بسم الله ما شاء الله .. تقرير متميز جدا من إنسان محترم.
بس عندي إستفسار صغير بعد إذنك.
متهيألي القراية دي فيها حاجة مش مظبوطة.
لان ده معناه إن إستهلاكها 440 كيلو في الصفيحة !!
عرض للطباعة
تقرير ممتاز ربنا يباركلك في العربيه
ربنة يباركلك فى العربية و يديك خيرها انشاء الله و شكرا على الموضوع المميز انا بس كان لية سؤالين :
1- انا مستغرب ان الطنابير تتغير على 30 الف كيلو هو دة طبيعى ؟
2- صوت التزييق الخفيف دة هل حضرتك قولت للتوكيل علية ؟
تقرير ممتاز يا باشا من زمان ما شوفناش تقرير اوكتافيا حلو اوى كده بس انا ليا سوال انت بتعمل الصيانه فين ؟ و بالنسبه للناس اللى مستغربه من الاستهلاك احب اقولهم العربيات دى استهلاكها فى البنزين ممتاز جدا و ده تاكيد منى و انا مجرب الاوكتافيا و الكرولا و الباسات فكلامى عن تجربه
أولا تقرير ممتاز جدا, و ربنا يباركلك فيها ان شاء الله.
ثانيا: بالنسبة لموضوع الاستهلاك فأعتقد ده موضوع نسبى, عشان فيه ناس لما تركب العربية بتكزن متوقعة اداء زى الكورى او اليابانى و لما متلاقيش تبدى تقرص على الماتور و تديها كيك داون, و ده بيسرع استهلاك البنزين خصوص لو ده لأه نمط القيادة.
تقرير ولا أروع بسيط و سهل و شرح وافي
الف شكر يا باشا عليه...... هي فعلا عربيه محترمه جدا .
بالنسبه لموضوع الطنابير ديه انا كنت هارى العربيه الصراحه انا غيرت طنابير ورا بس
تقدر تقول كنت ساعات با دريفت بيها :banzai:
و مسألتش فى التوكيل عن موضوع التزييق ده لانه مش مسببلى مشكله هو طبيعى
الصيانه فى ارتوك اوتو فى غمره ... شكرا
بالظبط كده
شكرا يا فندم
الف شكر على التقرير الجامد
اولا انا حسيت ان انا اللي كاتب الموضوع ده لاني و الحمد لله معي نفس السيارةونفس توقيت الشراء و نفس اللون (سبحان الله) و نفس زيارات التوكيل بس انا لسه معملتش صيانة ال30.000 و بجد جزاك الله الف شكر علي العرض الشيق ده بس ليه تعليق بسيط او سؤال >هل الفلتر الرياضي اللي انتا مركبه فارق في العربية ؟
عشان انا مش من المؤيدين للحوار بتاع الفلتر
و ليه انتا لم تمشي في اثناء التجربة بتاعت من 0 ال 100 علي الــsسبورت مود و ماشي علي الـd
و علي فكرة انتا بقي مظبط ايه بقي في العربية غير الفلتر ممكن تقولي ياباشا
و لمعلومات حضرتك عربيتك يا باشا مفهاش ESP و لكنها تحتوي علي ABS ,ASR , EBD و ده اللي زعلني بعد شرائها اني مجبتهاش كامله بس انا ياباشا ظابط الاداء فيها
و بالنسبة الـ( موتورها جميل نسبيا نظرا لوزنها المرتفع جداا ) فالموتور ضعيف علي حجمها و حتعرف الفرق ده لما تركب الrs منها كان واحد صاحبي نازل بيها من بره كان نفسي اديلو عربيتي و اخد عربيته 2.0fsi كانت تحفة تحفة نفس الشكل بس 3 عربيات في واحدة تخيل انتا بقي و فرامل اعلي و عفشة ايه وهم وهم بجد و علي العموم انا دائما اشكر ربنا علي نعمته و بلدنا الجميله اللي هي نأمل انها تتعدل و يدخلو حجات نظيفة ذي الدول الاخري
العفو يا باشا
انا كنت مركب فلتر رياضى بص هو بيسخنى فى الجرى صوتو ممتع و كان فارق شويه فى الاداء بس مش الفرق الكبير عشان مكنتش مركب Intake كامل كان فلتر بس
بس و مفيم العربيه و مش عامل حاجه تانى :verygood: احكيلى انت ظابط الاداء ازاى
هو مش ضعيف خالص على فكره ... لو جينا نقارن بينها و بين السيفيك اللى هى موتورها جبار هنلاقى التالى
سيفيك من 0-200 فى 50 ثانيه
اوكتافيا من 0 -180 ده اللى انا جربته فى 50 ثانيه
يعنى الفرق مش كبير اوى بين العربيتين اتمنى تكون فاهم النقطه اللى بتكلم فيها
يعنى لو بيشد سيفيك مع اوكتافيا سيفيك هتكون 200 فى 50 ثانيه و اوكتافيا هتكون 180
يعنى فى ضهر بعض شويه
و طبعا ال RS حاجه تانيه و مينفعش نتكلم عليها ... احنا بنتكلم على المواتير اللى فى مصر
و على رائيك المواتير ديه متنفعش فى طرق مصر خالص ... و كمان مشكله الجمارك ديه موضوع تانى عشان كده صعب تنزل الحاجات ديه هنا
بس الحمد لله على النعمه اللى ربنا ادهانى :)
تقرير ولا أروع
عن سياره محترمه واعتماديه
