البطاريه السائله و الجلدايه

**shooda2020** · 11-12-2011 04:48 PM

كنت لما بشوف البطريه بتاعتي هي سايله بالمناسبه
كنت بشوف عند السالب و الموجب في اطراف البطاريه الجلدايه الحمرا دي عارفينها؟؟؟
من كام يوم روحت لبتاع البطريات اكشف عليها
لقيت ان فيه واحده منهم واقعه
بصراحه ابتديت اشك
هي كانت واحده بس ولا الاتنين ... الكلام دا بعد ما سبت بتاع البطريه رجعتله تاني يمكن تكون وقعت عنده قالي لا صدقني انا شوفت واحده بس قولتله طيب فيها مشاكل انها واحده بس قالي خالص دول منظر بس و مش مهم الوصله الارضي
طب يا جماعه ازاي اجيب واحده او حتي اتنين بيتاعوا فين ولا لازم اشتري بطاريه جديده ولا اصلا مش بييجوا مع البطاريه

**HOSSAM99** · 11-12-2011 04:54 PM

هي في البطاريات النضيفه بيبقي الكاب موجود في القطبين لكن في بعض البطاريات و بالاخص السائله بيبقي كاب واحد أحمر علي الطرف الموجب
و لو لاقيت بطاريه عليها كابين هايبقي الارضي ازرق و الكهربا احمر و لا تقلق
بالتوفيق

**shooda2020** · 11-12-2011 05:09 PM

يعني لو اشتريت بطاريه جافه محترمه الاقي الكاب دي في الجزئين ... انا اصلي شاري الفيرنا كدا زيرو مستخصر غبور افندي يحط فيها بطاريه جافه
بس يعني ماينفعش اشتري واحده كاب زاييها كدا

**HOSSAM99** · 11-12-2011 05:27 PM

حضرتك روح لبتاع بطاريات ممكن يفكلك واحده من بطاريه قديمه
و مش كل البطاريات الجافه فيها الكاب في الناحيتين و هو مش مهم غير في الطرف الكهربا

**shooda2020** · 11-12-2011 05:38 PM

ال هو انهي ناحيه الشمال ولا اليمين لان اليمين هي العندي مش موجوده

**AHMEDCAR** · 11-12-2011 06:06 PM

الفيرنا مش بيبقى موجود غير واحده بس و موجوده عند الموجب بيبقى لونها احمر

**Ashraf_Ibrahim** · 12-12-2011 02:47 AM

يا فندم هي كاب واحدة في القطب الموجب ومهمة طبعا عشان دي عازل بين الكبوت بتاع العربية والبطارية عشان لا قدر الله لو حصل تلميس بينهم او حاجة
الكاب على القطب السالب ملهوش اي اهمية عشان دا مجرد تفريغ ليس الا انما مش بيدي شحنة فهو مش موجود اصلا وحتى لو غيرت بطارية الكاب دا مش بييجي مع البطارية اصلا الكاب دا في الكابلات بتاعة كهربة العربية اللي بتتوصل على البطارية فملهاش علاقة ببطارية محترمة او بطارية مش محترمة
هي العربية بكاب واحدة بس على القطب الموجب فقط