الفيات 1300 او ممكن بيسموها ( 1500 ) استفسااااارات ؟؟؟

**abdalah_hashem** · 11-12-2011 06:37 PM

السلام عليكم ورحمة الله وبركاته

العربية فيات 1300 يا جماعة اية هى اخبارها
1- سعرها كام لو حالة مظبوطة يعنى دلوقتى شهر 11 -2012
2- عيوبها ( من حيث الاعطال وكدة وحلولها ؟؟)
3- قدرتها تتتحمل لو احتجتها فى سفرية بتاع 110 كيلوا رايح جاى وللا مخوعة ؟؟
4- قطع غيارها موجودة يعنى وللا نادرة واسعارها اية ؟؟؟
5-حد معاه العربية يقوللى ظروفها اية معاه ؟؟

عارف انها قديمة بس هو الموجود فى السوق موديلات من كام لكام ؟؟

انا شفتها مع واحد منضفها ومروقها على الاخر وشكلها حلو ونضيف يعنى

صورها اهية

**Dr'AhmZZong** · 12-12-2011 02:25 AM

متابع ..

**benmatar** · 12-12-2011 10:31 AM

السلام عليكم
اليومين اللي فاتوا طلب مني صديق مساعدته في شراء حاجة متواضعة زي العربية اللي حضرتك بتتكلم عنها فيات1300 الستينات وعلى فكرة دي النسخة القديمة من 128 بس دفع خلفي (موتور طولي)، المهم وبدون إطالة كان المعروض أسعاره من 5 آلاف إلى 10 آلاف، وبعد سؤال أهل الخبرة في الموديلات العتيقة وجدنا إن أفضل ما تشتريه ولا يتعدى الحدود دي هو فولكس بيتلز الستينات وبالفعل تم بفضل الله شراء واحدة بيتلز موديل69، وكانت ب6500ج.م، ودي أفضل من مثيلاتها أو قريناتها كشراء فيات 1300 أو 1500 أو 127 السبعينات أو بيجو 304... إلخ. وأحب أقول لحضرتك إن الأمر ده بسبب انتشار قطع غيار البيتلز ووجود الاستيراد منها أكتر وموديلاتها من الخمسينات وحتى السبعينات ومتقاربة جدا في أجزائها، وليها ميكانيكية في أماكن كتير متخصصين ومطلوبة من قبل فئة عريضة من الشباب، وتستحمل السفر، وإنها موتور ألماني قوي (فعلا جربتها مسافة 120كم وبسرعات مختلفة حتى 110كم تقريبا/س) ومتشتكيش طالما الموتور سليم وبتحافظ على الزيت وحمالة قسية زي مابيقولو. آسف للإطالة بس حبيت أنقل لحضرتك تجربتي مع صديق أثناء الشراء والإختيار بعد استشارة أكتر من واحد.

**abdalah_hashem** · 12-12-2011 12:46 PM

شكرا يا باشا بس البيتلز كدة هتبقى عايزة شغل جامد ,, ثم العربية ال 1300‎ ‎شكلها افضل من البيتلز بكتييير,,,
‏ بس سؤال لحضرتك اية الاسباب اللى قالوهاللك الناي الى انت سالتهم غير قطع الغيار والميكانيكية انا سمعت ان موتورها هو موتور ال 124 وكدة يبقى الميكانيكية متوفرين,,,,,, وبعدين دية من سنتين كانت لسة شغالة تاكس يعنى الميكانيكية موجودين ؟
‏,,,,, * طيب العربيات اللى شوفتوها كانت حالتها اية فى رنج ال 6 الى 7 الاف جنية اساسياتها والموتور حالتهم اية؟؟؟؟؟

**abdalah_hashem** · 13-12-2011 04:09 PM

محدش عندة اراء خالص كدة

**abdalah_hashem** · 13-12-2011 04:10 PM

O_o اين انتم ؟؟؟ اين انتم ؟؟؟ ^_^

**aboomar22** · 13-12-2011 05:35 PM

بص ياباشا العربية دى بصرف النظر عن حالتها او قوتها الا انها فى طريقها للانقراض وده بيصعب قطع الغيار واعادة البيع لكن الفولكس فاجن لاتزال مطلوبة وبتتباع بص حضرتك اقف فى الشارع او وانت رايح الشغل وشوف قابلت كام فولكس وكام فيات اما الشكل بقى دى انا اختلف مع حضرتك لو تسمحلى انا شايف الفولكس اجمل وبيظهر عليها التظبيط ممكن كمان تشوف بيجو 304 لو انتى افضل انك تشوف 128

**abdalah_hashem** · 14-12-2011 02:24 PM

المشكلة ان المبلغ مخدود جدأ ولسة جزء منة مش معايا يعنى ربنا يسهل فى مصلحة بتخلص وربنا يفرجها منها ..
عشان كدة عايز حاجة تبقى رخيصة وحالة معقولة واقدر امد ايدى فيها عشان مش هقدر كل شوية اتنطط عند الميكانيكية ...
وال 127 او ال 128 الحالة المعقولة فيهم هتبقى غالية عليا...

وانا اصلا تعبت وزهقت بقالى كذا سنه نفسى اجيب عربية بس الفلوس حهى المشكلة .. وبدات اتعب نفسيا بسبب الموضوع دة اصلا .. ‏‎
ا

**aboomar22** · 14-12-2011 11:29 PM

مش عايز اعملك احباط بس برضه انبهك ان العربيات القديمة بتصرف كتير ودوشتها مبتخلصش ومتعرفش المفاجاه هتيجى منين وامتى انا عايزك لما تشترى يكون معاك مبلغ كده على جنب علشان تقدر تصرف منه على العربية خصوصا انك هتسافر بيها

-

الموضوع: الفيات 1300 او ممكن بيسموها ( 1500 ) استفسااااارات ؟؟؟

LinkBack

أدوات الموضوع

عرض

الفيات 1300 او ممكن بيسموها ( 1500 ) استفسااااارات ؟؟؟ - انشر الموضوع فى :

-

-

-

-

المواضيع المتشابهه

رايكم اية فى العربية الفيات ال 1300 ؟؟

شكمان 1500 ...لعربية 1300

اكسيل 1500 ولا 1300 cc

ايهما مضمون الهيونداي فيرنا 1600 ج ك و لا الفيات سيينا 1500

الكلمات الدلالية لهذا الموضوع

المفضلات

المفضلات

ضوابط المشاركة