ربنا يبارك لك فى سيارتك ويبعد عنها المشاكل
شكرا على المعلومات القيمه
بص ياباشا بعض التعديلات هي :
1- تركيب فوانيس عدسات زي الكامله و تم تعديل العدسات الي bmw 525iاللي جاية في الفوانيس>مقولكش النور بقي حــــــكاية
2- رموش فوانيس و دي بتخلي شكل العربية جميل مع رش الرموش بنفس لون العربية
3-و تركيب طقم صوت كامل JBL 1200W و GM SONY
4- تغير الكاسيت الي كاسيت تاتش و dvd و بلوتوث مع تركيب كاميره خلفية مع الرفيرس
5- تركيب طقم حساسات بنفس لون السيارة
6-تجهيز السيارة كاملة باضاءة زينون
7- تعديل الاضاءة الداخلية من اصفر اللي ابيض ليدات مع الاخذ بنفس قيم السحب الكهرباء
8-و المفاجأه>>>>تم بحمد الله تغير جميع اضاءة السيارة من اللون الاخضر المستفز الي اللون الابيض من عدادات و كاسيت و تكيف و كله بجد تحفة(لدرجة اني صديقي معاه فانتازيا بس انا اجمد منه بمراحل مع العلم انه تم تغير لون عدادات الفانتازيا الي اللون الابيض) بس A5 اجمد
9- و تركيب اسبويلر خفيف علي الشنطة بنفس لون السيارة
10- تركيب سارينة 400w امريكي الصنع وايرلس بدون سلك(مجرد ريموت تحكم في الاصوات)
11-دلايات امامية عشان دي بتنزل بره مصر و اشتريت دماغي من الطينه اللي علي طول لحد نص الباب الامامي بتاعتها اصلية
12- تنكيل الشبكة الامامية و دي بقي بتخلي شكلها تحفة بجد
13- تغير نور الشنطة الي ليدات ايضا(بدل الاتنين السهاري اللي في الجانبين)
14-تركيب كاربون مربعات علي الجرايد الفضي اللي في الابواب و الطبلوه
15- و كنت حنسي فرش جلد كامل (ارضية و كراسي )مدموغ فيه شعار اسكودا و دي بقي شكلها جامد
16- و شوية كلمات كده (يعني اتنين تيربو علي الجانبين من السيارة فوق نهاية الجرايد من فوق )
17- ونيكل اكر ابواب استانلس و ليس بلاستيك(الاكره بس)
18- تعديل بسيط علي التكيف (زرار on , off بدل لف البكره كل تشغيل)
19- طبعا مع كل الحمل ده غيرت البطارية من 60 امبير الي واحده اكبر 74 عشان شوية الشغل ده و كمان لاني بركنها كتير في الجراج
20- بعض الاضافات في البرنامج التشغيلي لسيارة زي اوتو لوك كار(يعني لو فتحت العربية و مفتحتش الابواب تقفل تاني اوتوماتيك) و اضافة نور الزينون لبرنامج التشغلي
*ملحوظة :لو شفت عربية لون عدادتها غير الاخضر يبقي بتاعتي ياريس......ههههههه
ماشاء الله بجد تقرير ممتاز وعلى فكرة انا بجد كنت حاسس انك بتتكلم عن نفسى نفس اللى حصلب معاك حصل معانا
انا والدى كان معاه بيجو 505 موديل 1990 سيدان وكانت حاله شاذه جدا كانت استعمال هيئة سياسيه وانا كنت راكب اسكودا فليشيا المهم سنه 2005 قررنا نغير العربية البيجو ونخوض تجربة العربيات الزيرو ايضا بس كانت المشكله ايه البديل وخصوصا انا احنا اسرة مكونه من 5 افراد يعنى محتاجين عربية كبيره وطبعا وقتها كان المنتشر فى مصر الكورولا والانسر والعربيات الكورى وطبعا كل ده مش يناسب استخدامنا خالص ... لحد ماجه يوم كنا فى البلد وكان ابن عم والدى موجود وكان جايب عربيه اوكتافيا A4 بس SLX1.8 مانيوال ... والدى جربها عجبته جدا وقال انا لو هأجيب هأجيب حاجه زى كده المهم تانى اسبوع لقينا فى الجورنال ارتوك اوتو منزله اعلان عن عربية جديده اوكتافيا وكانوا مغطينها ...اتصلت بالشركة وقاللولى المانيوال 142000 والأوتو 155.900 ...طبعا رجعت لمصدرى الذى اثق به وهو مجله What car الإنجليزيه وكان من حظى عاملين مقارنة بينها وبين الباسات القديمه وال407 وكانت الفائزه هى الأوكتافيا .... توكلنا على الله ورحنا معرض المصرية لقينا هناك ال A4 و A5 ودى كانت اول مره اشوف ال A5 وبجد اتوهمنا بيها رجعنا البيت وبعدها بكام يوم نزلنا ارتوك اوتو المقطم اشترينا الأوتوماتيك وكانت من اول 20 عربية A5 نزلت مصر على حسب كلام التوكيل وبصراحة انا كنت خايف جدا من اول مشوار لوالدى بيها خصوصا ان انا اللى اقنعته بيها بس هو سافر بيها مره ولقيته اول ما نزل من العربية بيقوللى ايه ده انا حاسس انى مش كنت مسافر خالص كأنى جاى من الشارع اللى ورانا ....
