استشاره فى مشروع تجارى ...

**hossam_elwani** · 11-12-2011 03:06 PM

عندى مخزن كبير ارتفاع 7 متر ومساحة 90م مربع مقفول ومش عارف اعمل فيه ايه ومعايا قرشين وعايز

اشغلهم وعايز افكار تساعدنى للاستفاده من المكان

والمكان فى موقع مش حيوى عشان يتأجر او يستخدم منفذ بيع قطاعى لاى حاجه

فى رأيكم استفاد بيه ازاى؟؟

**magedtiti** · 11-12-2011 04:17 PM

ممكن يتأجر مخازن لان المخزن موش لازم يكون جنب منفز البيع بس ده يتوقف على المكان لوكان على طريق او فى شارع كبير ده يكون افضل
وانا كان عندى واحد صحبى عنده منفز بيع كوتش وكان المخزن الرئيسى يبعد عن المحل 5كيلو

**ahmedaglan** · 11-12-2011 04:51 PM

ينفع مخزن او فرن عيش افرنجى

**hossam_elwani** · 11-12-2011 05:23 PM

المخازن فى المكان ده ايجارها زهيد لايتعدى 400 جنيه فى الشهر بالمساحه دى عشان كده بفكر فى اى مشروع استغله فيه يجيب عائد اكبر من كده

**power** · 11-12-2011 06:29 PM

بس الاول هل حضرتك عندك استعداد تحط راس مال في المشروع ده و ايه هيا مجالات خبرتك

**zago** · 11-12-2011 06:57 PM

ربي فيه ارانب

**Dr_Mido** · 11-12-2011 07:16 PM

ادفع فلوس وطلع رخصه مخزن مستلزمات طبيه هتكسب كويس منه وتاجرة للشركات اللى معندهاش مخازن

الرخصه بحوالى 10 الاف جنيه وشويه توضيب علشان تطابق المواصفات

**hossam_elwani** · 11-12-2011 09:26 PM

المشاركة الأصلية كتبت بواسطة dr_mido

ادفع فلوس وطلع رخصه مخزن مستلزمات طبيه هتكسب كويس منه وتاجرة للشركات اللى معندهاش مخازن

الرخصه بحوالى 10 الاف جنيه وشويه توضيب علشان تطابق المواصفات

فكره كويسه

بس العائد منه تقريبا كام؟؟

**محمد عز** · 12-12-2011 05:45 AM

هده وابنى عمارة لو الحى يسمح بكده

**Dr_Mido** · 12-12-2011 07:29 AM

المشاركة الأصلية كتبت بواسطة hossam_elwani

فكره كويسه

بس العائد منه تقريبا كام؟؟

العائد منه كويس مقارنه بالمبلغ اللى هتدفعه انت ممكن تاجر ل 40 شركه حتى لان الشركات الكبيرة حتى اللى عندها مخازن مش كل مخازنها مرخصه و لجنه السياسات بتحتاج لكخرن مرخص لفض الاحراز عن الشحنات اللى جايه من برة بعد دخولها مصر وقبل الافراج عنها الشركات بتاجر بمبلغ شهرى او سنوى على حسب بعد المخرزن يعنى فى ناس بتاجرة بالمرة وناس بتاجرة بالسننه السنه مثلا ب 4 الاف ممكن مجيبش بضاعه الا مرتين او تلاته وفى بالمرة تقريبا 1000 للى مبيجيبش بضاعه كتيرة فى السنه

( أ ) المستندات المطلوبة لترخيص مستودع طبى والتى ترسل إلى مقر الإدارة
العامة للتراخيص والتكليف بخطاب مسجل بعلم الوصول وهى :
......................................
-1 نموذج طلب فتح مؤسسة صيدلية ( يحرر أمام مفتش صيدلي من إدارة
التراخيص بواسطة طالب الترخيص شخصيا أو المفوض عنه على أن يكون
التفويض معتمد عن طريق أحد البنوك ).
-2 صورة بطاقة الرقم القومى ( الأصل للإطلاع ).
-3 أصل شهادة الميلاد أو مستخرج رسمى منها .
- 4 صحيفة الحالة الجنائية ( حديثة ) .
- 5 عدد 3 صور للرسم الهندسى للمكان المراد ترخيصه.
6 – حوالة بريدية بخمسة جنيهات بإسم الإدارة المركزية للشئون الصيدلية .
( ب ) الإشتراطات الواجب توافرها بالمستودعات الطبية :
.................................................. ......................
-1 المساحة لا تقل عن 25 متر مربع .
-2 التهوية سدس المساحة الفعلية .
-3 الإرتفاع لا يقل عن 270 سم .
-4 يجب أن يكون محل تجارى فى مستوى الطريق العام أو أعلى منه .
-5 الأرضية من مادة غير قابلة للإشتعال .
-6 طفاية حريق – أرفف / باليتات غير خشبية .
-7 يجب توافر مورد مائى منفصل وصرف منفصل .
-8 وضع لافتة بإسم المستودع .