . فشاورتله و انا بقوله اتكل على الله يا ابنى انت و هو بلاش وجع دماغ ... راح شتمنى و شتمها و جرى

حرقت و طلعت وراه جبته عند دارى - فرع زغلول و رميته فى ضهرى يجى يمين اجى يمين يجى شمال اجى شمال
و قفلت الطريق ورايا عربيات كمان
المهم عند المريوطيه هديت شويه لان الطريق كان بدا يزدحم و بحكم انه موتوسيكل فطلع بين العربيات و جه قدامى و بدا هو يزنق و انا سايبه لحد ما الطريق فتح حته صغيره ... فطلعنا هو على يمينى سابقنى شويه و بيزنق و انا وراه علطول .. بس البيه كان مركز معايا و مش شايف انه راكن على اليمين ميكروباص فولكس
فضلت اوهمه انى عايز اطلع منه و هو مركز اكتر لحد قبل الميكروباص علطول رحت كابس سنه و كاسر دركسيونى يمين .. خبطته و فضلت كاسر لحد ما لبسته فى ضهر الميكروباص .. بصيت ورايا فى المرايه لقيت اللى كان سايق ماسك دراعه و بيصرخ و عمال يعيط و التانى ماسك رجله الشمال مكان م خبطته


كل اللى هاقوله انه النوعيه دى من الناس هما اللى جايبينا ورا الله يحرقهم