بجد العربية دى محترمة جدا جدا جدا ... ومن افضل العربيات الموجوده فى مصر وسعرها مناسب جدا بالمقارنة لعربيات اقل منها وقريبه منها فى السعر وقطع غيارها معقوله جدا واسعار التوكيل جيده جدا ...
ربنا يبارك لحضرتك فيها
بصراحة تقرير هايل وفوق الممتاز :verygood::verygood::verygood: واول مرة اشوف تقرير شامل زى ده فى اى قسم تانى فى المنتدى غير قسم نيسان :nemoflow:
الاوكتافيا عربية محترمة جداااااااااا بس بينى وبينك التوكيل بعد البيع اللى باعه فى مصر افترى ومستواه فى النازل
ربنا يباركلك فيها وعقبال ما تعمل صيانة ال100 الف
اخي العزيز modiabbas بعض الصور و ارجو ان تنال اعجابك ياباشا----->>>>>http://www.nilemotors.net/Nile/<a hr..._123_235lo.jpg[/IMG]http://img105.imagevenue.com/img.php..._123_235lo.jpg
معلش ياباشا انا نزلتها في موضوع عشان واجهتني كام مشكله كده
:vctry:
ربنا يباركلك في العربيه - لو ممكن نسأل أصحاب الخبرة لو في قطع غيار أصلي برى التوكيل و ورشة محترمة لصيانة الاوكتافيا ولا لازم توكيل؟ و لا مفيش فرء كبير بن برى و جوا التوكيل في أسعار قطع الغيار و مصنعية الصيانة ؟
اه نسيت. هي كلها اوتوماتيك و لا في منوال بردو? و إيه الفرق بين a4 و a5؟
طيب هو زرار ال asrبنستعملوا امتي وي اه فيدتوا بالظبط وي كمان ال s الي في الفتيس؟؟....
ال a5 موجود منها مانيوال طبعا وهى ممتازة جدا ونقلاتها ناعمة جدا وموفرة فى البنزين جدا جدا وموجود ايضا فنتازيا مانيوال سعرها 152الف ..تحياتى
السلام عليكم ورحمة الله وبركاته
اولا :احب اسجل تقديري ليك واعجابي بيك لانك انسان محترم وانا قراءت كذا موضوع ليك وكذا تعليق ليك وده كان رائي المتواضع في حضرتك بعد كل هذه القراءات
ثانيا : تقرير لا يوجد بامانه اروع منه ولا ادق منه وفعلا مكتوب بحياديه وحرفيه شديده ( بس طبعا باين فيه حبك الشديد للاكتافيا وطبعا عندك حق )
ثالثا : انت واعضاء المنتدي المحترم ده كانوا من اسباب اني احجز اوكتافيا وباذن الله استلمها بعد ايام
واخيرا بشكرك علي هذا التقرير المحترم ( مثل صاحبه ) واتمني انت تداوم علي هذه المشاركات الجميله في هذا المنتدي الجميل
واعذرني اذا كنت طولت عليك
سلام عليكم
اولا تقرير فوق الممتاز
بس ليه سؤال انا مقيم بالخليج النهارده كنت بتفرج على اسكودا اكتافيا 2012 هيا فتيس عادى +جنوط اسبور يعنى مش فول كامل سعرها داخل المملكه بالمصرى حوالى 100000 الف جنيه بدون الجمارك تقريبا الجمارك حوالى 43000 الف جنيه كمان انا مسبقش ليه انى ركبت اسكودا طبعا هى كانت ممتازه جدا جدا بس انا مش عارف السعر كده مناسب و لا لا و مدى كونها مناسبه لاصحاب الدخول المتوسطه و
وجزاك الله خير شكرا
ارجو من الاداره تثبيت الموضوع نظرا لاهميته و حتى تعم الفائده !!
تقرير هااااااااايل
تقرير فوق الممتاز
تسلم الايادى يا هندسة
:Copy of m-s5: مشكوووووووووووور
جزاك الله كل خير