والله ليك وحشه... كنت فين يا راجل.. مختفي من فتره
الراجل بتاع الليبرتي بطل يجي من تأثير الفرحة و لا الصدمة ولا ايه :ninja:
الجيب هى قمة ال4*4 فى مصر تقريبا, و ربما فى العالم,
و حكاية انها بتتقلب فده طبيعى جدا لأن ثبات ال4*4 أقل من ثبات أى عربية سيدان, ده بحكم الفئة مش بحكم السيارة نفسها, لكن متانتها و قوتها على الطرق غير المعبدة و محركها المميز سوف تسعد أى مغرم بهذه الفئة من السيارات.
بص ياباشا العربيات الجيب فعلا ثباتها وحش عالاسفلت
بس في مقابل كدة و انت معشق 4*4 و ماشي في المطر و الشوارع غرقانة مياة و كلة خايف يتزحلق الا انت ماشي و العربية ثابتة و لا كأن في مياة برضة تضاف ليها
و في امريكا بيشتروا العربيات ال 4*4 مخصوص علشان يستعملوها في التلج عالطرق في الشتاء و غالبا معظمهم بيستعمل عربيات تانية في الصيف لأنها العربيات الوحدية اللي تكشي عالتلج و الأخطر هو المياة المتجمدة عالطريق الاسفل لأنها بتبقى زي الزجاج و العربيات تلف عالفاضي اوالعجل يلف و العربية واقفة و بتتزحلق عدا ال 4*4
طبعا غير استعمال ال 4*4 في الصحراء و الطرق غير الممهدة و الشوارع المنيلة بنيلة في بلدنا مطبات و زلط و حفر و خلافة
و الموتور الجبار اللي بيديك عزم و قوة و سرعة
الصالون الواسع جدا و اللي يساعدك تشيل عدد من الافراد او تنقل حاجات فيها
البودي و الشاسية القوي اللي يخليك متطمن على نفسك و على اسرتك
وفي بعض العربيات تمتاز برخص قطع الغيار و توفرها و تحملها و عمرها الافتراضي لفترات طويلة كمان ميزة
بس موضوع الثبات الوحش لل 4*4 دة بيختلف من نوع لنوع و ببساطة نقول ان العربية ال 4*4 كل ما تعلى (بالنسبة لعرض السيارة) كل ما ثباتها يبقى وحش يعني شوف الماهيندرا الجديدة مثلا او الليبرتي او التريوس القديم او او غيرها بس ماتقارنوش في الثبات بالفرونتيرا و اللاند كروزر او الباجيرو او الهمر او اي عربية جيب 4*4 عريضة و مش عالية بغباوة
انا معايا اليبيرتي و بجري بيها و بعمل غرز بيها بس هيا ليها طريقه في السواقه , يعني لازم يكون السينس عندك عالي شويه مع الطرق , العربيه جميله , و ركبوتها فخمه جدا , العافشه من قدام ناعمه , يعني الي اعد قدام اعد مرتاح , بس الي بيعد ورا بيضرب في الخلاط , الصوت العالي دا بيختفي بعد ال 80 , التكيف ممتاز و العربيه تقيله جدا , لدرجت الكوريك كان بيرشق في الاسفلت لما بتترفع , جامدة جدا , طبعا في في خطورة في الجري , بس بجد انا بجري باليبيرتي طول عمري عمرها ما عملت معايا حاجة وحشه , بس بس طبعا متقرنهاش بلانسر في النعومه خالص , دي حاجه و دي حاجه , بس العربيه ركوبتها متعه متعه متعه متعه اخر حاجه و صوتها و متورها بيدوك احساس انك سايق دايناصور .. نسي افولك ان فتيس الليبيرتي بيفصل عند ال 175 , .. شكرا ..
حرام ادفع المبلغ ده في العربيه الزباله دي اروح ادفعها في بي ام دبليو او مرسيدس او حتي اودي
العربيه دي بعد ال 140 ثباتها ضايع + باور كهرباء مش هيدروليك يعني محتاج (تكلبش) فيه وانت سايق علي الطريق انا كنت هتقلب بيها علي طريق اسكندريه +شنطها مش واسعه +بتحسسك بكل مطب اوي حتي اي حاجه مش مظبوطه ع الطريق حتي لو كانت بسيطه
نصيحه من اخ بلاش بلاش بلاش واطلع علي الفطيم هات هوندا او هات السوبارو الجديده تحفه او حتي هات الاوكتافيا
انا معايا ليبرتي 2007 الشكل القديم بس فيها مميزات قليله مقابل عيوب اكثر اولا المميزات موتور قوي صالون واسع طقم صوت هايل وسماعات انفينيتي امريكاني وكاسيت محترم ال جي التكييف معقول مثبت سرعه ونظام ثبات الكتروني زر فوق الدركسيون (طبعا مالوش اي لازمه).....اما العيوب صوت موتور عالي + ثبات ضايع في الملفات لو زياده علي ال80 لازم تمسك بايدك وسنانك في الدركسيون + بتحسسك بالطريق كله اي مطب او بوظان بسيط في الطريق+ ضريبه عاليه اوي انا دافع 11 الف جنيه في السنه (موديل 2007) +سعرها عالي اوي انا جايبها ب 260 في شهر 9 سنه 2008 ويا ريتني كنت جيبت بي ام اوي اودي بس والدي هو السبب بيحب الجيب (عايش في الخليج من زمان) باختصار نصيحه من اخ بلاش بلاش بلاش وهات بي ام زيرو احسن واقيم وموتور قوي وكل حاجه واي استفسار عن الجيب انا تحت امرك(خدت خبره كبيره عشان كان نعايا قبلها جيب 2005 نفس الشكل) ........اخوك محمد عبد العال
