توقف كبرى شركات السيارات عن الانتاج فى مصر

توقف كبرى شركات السيارات عن الانتاج فى مصر


http://img803.imageshack.us/img803/7...desamg2010.jpg


اعلن حمدي عبد العزيز، رئيس الغرفة، فى تصريحات خاصة

أن عددًا من الشركات الكبرى العاملة فى مصر منها على سبيل المثال « مرسيدس » و «bmw» و«هيونداى» أعلنت رسميًا، في وقت سابق، أنها ستتوقف عن الإنتاج فى مصر بعد عام 2014 لتخفيض مصاريفها، وأنها ستعوض احتياجات السوق المصرية والأسواق المجاورة لها من خلال مصانعها فى تركيا وأوروبا.


وأكد أن هذا الأمر سيهز الصناعة الوطنية، وأنه سيؤدى لاستنزاف العملة الصعبة فى الاستيراد وتشريد العمالة وزيادة الفجوة فى الميزان التجاري مع دول أوروبا وتركيا .

السلام عليكم و رحمة الله و بركاته

أنا كنت عارف الخبرده من مدة و كنت قريته فى ملحق أهرام الجمعة بتاع السيارات, و السبب يكمن فى التخفيض ال10% بتاع كل سنة بتاع الجمارك, هيوصل أسعار العربيات الأوروبية اللى جايه من بره, أن أسعارها هتبقى منافسة للعربيات اللى من الماركات دى اللى بتتجمع فى مصر و أن أصحاب الصناعات دى, هددوا بأنهم بحلول 2014 هيقفلوا المصانع دى, لأنهم على ماييجى 2014 مش هيقدروا ينافسوا .

يعني هُم عملوا أيه للصناعه الوطنيه أو للوطن بيستوردوا الإجزاء بالجنيهات ويجمعوها ليربحوا الملايين ويستهلكوا الغاز والبنزين والسولار والكهرباء المدعم ويدفعوا أقل شريحة ضرائب وجمارك والحكومه والشعب يضربوا رؤسهم في الحيط ولو الحكومه فكرت تزود عليهم الضريبه أو الجمارك أو حتى تبيع لهم السلع بسعرها الأصلي يستأجروا الإعلاميين والصحفيين ليشوهوا صورتهم ويخوفوا الناس ده غير التهديدات اللي من النوع ده ليرهبوا الحكومات بالإضافه أصلاً أنهم كانوا يشتروا الحكومات السابقه لعدم حدوث ذلك !!!!!!!!!!!!!!! وسلم لي على الصناعه الوطنيه

والله ريحوا واستريحوا انا مع لراي انهم ضرونا اكتر ما اتفادوا والدليل مصنع النصر للسيارات طبعا فاكرينوه وسكوا على الفضايح وربنا يستر علينا

هما تلاقيهم بس يبحاولوا ينقذوا سمعه عربياتهم من التقفيل التعبان بتاعنا و بطريقه شيك.عامه الحمد لله. فعلا كده يريحوا و يستريحوا بس الخوف بقه ان دى تبقى عدوى و تنتشر فى كل الصناعات :oho:

لو نسبه الجشع عندهم تقل شويه المصانع تشتغل وتبقي زي الفل
انا مره سمعت في الراديو ان السياره مرسيدس 500 سعرها في مصر مليون ونصف المليون جنيه
الوكيل اللي بيجمع العربيه في مصنعه في مصر
صافي ربحه في العربيه الواحده
بعد كل مصاريفه بالكامل
900000 تسعمائه الف جنيه يعني ربحه في العربيه الواحده مليون الا 100 الف
مفتري ويستحق ان المصنع يتحرق بيه ولا لا يستحق
القياس علي جميع مجمعي السيارات في مصر وكل حسب سعر بيع عربيته في السوق المصري
شويه حراميه

مع تم ده مشكلة تواجه صناعة مكلفة جدا , لكن هيكون سبب لمصلحة ابتكار عربيات جديدة و منافسة أفضل ...
اصحاب المصانع لازم يطوروا منتجات خاصة بيهم و يصرفوا على البحث و التطوير و يبطلوا يعتمدوا على تجميع منتجات الشركات الام ....
كده هيكون قدامهم حاجة من اتنين يا اما يقفل و يسرح العمالة أو يعمل منتج جديد بتاعه و ينافس بيه زي الماركات العجيبة بتاعة الصين كده و مع الزمن هيكون عندنا منتجات مصرية ليها وجود قوي

آآآآآآآآآآدي اللي خدناه من الثورة !

مش عارف ده خبر حلو ولا وحش بس علي الأٌقل هترحم من التقفيل المصري الزباله

وجايز فعلا يكون دافع للناس تبتدي تفكر انها تعمل عربيه مصريه

هي المصانع اللي هنا دي بتبقي بتاعة مصريين ولا بتاعة الشركات دي ؟ وهتعمل فيها ايه؟

المشكلة اللى هتواجه البلد
العمالة فى المصانع
الصناعات المغذية للمصانع دى

التجربة اثبتت فشلها على مدار 15 سنة تقريبا
والفشل الاكبر هو الاستمرار فى حاجة غير كاملة الجوانب
وحسبى الله ونعم الوكيل فى اللى نهبوا من ورا الصفقات دى والموافقات والتراخيص ... الخ

هى كانت مصانع فعلا؟؟؟؟ ولا ضحك على المستهلك؟؟؟
لم تفرز اى تقدم