مصنع نيسان مصر ....... ظالم أم مظلوم

أولاً حبت أبتدي بالعنوان ده علشان نعرف في السبب في الموضوع اللي جاي ده

مصنع نيسان مصر ده مفروض بيخدم منطقه الشرق اللأوسط وشمال و شرق أفريقيا وكان ده من خطط

نيسان اليابان زي مصنع الصين وانجلترا بس اللي أحنا بنشوفه أني المصنع بيخدم جمهوريه مصر فقط


ليه المصنع مش بيصدر بره ونسمع بقا تعليقات أني الصني دي ياباني تقفيل مصري الأو اللأكس تريل

بيصعب عليا لما أشوف الكرولا 2008 يقوللك ياباني تقفيل جنوب أفريقي والسيتي تقفيل تايلاندي

وبالرغم من ده العربيات دي بتتصدر لجميع دول العالم بما فيهم الخليج كمان ؟؟؟؟ ده حتي اللوجان

مغربي ياللي هيا لسه حديثه في موضوع تجميع السيارات وحتي أيران دلوقتي بتجمع طرازات 2012 لبيجو

وبتروح كل حته في الدنيا وأحنا زي ماأحنا :dontudear:

المشكله فينا كأيد عامله ولا خامات ولا أيه ؟؟؟؟ وأشمعنا جنوب أفريقيا و المغرب

وأسف علي الأطاله

واللهِ أنا معاك يا نبيه .. بس مش عارف في إيه .. شكلها مشكلة جودة للاسف

بص هو المصنع ده كان بيغذي ليبيا على فكرة بس انا نفسي يغذي على الاقل كمان 5 دول او 6

الموضوع مش سهل بس هم باذن الله قدها

فعلاً شكلها مشكله جوده

اقتباس:

---

المشاركة الأصلية كتبت بواسطة ahmazong

واللهِ أنا معاك يا نبيه .. بس مش عارف في إيه .. شكلها مشكلة جودة للاسف

---

نفسي يأحمد نلاقي عربيه لينا في معرض بره يقولو عليها ياباني تقفيل مصري وتتباع في كل حته.....

اقتباس:

---

المشاركة الأصلية كتبت بواسطة darkmagician

بص هو المصنع ده كان بيغذي ليبيا على فكرة بس انا نفسي يغذي على الاقل كمان 5 دول او 6

الموضوع مش سهل بس هم باذن الله قدها

---

السلام عليكم ورحمة الله وبركاته
متهيألي انا باختلف مع حضرتك شوية ... لأني كنت في ليبيا وشفت العربيات النيسان صني اللي هناك ..... مش زي التقفيل والموديلات المصري خااااالص .....
هي فيها شبه كبير جدا من الرينو سكالا من برة ومن جوه شبه النيسان بتاعتنا اللي بتتقفل في مصر دلوقتي .....
وهي تقفيل ياباني مش مصري خااااالص...

اقتباس:

---

المشاركة الأصلية كتبت بواسطة goudamahdy

السلام عليكم ورحمة الله وبركاته
متهيألي انا باختلف مع حضرتك شوية ... لأني كنت في ليبيا وشفت العربيات النيسان صني اللي هناك ..... مش زي التقفيل والموديلات المصري خااااالص .....
هي فيها شبه كبير جدا من الرينو سكالا من برة ومن جوه شبه النيسان بتاعتنا اللي بتتقفل في مصر دلوقتي .....
وهي تقفيل ياباني مش مصري خااااالص...

