موكيت ولا قنال تكس

**نور القمر** · 12-12-2011 07:01 PM

الموكيت متعب في تنظيفه والعناية به ومش هتلاحقي عليه لو في اطفال وميغركيش جمال الوانه وهو جديد
في الدول الخليجية بيستخدموه بكثرة بس هم ارضهم رملية لكن احنا عندنا الارض طينية واي شوية تراب في الجو هتخلي الموكيت طييييييين
ده بالاضافة الى انه غير صحي خصوصا بالنسبة للاطفال ومرضى الجهازالتنفسي
القنال تكس كويس ولو غالي عليكي فيه مشمع ارضيات باسعار مختلفةعلى حسب الجودة
لو ممكن تتحملي تكلفة سيراميك فوق البلاط بينفع سواء باللصق او باسمنت عادي
عند ماما عملته فوق البلاط باسمنت واحتاجت تظبط الابواب شوية لان الارض ارتفعت طبعا
خلاصة الكلام من حيث الافضلية
سيراميك كنال تكس مشمع موكيت

**mohabelnegm** · 12-12-2011 07:05 PM

أنا عامل عندى ال hdf السويدى و كان فيه صينى ولكن أنا أخترت السويدى الغالى بس للأسف فى أول اختبار فشل لما حصلت سيول و الميه دخلت من باب البلكونة للشقة و حصل قببان فى الخشب و شكله بقى يزعل (رغم أن القببان حصل فى أماكن مش ظاهرة بس برضة شكلة مزعلنى)

**A.Saad** · 12-12-2011 08:01 PM

القنالتكس كويس فى الشقق ذات الجو البارد
لانه بيحوش البرد
عيبه المياة يفضل تكون بعيد عنه

**chicobon** · 12-12-2011 11:41 PM

طيب بدل كل الدوشه ديه جيب سجاد و خلاص بدل الموكيت و القنال تكس تكالف علي الفاضي مدام مش شقتكم يعني السجاد هيغطي البلاط و لو حبيتي تغسليه بيتغسل و يتنضف في سهوله و كمان هتخديه معاكي لما العقد ينتهي و خلاص

**M_55** · 13-12-2011 10:04 AM

المشاركة الأصلية كتبت بواسطة محمد عز

الموكيت درجات وأسعار متفاوتة

عيبه

محتاج تنظيف فورى واهتمام زائد وخصوصا فى حالة وقوع مياه

ميزته

مش هتاجى اى سجاد نهائى

القنالتكس (فينيل) ميزته اشكال والوان لاتنتهى + فيه المصرى والصينى

تركيبه سهل جدا ومش بياخد وقت

والمتر ممكن يتكلف فى حدود من 40 جنيه بالتركيب

و فيه حاجات منه بتبقى شيك وسهل جدا تقدرى تتدخلى الالوان مع بعض

انصحك بالفينيل لسهولة تنظيفه

طيب حضرتك تعرف شركة معينة بتركب القنال تكس

المشاركة الأصلية كتبت بواسطة mrbebo

بتهيئلي الموكت احلى .... كان عندنا المشمع ده وكان شكله غبى جدا

بصراحة لا بديل عن السيراميك وان كان الموكت احلى من وجهة نظري

هو فعلا لا بديل عن السيراميك ، بس لازم تكون شقة تمليك عشان توضب براحتك
طيب المشمع كانت ايه مشاكله عند حضرتك

المشاركة الأصلية كتبت بواسطة zkralla

الموكيب بيعمل مشاكل لانه صعب التنظيف
القنالتكس افضل وبيبدا من 15 جنيه للصينى وليه سوق فى الرويعى بالقرب من ميدان العتبة والمصرى فى حدود 25 جنيه والاسعار ديه من غير الغرا ولا مصنعية التركيب
القنالتكس حلو بس طبعا عمره الافتراضى اقل من السيراميك
بالترتيب
لصق سيراميك على البلاط بالمادة
قنالتكس
..........
موكيت اخر حل

انا فعلا خايفة من الموكيت . وبالنسبة للقنال تكس مفيش مكان غير الرويعي ، عشان البهدلة ودلع الصنايعية والغش

المشاركة الأصلية كتبت بواسطة أبو صلاح

أنا حدود معلوماتي في الموكيت
شكله معقول وممكن تعملي الغرف كل غرفة لون مختلف
سعره 9-12 ده العادي (هتلاقيهم في العتبة)
في نوعيات تانية بتعدي

المصنعية هتبقى 4-5 جنيه للمتر شاملة كل المواد
وانتي وشطارتك مع الصنايعي في الفصال

(كنا في الشركة بنجيب الصنايعي بيعمل المتر ب 2 جنيه بس طبعا علشان بنعمل معارض باستمرار)

شكرا لرد حضرتك ، بس حضرتك تقصد موكيت ملزوق بمادة ؟ ، وده يا تري مايربيش حشرات

**AmatoALLAH** · 13-12-2011 10:36 AM

الاتش دي اف زيه زي الباركيه بس طبعا اختلاف الخامه

و الصيني كان بتركيبه يتكلف 48 جنيه تقريبا للمتر

المشاركة الأصلية كتبت بواسطة mohabelnegm

أنا عامل عندى ال hdf السويدى و كان فيه صينى ولكن أنا أخترت السويدى الغالى بس للأسف فى أول اختبار فشل لما حصلت سيول و الميه دخلت من باب البلكونة للشقة و حصل قببان فى الخشب و شكله بقى يزعل (رغم أن القببان حصل فى أماكن مش ظاهرة بس برضة شكلة مزعلنى)

اي خشب سواء اتش دي اف او باركيه لازم تبعد عنه المياه حتي تنظيفه بيكون من علي الوش و له ممسحه مخصوص

**AmatoALLAH** · 13-12-2011 10:37 AM

اه نسيت اقولك ان فيه كنالتكس شوفته من كام شهر شكله ماتفرئهوش عن الباركيه و الخشب بس سعره بردوا حوالي 50 جنيه المتر علي ما افتكر

-

الموضوع: موكيت ولا قنال تكس

LinkBack

أدوات الموضوع

عرض

-

-

-

المواضيع المتشابهه

ايه افضل طريقه لتنظيف موكيت اللى فى باب

ازاى انظف موكيت الشنطه

موكيت السيارة

ماذا تفعل إذا كانت أرضية سيارتك موكيت ؟؟

الكلمات الدلالية لهذا الموضوع

المفضلات

المفضلات

ضوابط المشاركة