نقص الزيت!!!!!!!!!!!

**sakr_skoda** · 11-12-2011 08:49 PM

السلام عليكم ورحمة الله وبركاته
عربيتى اسكودا فيفوريت موديل 1994 من كام يوم كدا لاحظت ان العربية فى الدوران الصبح بدخن دخان كتير ولونه ابيض والنهاردا وانا طالع من الشغل وقبل ما ادور قلت اشوف اخبار الزيت ايه لقية المجس مافيهوش ولا حتى ميللى زمايلى قالو ما تمشيش عليها المهم فى واحد قريب من الشغل بتاع زيت دورت العربية ورحت طلعت المجس تانى لقيت فية زيت مع العلم انو العربية كانت واقفة فى مكان مستوى على الأسفلت المهم زودت زيت بس الغريبة انى لمبة الزيت شغاله عادى بتنور اول ما ادور وتنطفى مباشرة ومبتنورش وانا ماشى يعنى الزيت كدا يبقى تمام ممكن اعرف اسباب تلك المشكلة وما هى الحلول المقترحة لحل تلك المشكلة....
اللهم صل على محمد وعلى آله وصحبه أجمعين

**المنسي** · 12-12-2011 12:48 PM

انا برده لما بادور العربية الصبح بالاقى دخانة بيضا وانا بسخن العربية بس بعد التسخين الدخانة بتختفى ده يبقى تفسيره ايه مع العلم ان احنا فى فترة شتاء وكنت عرفت قبل كده ان ده طبيعي فاللى يعرف حاجة يقول ليكون الموضوع كبير

**sakr_skoda** · 12-12-2011 07:05 PM

المشاركة الأصلية كتبت بواسطة benmatar

السلام عليكم
بالنسبة للمجس (المؤشر اليدوي) كل ما في الأمر إن المساف بين العلامتين هي لكمية لتر زيت واحد... يعني لو المجس معليهوش زيت مش معنى كده إن عربيتك مفيهاش زيت وإنما ممكن لتر إتنين ثلاثة، ومش معنى كده إن الواحد يطنش وإنما لازم يكون مستوى الزيت بين العلامتين.. المهم هو إن حضرتك أولا تشوف وتكشف على أي مكان لتسريب الزيت بداية من الكارتيرة أسفل المحرك ونهاية بالجوانات والبوجيهات و أي جزء آخر... ثانيا حضرتك ممكت تقيس كمية الزيت النازل من عربيتك بإنك تفضي الزيت تماما وتملاه بالمعلد الطبيعي لغاية مايكون المستوى بين علامتين المجس... ودايما القياس بعد نص ساعة مثلا من آخر عدوران للموتور عشان يكون الزيت كله راكز تحت... واكشف على البوجيهات وبعد كل ده تمشي مسافة وتلاحظ منسوب الزيت مع ملاحظة أداء وسحب وتسارع عربيتك. ولو كل الأمور تمام ومفيش تسريب ملحوظ والزيت بينقص يكون الموضوع إن الزيت بيتحرق مع البنزين وربنا يستر وخير إن شاء الله.

أولا انا احب اشكرك جزيل الشكر على اخلاصك فى معلومات وحسن متابعتك جزاك الله خيرا اخى الكريم
ثانيا: انا لاحظط ترشيح زيت من اعلى غطاء التكيهات من عند المسمارين يبدوا ان الجلد جاف فقمت بقص قطعة من مطاط كاوتش دراجة على المقاس بالظبط وركبت الجلد اللى فى المسامير اللى بتربط غطا التكيهات ....
والحمد الله الترشيح انقطع*
ولاكن اجد على غلاف الموتور زيت من تحت البوجيهات بس لسة مادعبستش علشان اعرف مصدرة ياريت لو تعرف مصدرة تقولى لأنى بصراحة باحب اعمل كل حاجة بنفسى فى العربية....

**sakr_skoda** · 12-12-2011 07:13 PM

المشاركة الأصلية كتبت بواسطة mr_megahed

انا برده لما بادور العربية الصبح بالاقى دخانة بيضا وانا بسخن العربية بس بعد التسخين الدخانة بتختفى ده يبقى تفسيره ايه مع العلم ان احنا فى فترة شتاء وكنت عرفت قبل كده ان ده طبيعي فاللى يعرف حاجة يقول ليكون الموضوع كبير

فعلا الدخانة دى بتبقى الصبح فقط ولاكن بعد ما أمشى بالعربية شويه بتروح خالص بس بجد انا خايف ليكون مشكلة شمايز ولا بساتم ولا شنابر ؟؟؟