---

وأنا كمان اسمحلي اختلف مع حضرتك، النيسان صني اللي في ليبيا تقفيل كوري مش ياباني، وبتنزل مصر باسم رينو سكالا

الموضوع مش موضوع ليبيا لازم يهتموا شويه بالتصدير

الموضوع ليس لمصر اي علاقه بيه علي الاطلاق دي استراتيجيه شركه و الجوده بيحكمها معايير لو عايززين يصدروا لليابان نفسها هيعملولها معايير مخصوصه المصنع معمول لخدمه الانتاج المحلي فقط واعتقد كمان انه مش ملاحق

علي فكره نيسان ليها حوالي 5 مصانع بس

اقتباس:

---

المشاركة الأصلية كتبت بواسطة m.nabeeh

علي فكره نيسان ليها حوالي 5 مصانع بس

---

وكلهم بيصدرو معدا مصنعنا

فعلا اول ما تم افتتاح مصنع نيسان فى 2005 ب6 اكتوبر قريت الكلام ده تصدير واكتفاء ذاتى للسوق المحلى !!!
بس انا شايف ان مشكلة التجميع المصرى تتلخص فى الاتى:
1- اغلب خطوط الانتاج فى مصر (غبور - منصور - البافارية ... وغيرها) بتجمع الاشكال او الموديلات القديمة وبتكون مدروسة لملائمة السوق المحلى بالمقام الاول وموضوع التصدير ده له ترتيبات تانية خالص لأن فكرة تغيير خط الانتاج حتى بمواصفات تانية غير المعتادة بياخد وقت وبيحتاج تدريب عالى من العمالة ومثال على كده
*وقت انتاج الصنى ex saloon والسوبر صالون والهايلاين بيكون تتابعى يعنى بالتوالى وليس بالتوازى وبرضه اللون الخارجى
*حتى لما موديل جديد بينزل فى مرسيدس او بى ام دبليو بيتم تغطية السوق اول شهرين او اكتر بعربيات مستوردة او حجز لحين بدء التجميع واستيراد المكونات وعمل اختبارات عديدة

2- مواصفات الصنى او الاكس ترايل او غيرها فى مصر بتكون ملائمة اكتر للسوق المصرى ومعمول دراسات لتحديد السعر عشان تتباع وتنافس انما بكل بساطة مش هى دى اللى هاتتصدر لأى بلد تانى بنفس المواصفات والسعر واكيد الشكل هايكون كمان فيه اختلافات وقديم وده هايتطلب توسعة المصنع وخطوط انتاج خاصة بالتصدير واخرى للاستهلاك المحلى وتأخير فى مواعيد التسليم وطبعا هايضحى بالسوق المحلى عشان التصدير يعيش لأنه ببساطة اى اتفاقية اكيد فيها شروط جزائية

3- موضوع التصدير محتاج لصفقات واتفاقيات تبادل تجارى بين مصر ودول العالم وبيكون سوق السيارات جزء منها وهنا بيحكمها اقتصاديات السوق من عرض وطلب واحتياجات واولوليات كل بلد يعنى على سبيل المثال
*لما من 7-8 سنين تقريبا مرسيدس صدرت العيون E-CLASS للصين كان قصادها بضاعة تانية او صفقات تانية وقتها الله اعلم بيها والموضوع ده كان فى بعض موديلات BMW كمان
*اتفاقية اغادير الشهيرة بين مصر والمغرب واللى كانت سبب فى دخول الرينو لوجان لمصر بسعر معفى من الجمارك نسبيا لأنها المفروض تبقى اقل من كده وقصادها كان الاخ غبور بيصدر اتوبيسات سياحة وكان له تدخل مباشر فى تعطيل تنفيذ بنود الاتفاقية وتأخير دخول اللوجان مصر الى 2007-2008 بعد ما كانت نزلت فى المعرض 2005 وتم اعلان سعرها 60 و 65 الف ج وده كان خوفا من تأثيرها على مبيعات الفيرنا الفوريييييييييييرا وقتها وسوق العربيات اللى تحت 75 الف وغالبا ما بتكون الاتفاقيات دى كلها حاجة قصاد حاجة يعنى لو ما بعتش الاتوبيسات مفيش عربيات وقيس على كده باقى الصناعات

