عندى مخزن كبير ارتفاع 7 متر ومساحة 90م مربع مقفول ومش عارف اعمل فيه ايه ومعايا قرشين وعايز
اشغلهم وعايز افكار تساعدنى للاستفاده من المكان
والمكان فى موقع مش حيوى عشان يتأجر او يستخدم منفذ بيع قطاعى لاى حاجه
فى رأيكم استفاد بيه ازاى؟؟
عرض للطباعة
عندى مخزن كبير ارتفاع 7 متر ومساحة 90م مربع مقفول ومش عارف اعمل فيه ايه ومعايا قرشين وعايز
اشغلهم وعايز افكار تساعدنى للاستفاده من المكان
والمكان فى موقع مش حيوى عشان يتأجر او يستخدم منفذ بيع قطاعى لاى حاجه
فى رأيكم استفاد بيه ازاى؟؟
ممكن يتأجر مخازن لان المخزن موش لازم يكون جنب منفز البيع بس ده يتوقف على المكان لوكان على طريق او فى شارع كبير ده يكون افضل
وانا كان عندى واحد صحبى عنده منفز بيع كوتش وكان المخزن الرئيسى يبعد عن المحل 5كيلو
ينفع مخزن او فرن عيش افرنجى
المخازن فى المكان ده ايجارها زهيد لايتعدى 400 جنيه فى الشهر بالمساحه دى عشان كده بفكر فى اى مشروع استغله فيه يجيب عائد اكبر من كده
بس الاول هل حضرتك عندك استعداد تحط راس مال في المشروع ده و ايه هيا مجالات خبرتك
ربي فيه ارانب
ادفع فلوس وطلع رخصه مخزن مستلزمات طبيه هتكسب كويس منه وتاجرة للشركات اللى معندهاش مخازن
الرخصه بحوالى 10 الاف جنيه وشويه توضيب علشان تطابق المواصفات
هده وابنى عمارة لو الحى يسمح بكده
العائد منه كويس مقارنه بالمبلغ اللى هتدفعه انت ممكن تاجر ل 40 شركه حتى لان الشركات الكبيرة حتى اللى عندها مخازن مش كل مخازنها مرخصه و لجنه السياسات بتحتاج لكخرن مرخص لفض الاحراز عن الشحنات اللى جايه من برة بعد دخولها مصر وقبل الافراج عنها الشركات بتاجر بمبلغ شهرى او سنوى على حسب بعد المخرزن يعنى فى ناس بتاجرة بالمرة وناس بتاجرة بالسننه السنه مثلا ب 4 الاف ممكن مجيبش بضاعه الا مرتين او تلاته وفى بالمرة تقريبا 1000 للى مبيجيبش بضاعه كتيرة فى السنه
( أ ) المستندات المطلوبة لترخيص مستودع طبى والتى ترسل إلى مقر الإدارة
العامة للتراخيص والتكليف بخطاب مسجل بعلم الوصول وهى :
......................................
-1 نموذج طلب فتح مؤسسة صيدلية ( يحرر أمام مفتش صيدلي من إدارة
التراخيص بواسطة طالب الترخيص شخصيا أو المفوض عنه على أن يكون
التفويض معتمد عن طريق أحد البنوك ).
-2 صورة بطاقة الرقم القومى ( الأصل للإطلاع ).
-3 أصل شهادة الميلاد أو مستخرج رسمى منها .
- 4 صحيفة الحالة الجنائية ( حديثة ) .
- 5 عدد 3 صور للرسم الهندسى للمكان المراد ترخيصه.
6 – حوالة بريدية بخمسة جنيهات بإسم الإدارة المركزية للشئون الصيدلية .
( ب ) الإشتراطات الواجب توافرها بالمستودعات الطبية :
.................................................. ......................
-1 المساحة لا تقل عن 25 متر مربع .
-2 التهوية سدس المساحة الفعلية .
-3 الإرتفاع لا يقل عن 270 سم .
-4 يجب أن يكون محل تجارى فى مستوى الطريق العام أو أعلى منه .
-5 الأرضية من مادة غير قابلة للإشتعال .
-6 طفاية حريق – أرفف / باليتات غير خشبية .
-7 يجب توافر مورد مائى منفصل وصرف منفصل .
-8 وضع لافتة بإسم المستودع .
السلام عليكم،،،
طيب بخصوص المستودع الطبي "مستودع الوسطاء":
1- هل طلب الحصول على الترخيص فيه وساطة أو رشوة ولا فقط الالتزام بالشروط المطلوبة ؟
2- بعد الحصول على الترخيص، كيف يتم تسويق المستودع تجارياً ؟
3- هل المستودع يختلف عن مخزن الادوية ؟ سمعت من أحد زملاءنا الصيادلة انه بيجيب ادوية الصيدلية الخاصة به من مخازن الادوية وليس الشركات لوجود نسب خصم أكبر، فهل مستدع الوسطاء هو نفسه المخزن؟
وشكراً
مفيش افكار تانيه ياشباب؟؟
ممكن حضرتك تفتحه محل بلاى ستيشن 3 وتجيب شاشات lcd والساعة بعشرة جنيه وان شاء الله هيبقى مشروع ناجح جدا
انا عندي نفسك مشكلتك و نفس المساحة تقريباً
هو حالياً متأجر بـ 500 جنيه فقط
و الي مأجره عايز يشتريه مني بـ 100000 جنيه بس انا مستقلهم و مستخسر ابيعه و خصوصاً اني مافيش في دماغي وسيلة لتشغيل الفلوس حالياً
فلو خدت الـ 100000 دول اول حاجة هعملها هحرق العربية الافيو بتاعتي و اجيب عربية تانية و خلاص على كدة
اه حضرتك فى ناس بتلعب عادى احنا فى المنصورة اى محل بلاى ستيشن فى من 5 الى 10 اجهزة ودايما ايام الخميس والجمعة بتبقى الاجهزة ساعات بالحجز كمان من كتر الزحمة وكل ايام الاسبوع زاحمة خصوصا من الساعة 9 الى الساعة 2 بليل ولو حضرتك شايف ان بلاى ستيشن 3 مش هايمشى مع المنطقة ممكن تجيب بلاى ستيشن2 ولو ان كل الناس عادت بتفضل تلعب 3 وصدقنى حضرتك مشروع ناجح جدا ومربح بشكل لا تتخيله ده كان فى واحد صاحبى بيسلى وقته انه بيعد فى محل بلاى ستيشن بيقلى ان دخل المحلل مبيقلش عن 300 جنيه وساعات يوصلو الى 500 جنيه كمان فى اليوم بس اهم حاجة مستوى العيال الى عندكم فى المنطقة نضاف ولا لا واسف على الاطالة
1- هل طلب الحصول على الترخيص فيه وساطة أو رشوة ولا فقط الالتزام بالشروط المطلوبة ؟
التزم بالشروط بس
2- بعد الحصول على الترخيص، كيف يتم تسويق المستودع تجارياً ؟
مع الشركات و مستخلصين الجمارك لو حابب ممكن اوصلك بناس منهم
3- هل المستودع يختلف عن مخزن الادوية ؟ سمعت من أحد زملاءنا الصيادلة انه بيجيب ادوية الصيدلية الخاصة به من مخازن الادوية وليس الشركات لوجود نسب خصم أكبر، فهل مستدع الوسطاء هو نفسه المخزن؟
اة مختلف دة مستودع وسيط الشركه بتجيى تفك الحرز وتدفع وتمشى فى ناس شغاله على كدة بس لو محتاج اوصلك بحد قلى