عربيتى الاكسنت ار بى اخدت رصاصة برجاء الافادة
السلام عليكم ورحمة الله وبركاته
طبعا الكل هيستغرب من العنوان بس فعلا هى دى الحقيقة
ممكن الواحد ينزل يلاقى عربيته مخبوطة او حتى مسروقه لكن تنزل تلاقى عربيتك مضروبة بالرصاص اهو ده اللى مكنتش اتخيله ابدا
الحكاية انى نازل يوم الصبح فلقيت خرم فى الكبوت من تحت المساحات فقعدت دماغى تودى يمين وشمال ووريتها لناس كتير ومنهم اللى قالى ده واحد كان عايز يفتح الكبوت وفى منهم قالى ده اتضرب عليها رصاصة وطبعا انا فى الاول مصدقتش الكلام ده وروحت الحرافيين عشان يشوفوها وفعلا واحد هناك قالى دى رصاصة وكمان عدت جوه فى العربية واصرت فى شاسيه المساحه بس الحمد لله خدش بس وقطعت اللبات اللى بتقفل من تحت
وللاسف ملهاش حل وشكل الكبوت باظ والراجل قالى ياما تسيبها كده يااما تعملها استيكرز اسود فى نص الكبوت بس انا قلقان من الشكل يطلع وحش فياترى تفيدونى بايه
وادى الصورة عشان تكون اوضح
حسبى الله ونعم الوكيل
http://img13.imageshack.us/img13/9139/imag0335rj.jpg
Uploaded with ImageShack.us