عاوز اجيب ليبرتي ايه رأيكم فيها يا شباب ؟؟؟؟ الرجاء النصيحة؟؟؟

**mrehab** · 25-05-2008 01:37 AM

صعبه قوي
اكس تريل
لانها غاليه قوي

**mohamed ibiza** · 25-05-2008 01:56 AM

بص من الاخر الاخر الاخر توفير فلوس و عربية فوق الوصف في الفئة دي فرونتيرا انا سقتها بنفسي عربية وحششششششششششششششششششششششش ششششش ثبات رهيييييييييببببببببببببب ناعمة جدا جدا جدا تسارع جامد 3200 سي سي 190 حصان و امريكاني عربية من الاخر تحفة و سعرها حلو تعمل 130 تقريبا لو الحالة ممتازة و موديل 2003 العربية مع واحد صاحبي تحفةةةةةةةةةةةةةةةةةةةةة

**mrehab** · 25-05-2008 03:53 AM

تصدق يا محمد كلامك صح ميه ميه
الفرونتيرا فعلا عربيه وحش
انا ركبتها من حوالي 6 او 7 سنين
عربيه وحش من الاخر
وشكلها وصالونها نفس الفاستر الايسوزو
اه فعلا عربيه حلوه
بس مشكلتها ان ملهاش سوق كويس
الشيروكي طاغيه عليها
مش عارف لييه
ايه اتوكل علي الله واجيب فرونتيرا واريح دماغي
ولا اشوف حد بيشكر في الليبرتي واجيبها وخلاص

**Ahmed Hassan** · 25-05-2008 04:21 AM

واضح انك بتسافر كتير.... و عايز موتور جامد... و مش مهم تكون 4x4 و كمان بتجري جامد.. يبقى انت احسن حاجه ليك BMW موديل 2000 فئه خامسه523 في حدود 150 او 170 الف و اجري براحتك. ابعد عن اي جيب مهما كان نوعه طالما انت بتجري كده.

**hani945** · 25-05-2008 07:40 AM

فى التأنى السلامة
السرعات العالية دى خطيرة جداً
- ده اختبار التصادم بيتعمل على 64 كم فى الساعة وبيشيل مقدمة السيارة كلها !!!!

**hani945** · 25-05-2008 07:43 AM

ده فيه عربيات كمان بتفشل فى الاختبار ده على السرعة المتوسطة دى ، ده كمان لو قولنا عليها متوسطة ،
أدخل على الموقع ده وشوف اختبار التصادم بتاع العربيات الجر الرباعى واختار إنت براحتك
www.euroncap.com
ده الموقع بتاع الاتحاد الأوروبى لاختبار تصادم السيارات هتلاقى فيه على الشمال الموديلات اللى إنت عاوز تتفرج عليها ساعة التصادم ، اختار الموديل وقرر

**badr20590** · 25-05-2008 07:51 AM

انا شايف ان انسب عربيه ليك التيوتا الكبيره اللى 2 كابينه مش عارف اسمها ايه العربيه دى بقى وحش بجد و 4x4 و سولار و ما فيش حد ركبها و اشتكى منها

**mohamed ibiza** · 25-05-2008 03:11 PM

المشاركة الأصلية كتبت بواسطة mrehab

تصدق يا محمد كلامك صح ميه ميه
الفرونتيرا فعلا عربيه وحش
انا ركبتها من حوالي 6 او 7 سنين
عربيه وحش من الاخر
وشكلها وصالونها نفس الفاستر الايسوزو
اه فعلا عربيه حلوه
بس مشكلتها ان ملهاش سوق كويس
الشيروكي طاغيه عليها
مش عارف لييه
ايه اتوكل علي الله واجيب فرونتيرا واريح دماغي
ولا اشوف حد بيشكر في الليبرتي واجيبها وخلاص

اتوكل علي الله و شوف فرونتيرا حالة ممتازة هي فعلا الشيروكي طاغية عليها شوية بس الشركة نفسها اعترفت ال الليبرتي كان فيها عيب ثبات و عالجته في الموديل الجديد انا رأيي فرونتيرا فرونتيرا فرونتيرا