متسمعش كلام اي حد هات جيب ليبرتي من الاخر وعيش
الامريكاني امريكاني يا ريس ويا سلام بقي لو حته جراند شيروكي موديل 2005 كده موتور 5.7 اووووووه حتطير وتسابق الريح
شوف حقولك الي يقولك علي الليبرتي وحشه يبقي مبيعرفش يسوق
سوري يا جماعه انا مبقصدش حد ولا بقلل من مستويات اي حد احنا كلنا اخوات واحباب
بس الجيب من الاخر عربييييييييييييييه
هي سواقتها لابد تكون محترف علشان تغرز وتخمس والافلام دي
هات شيروكي من الاخر
الناس افترت عالعربية ووصفوها بصفات بعيدة تماما باستثناء تكاليف التشغيل خنيقة فعلا
الليبرتى عربية مش حلوة خالص وغالية على الفاضى وفعلا زى الناس قالت انها ناشفة جدا وبتتقلب
انا انصحك بالجراند شيروكى لاريدو عربية رهيبة ثبات رهيب على الطريق وواسعة وموتور قوى جدا ومرنة ونظام الدفع فيها ممتز جدا وفيها مثبت سرعة وسى دى وعيش يا برنس ولو عاوز تشترى واحدة منهم جيب من موديل 2000 ل2004 نفس الشكل ونفس القوة http://www.almarwacars.net/Photos/17...05a3cea2f6.jpg
نسيت أقلك ان فى منها 6 سلندر 4100 سيسى وفى 8 سلندر 5800 سيسى وانا أنصحك بالستة سلندر لأن موتورها قوى واستهلاك البنزين معقول ومش حتحتاج 8 سلندر فى حاجة خالص لانها قوية زيادة عن اللزوم
يا جماعة انا عاوز أقول حاجة بالمناسبة ان الى يشغل الدفع الرباعى يحط الفتيس على n علشان حلشان اى واضعية تانية ممكن تكسر الفتيس
يا باشا اللاريدو 4100 ولا 3700و تعمل سعر كام دلؤتي
اللاريدو 4100 سيسى و5800 سيسى ما فيش منها 3800 سيسى
وموديل 2009منها عامل 500000 تقريبا والمستعمل من موديل 2000 ل 2004 ممكن يعمل حوالى 150 الف والله اعلم
الف شكر يا باشا معلش هتئل عليك الجراند احسن ولا اللبرتي وهتفرق في البنزين جامد والضريبة ؟؟؟؟؟؟ وهي الضريبة كام لل2 وعلي فكرة انا عندي خبرة في الامركاني انا كان معايا نيون ومعايا دودج سبيرت 3000سي سي v6:shine[1]:
ما فيش وجه مقارنة بين الجراند والليبرتى
الجراند أقوى بكتير ونظام الدفع أحسن بكتير والشكل احسن كتير
بصراحة انا لما بشوف الليبرتى بحس انها مش عربية دفع رباعى خالص انا بحس انها عربية وحشة جدا وثباتها مش حلو ابدا
وعزم الليبرتى تعبان جدا
وعلى فكرة الجراند من غير ما تشغل الدفع الرباعى قوية جدا
واكبر عيب انا حسيته فى الجراند ان قوة دفعها أقوى من فراملها بكتير وتحس الموضوع دا بالذات والغرس شغال
والغرس شغال حتسمع صوت الفرامل بتزيق زى ما يكون باب قديم بيتحرك بالراحة
انا عندي ليبرتي 2002 امريكي 3.7
عربية مش باعات سرعة دي بتاعت جبال و صحراء
المثبت السرعة بيثبت على ال145 ولو حبيت تسرع لازم تدوس برجلك , ما ينفع تقارنها مع السيارات العادية
لازم تهدي سرعتك عند الملفات زي ما قالو 80 سرعة
الفرامل يلي عندي عادي مش ABS يمكن يكون في موديل ثاني مختلف
الشنطة صغيرة الجلوس امام ضيق تكون رجليك محشورة صرفية البنزين عالية كل لتر يمشي 5كلم يعني ال20 لتر يعمل 100 في البلد , صوت الشارع جوة يمكن الجلد عندي تعبانة؟
دي السيئات
الميزات محرك جبار دفع رباعي قوي تمشي اي حتى في الصحرة بدون خوف طبعلا لازم تنسم العجلات عشان ما تنزل في الرمل , الصوت المسجل و السيدي حلو التحكم عبر الستيريج ,
طبعا الجراند أثبت منها لانها انسيابية أكثر وكلها حساسات و الدفع الرباعي على نظام كواترو درايف غير اللبرتي اكيد محرك أكبر
بختصار اللبرتي سيارة offroad مش سرعة
ويلي بيلاقي الصفات دي بتناسبه يجيبها
بصراحه موضوع فوق الممتاز استفدت منه جدا
شكرا لكل واحد شارك في الموضوع
بعد 8 سنين من انتهاء المشاورات ... يا ترى جبت الليبرتي ولا حاجة تانية؟؟ وليه؟؟
برده نفس الاستفسار الليبرتى احسن ولا بلاش منها وايه افضل موديل فى العربية وال 2.4 منها لحد سنة كام ؟؟!