تحذير بخصوص العازل الحرارى
السلام عليكم ورحمة الله وبركاته
أنا مركب العازل الحرارى 3m للعربية الكارينز من أكثر من سنة
والمشكلة هى ان مكان بادج الرخصة اللى بنلزقه على البريبريز بوظ العازل وشال الطبقة الغامقة بتاعته !!!!
انا كنت لصقت البادج السنة اللى فاتت ولما جددت الرخصة النهاردة نزعت البادج القديم بالررررررررررررراحة وبشويييييييييييييييش
لقيت البريبريز بقى فيه مربع بحجم البادج ولونه فاتح عن باقى لون البريبريز وبقى زى ما يكون شفاف !!!!!!!!!!
الأول كان مش باين انى مركب عازل حرارى خالص ومطمئن
دلوقت منظر العربية بيقول ياللى مش واخد بالك ان العربية دى مركبة عازل حرارى بص وشوف !!!!
ربنا يستر مع بتوع المرور اللى جاتلهم صحوة الفاميه !!!
يا ريت الناس اللى مركبة عازل حرارى تاخد بالها من الحكاية دى وما يحاولوش يشيلوا بادج المرور من على البريبريز أو يلصقوا أى حاجة عليه من الداخل