الخلاصة عشان انا رغيت كتييييييييييييير
الموضوع مهم طبعا عشان اسم مصر وسمعة مصر وصناعات مصر وخلافه
بس ببساطة كده نيسان نفسها هى اول واحدة هاتستفاد من فرصة زى دى خاصة ان القائمين على المصنع فى مصر يابانيين وحاطين لنفسهم جدوى اقتصادية ودراسات وتوسعات جوة وبرة مصر ولولا المعوقات اللى تقرف اى مستثمر فى مصر والسوق المضطرب والاقتصاد اللى طالع نازل بدون اى مبررات او كرد فعلى لأى حدث فى السوق يخلينا نحمد ربنا انهم لسه واقفين على رجلهم وحصتهم فى السوق بتزيد يوم بعد يوم
وكلنا طبعا امل فى بكرة للبلد كلها ونيسان بالاخص

أنا معاك, بس يا يوسف الصني الجديده حتتجمع قريب تفتكر ممكن تتصدر في نفس وقت نزولها من الصين؟

والله لو حيتم التصدير .. يكون بس بجودة محترمة تشرف سمعة مصر .. وكمان متاثرش فى عطلة الانتاج المحلى للسوق عندنا

ومن ضمن طراطيش الكلام .. بس لسه حتاكد منها ان نيسان مصر بتصدر لليبيا .. وحتاكد من المعلومة دى

ليبيا؟؟؟

بس هما بيحبو يركبوا السيارات الفارهه(مع الأعتذار للصني)

اقتباس:

---

المشاركة الأصلية كتبت بواسطة m.nabeeh

ليبيا؟؟؟

بس هما بيحبو يركبوا السيارات الفارهه(مع الأعتذار للصني)

---

الصني سيارة عملية وفي ناس كتير معاها فلوس وملايين وبيركبوها حتى في مصر واعرف ناس يشترو بورش مرتاح وتلاقي معاهم صني

الفكر موحد على مستوى العالم في اللي دماغو عملية وبيحب يجيب حاجة عملية
وفي اللي عاوز يتمنظر
وفي اللي عاوز يبقى مرتاح
وليبيا نفس الكلام والخليج برضو
ده غير الشركات نفسها بتجيب عربيات عملية زي ما بنشوف هنا بيجيبو اكس تريل لبعض المصانع
يعني الموضوع كلو يا اما سياسة شركات او افراد
ودور اي شركة دراسة الحاجتين دول

اللي أقصده أني لازم نهتم بصناعتنا شويه

يا جماعه اللى انه شايفه ان العالم رايح فى اتجاه تانى خالص غير مصر و هو الاتجاه لاوروبا و تركيا فى صناعه و تجميع السيارات و شركات مرسيدس و بى ام دبليو و هيونداى فعلا اعلنوا رسميا انهم مش هيجمعوا سيارات فى مصر تانى بعد عام 2014 و ده ممكن ياثر فى قرارات الشركات اللى بتجمع السيارات فى مصر و من ضمنها نيسان طبعا و بكده هيكون التجميع حتى لمصر فقط امر مشكوك فيه بالنسبه للمستقبل وده رابط الموضوhttp://www.nilemotors.net/Nile/260941-a.html.

اقتباس:

---

المشاركة الأصلية كتبت بواسطة wshawky

يا جماعه اللى انه شايفه ان العالم رايح فى اتجاه تانى خالص غير مصر و هو الاتجاه لاوروبا و تركيا فى صناعه و تجميع السيارات و شركات مرسيدس و بى ام دبليو و هيونداى فعلا اعلنوا رسميا انهم مش هيجمعوا سيارات فى مصر تانى بعد عام 2014 و ده ممكن ياثر فى قرارات الشركات اللى بتجمع السيارات فى مصر و من ضمنها نيسان طبعا و بكده هيكون التجميع حتى لمصر فقط امر مشكوك فيه بالنسبه للمستقبل وده رابط الموضوhttp://www.nilemotors.net/nile/260941-a.html.

---

ممكن علشان الجنيه المصري

هيريحوا و يستريحوا :36_9_4:

ماهو ممكن ان السوق المحلى ملبى كل احتياجات المصنع فى البيع

علي فكره الصني الشكل الجديده حتتجمع أخر السنادي 2012