افضل زيت للافيو

**zezozezozezo** · 11-12-2011 06:11 PM

اولا السلام عليكم كنت عايز اعرف منكم نشوف اية احسن زيت للافيو علشان لانى بجد اتعقدت من موبيل xhp دلوقتى انا عايز اغير بس طبعا اهم حاجة صوت الموتور يبقى هادى وسحب العربية يكون كويس هو انا بفكر فى نوعين اولهم هو كاسترول ايدج والثانى هو ليكوى مولى انت اية رأيكو فيهم وياريت لو حد غير لنوع فيهم وياريت نوصل لزيت كويس وياريت نتشارك بالاراء علشان نعرف اية الافضل والاكفاة لية بقى لان كتالوج العربية بيقول نستخدم 5w30 وطبعا موبيل
xhpلزوجة عالية كتير والتكالوج مبينصحش بيها اللى هى 20w50 يعنى دى غلط على الموتور فانتو اية رأيكو

**drmagieed** · 12-12-2011 01:03 AM

شوف يا سيدي كتالوج العربية ده بيتكلم عن مواتير DOHC إللي في أمريكا وكندا مش مواتير دايو SOHC بتاعتنا في مصر وعلي هذا الأساس جو مصر بيلائمة الزيت 20w-50 وأنا جربت xhp زبالة ولما جربت فالفولين 5w-30 طلع أنيل منه ... بصراحة لوفية في كاسترول إيدج 20w-50 هاته وإتوكل علي الله ولو مافيش هات موبيل ون أما لو عايز زيوت مواصفات أوروبي (كاسترول-فالفولين-ليكومولي) أنصحك ب 10w-40 وبالتوفيق.

**Dr/ P.K.Sh** · 13-12-2011 04:08 AM

افضل حاجة موبيل وان

**drmagieed** · 14-12-2011 01:33 AM

المشاركة الأصلية كتبت بواسطة zezozezozezo

انت الموبيل وان ماشى معاك كويس اصل بصراحة بعد حوالى 5000 كيلو لونة بيسود ولزوجة بتروح خالص بيعمل معاك اية بس موبيل وان فى 20w50 ولو بتستخدم موبيل وان عامل اية معاك فى صوت الموتور والسحب بتاع الموتور

والكاسترول ايدج دة 5w40 طيب انت بتستخدم اية دلوقتى ويكون عامل اية معاك

مش مهم لونه المهم لزوجته ولو لونه إتغير يبقي بيقوم بمهمة التنظيف علي أكمل وجه ... أنا بصراحة حاطط فالفولين 5w-30 ومأقولش لك علي الأصوات إللي بسمعها صحيح الزيت لزوجته معقوله ولونة معقول بس مش مناسب للبيئة بتاعتنا ... نسيت أقولك في زيت موبيل وان 5w-50 ده ممتاز بردوه

**zezozezozezo** · 30-12-2011 03:03 PM

هو فعلا فى اجماع من ناس كتير جدا على ان شل احسن من موبيل

**hondaa84** · 30-12-2011 03:25 PM

هو بس فى سوال - بالنسبة لموضوع الزيت - لو عايز اغسل قلب الماتور من جوة لانى لسة جايب السيارة اللى كنت واخدها منو شكلو كانت بتاخر فى تغير الزيت -تقريبا فى مادة بتضاف على ازيت القديم قبل ما بيتغير بتنضف الماتور دة صح ؟ وكويس ؟ وفين؟

**hafeztamer** · 30-12-2011 03:29 PM

المشاركة الأصلية كتبت بواسطة hondaa84

هو بس فى سوال - بالنسبة لموضوع الزيت - لو عايز اغسل قلب الماتور من جوة لانى لسة جايب السيارة اللى كنت واخدها منو شكلو كانت بتاخر فى تغير الزيت -تقريبا فى مادة بتضاف على ازيت القديم قبل ما بيتغير بتنضف الماتور دة صح ؟ وكويس ؟ وفين؟

فى علبة 25 جنيه توضع مع الزيت القديم وتدور السياة ثم يفرغ الزيت ويوضع الزيت الجديد بعد تركيب الفلتر الجديد

**ahmedsamir5edr** · 30-12-2011 03:44 PM

شل أفضل من مويبل .. بمرااااحل .. موبيل مغشوش

تاني حاجه اسمه موبيل Xhp 20w50 مش موبيل وان XHP

اللي بيقول ان موبيل أحسن يبقي حاجه من اتنين :

1. ممعندوش عربيه

2. مجربش غيره