الموضوع: اتخانقت ف شل البحر الأعظم

مش خناقة خناقة يعني لاتقلقوا

حصل موقف سخيف كدا ف محظة شل الصبح مش عارفة اناللي مكبراه ولا ايه بظبط

الصبح كنت مستعجلة وموقفتش ف اي محطة... وبعد الدائري محطة شل دي تقريبا اخر محطة بقابلها وكانت اللمبة نورت ونا غالبا بحب افول ملمحطة دي

جية دخلة لقتهم حطين اقماع اقماع اقمع...واتاري عاملين دخلة صغيرة جدا جدا قبل الاقماع دي ف ضهر القرية الفرعونية اخر سورها بظبط

وطبعا فاتتني الدخلة دي لانها مش باينة نهائي... قعدت أكلكس لحد ملعمال يفهمني يعني هي المحطة مقفولة ولا دي دخلة ولا ايه بظبط....

جيت ارجع بضهري مستحيل طبع كله جي بيجري بعد الزحمة....وف ثواني لقيت ورايا تلات اربع عربيات هم كمان فاتتهم الدخلة دي ومش عارفين كلنا نرجع بضهرنا وحسيت ان الشارع كله هيلبس ف بعض وعمالين نكلكس للعمال ولا كأنهم شايفين ولاحتي بيتلفتوا...وماما تقولي عدي بين الاقماع وانا مش راضية واقولها عيب كدا...راح جه ميكروباص وراح نزل شال قمع وعدي ودخل وعادي جدا بيس

بصراحة انا كان دمي محروق وفضلنا نرجع بضهرنا لحد مدخلنا...اول مدخلت لقيت واحد بيسالني هحط كام.؟؟؟ قلتله الاقماع دي ليه؟؟؟ قالي كنا بنعاير المخزون الصبح ونسينا نشيلها...

قلتله طب اندهلي المدير لو سمحت...قالي في ايه بس؟؟ قلتله انهدلي المدير لو سمحت جابلي واحد بدفتر كدا شكله لامدير ولانيلة...قلتله بجد حسبي الله ونعم الوكيل فيكو عشان انتو هتتسببوا دلوقتي ف كارثة هنا فلشارع والناس كلها عمالة ترجع بضهرها...والعمال هنا ف منتهي البرود محدش عاوز يتحرك ولايشوف الناس دي مالها؟؟؟..

قالي طيب محضرتك احنا كمان بنشوف شغلنا ومش فضيين نقعد نرد علي كل واحد

قلتله حضرتك _كل واحد _ مللي داخلين دول هماللي بيشغلوكوا كلكو...ومهماش داخلين يشحتوا ولابمجرد ملواحد يكون برا البنزينة ينضرب بالجزمة ؟؟؟

سكت وراح قال للي واقف معايا بمنتهي البرود..شوف الاستاذة طيبب

بصراحة كنت عاوزة اشوط فيهم كلهم ..حتي اديت للراجل ميت جنيه واخدت الباقي كله كامل كان فيهم اربع جنيهات كمان خسارة فيهم

والراجل جه يلمع الازاز شخطت فيه وقلتله محدش ييجي جمب العربية لو سمحتوووووووووووووووو

مين غلطان؟؟؟ ولا انا زودتها شوية؟؟؟