**mrehab** · 25-05-2008 03:25 PM

شكرا
لكل من
بدر ومحمد وهاني ومحمد واحمد
واحب اقولكم
اولا البي ام فاشله جدا في السوق لييه معرفش
يمكن علشان لما ابو الفتوح اتاخد منه التوكيل باظت العمليه لانه هو الي كان مخلي للبي ام سعر في مصر وكانت بتنافس المرسيدس دلوقتي الموسيدس هي الي متربعه
يعني مثلا بي ام 318 ولا سي 180
انا اركب بي ام بس للاسف حشحش بعدها لكن المرسيدس سوقها بره وجوا التوكيل في قطع الغياار شغال

الفرونتيرا ركبتها قبل كده عربيه من الاخر وحش وكمااان التكييف بتاعها مشفتش زيه في عربيه تانيه في ثواني تلاقي العربيه تلج وتعطس ههههههههههه
بس للاسف سوقها برضك نايم قوي قوي وقليل لما تلاقي عربيه منها نضيفه في السوق وكماان صوت موتورها عالي قوي قوي
بس الميزه بقي قطع غيرها عند البقال الي في الحاره الي ورانا ههههههه

عارفيين انا ممكن اركب ايه ممكن بي ام 318 موديل 2005 هاي لاين
عربيه شد وسحب وقول زي ما انت عاوز تقول قول
بس للاسف
احنا قريب عندنا شغل في الصحرا وكده شغل رخام وطوب وكده يعني يعني لازم تطلع المحاجر والشغل ده
طيب اعمل ايه
مش عارف
الحل عند ربنا

**mrehab** · 25-05-2008 03:37 PM

بالنسبه ليك يا استاذ هاني
شكرا علي مشاركتك الجميله عن السرعات وفي التاني السلامه
بصراحه
كلامك صح 1000 1000
بس للاسف
ان انا بقيت مدمن سرعاات عاليه
بكلمك بجد والله بدوخ لما بمشي 100 او 60
اقل حاجه علشان اكون فايق
140-150
افوق بقي اكتر لو عديت 160
واكون متكيف علي 180
واعيش بقي مع نفسي لما الاقي العربيه قرب 200
يا سلاااااام
ههههههههههههههههههههههههه ههه
ادماان فعلا ولا المخدرات
وكمان عارف ان اخرتها وحشه
بس يعني كنت بأمن نفسي
ظبط زوايا
فرامل مظبوطه
هواء نيتروجين في الكاوتش
قياده بحكمه وعنيك تبقي رادار 360 درجه
تعرف امكانيات عربيتك
ممنوع الفرامل الفجائيه
وعارف كماان الحمد لله عمر ما في رادار لقطتني
ابدا
لان عارف نوعيات الرادارات علي كل حته في الطرق
مره كنت علي الصحراوي ورايح القاهره كنا قبل وادي النطرون
ولقيت وكنت بولع سيجاره وعرفت ان في رادار فقلت اهدي فمشيت 100 فولعت سيجاره
ولسه بولع لقيت حته عيل شد غرزم من قدامي باوكتافيا كحلي عمري ما انساه كان جمبي عربيه تريلا من الخضه كنت حلبس فيها
روحت رامي السيجاره وقافل القزاز وقولتله وقعتك سودااا فضلت اشد من وراه لغاية ما عديته علي 165 وبعدين شديت لغاية 185 قرب 190 مره واحده لقيت لجنه في وشي قلت بس رخصي ورخص العربيه مسحوبين قالي عدي مسك الياوكتافيا
فسألت ناس اصحابي يعني ليهم شغل في المرور وكده
قالي علشان انت متصورتش
حل من اتنين يا اما الرادار ده مش من الرادارات الجديده ومبيلقطش ازيد من 160
او ان التصوير نفسه مطلعش لان مثلا اتحجبت الرؤيه لان ساعة التصوير عربيه لوري مثلا حجبت الرؤيه مع ان الاشاره قطعت يعني الي اتصور اللوري مش انت
فهمت

السرعه اخرتها وحشه بس انا بقيت مدمن