عاوز اجيب ليبرتي ايه رأيكم فيها يا شباب ؟؟؟؟ الرجاء النصيحة؟؟؟

**mrehab** · 24-05-2008 03:03 AM

السلام عليكم
اشكركم اخواني الاعزاء والساده المشرفيين الاجلاء
اود منكم يا خبراء السيارات المشورة في شراء سيارة جيب ليبرتي موديل 2001 او 2002 او 2003
اريد ان اعرف عنها كل شيء
ليس ما هو مكتوب بالكتالوج
ولكن المعرفة الشخصية والعشرة معها
من حيث
التسارع - الثبات - الفرامل - الراحة علي الطرق الطويله - علما بانها حووووووووت بنزين مش مشكله

رجاء يا شباب انصحوني
واشكركم
والسلام عليكم

**MeshoMicra** · 24-05-2008 03:08 AM

السلام عليكم ورحمه الله وبركاته
============

بص انا معرفش حاجه عنها بس انا شوفت حادثه حصلت قدام عيني ححكيلك عنها

ان العربيه الايبرتي دي خارجه من تقاطع ماشيه بتاع 40 وجاي من شارع عمومي عربيه هوندا بسرعه 60 - مش بتجري يعني- وخبطتها من ورا من عند الكاوتش كده وابص الاقي هووووووب العربيه قلبت وبقت علي سقفها

غير كده ان كل الناس بتتكلم عليها وتقول ثباتها مش كويس وفيه ناس بتقول ان الشركه ذات نفسها اعترفت بالعيب ده وعالجوه في الموديل الجديد

**Chicco** · 24-05-2008 05:12 AM

أخي الفاضل حسألك الأول إنت عايز العربية ليه .....يعني ليك في السفاري و غاوي صحراء و دروب غير ممهدة و لا جايبها عشان إستخدام عادي
لو إنت عايز تجيبها عشان إستخدام عادي يبقى ابعد عنها خالص... العربية ديه من أسوأ العربيات اللي سوقتها في حياتي .....أنا سقت موديل ٢٠٠٧ 4x4 لا تسارع و لا ثبات و لا وضعية قيادة مريحة و كمان إستهلاك بنزين مريع .....

**tears** · 24-05-2008 05:21 AM

نصيحه بلاش عربيه مفيش فيها ثبات خالص على طريق السفر انا اتلبقت بيها انا وخالى فى طريق العريش على سرعة 80 كيلو فى ملف لا بلاش بس عليها موتور جامد جدااا تحت رجليك شيطان مش موتور واى جيب انا افيدك جداااا علشان انا بسافر كتير جبال بجكم شغلى عندنا محاجر رخام فى كل حته فى مصر

**pcegypt** · 24-05-2008 11:45 AM

للأسف انا مش هأقدر افيدك في المواصفات الفنية لكن كل اللي هاقوله لك إن موتورها 3700 يعني غووووووول بنزين ، ده غير رسوم الترخيص الجديدة ( هايتحسب عليها 2% من سعرها ضريبة سنوية بحد ادنى 1000 جنيه سنويا).

تحياتي

**abou_ruqi** · 24-05-2008 01:04 PM

اشتريها وعيش طول عمرك ظهرك تعبان
اشتريها ومراتك حيكون في خطر على حملها
اشتريها وأدفع كل سنة للحكومة 7000 جنية جباية مملوكية للمرور في طريق الحرير
اشتريها وبعها بـ 60 ألف لإن سوقها اضرب خلاص بعد القوانين الجديدة

اشتريها بقه

يا راجل بالله عليك , لو معاك 147 أو يزيد اخطف رجلك لحد الفطيم وأطلب إنك تقعد في السيفيك الجديدة , وخليهم يبعدوا عنك 3 : 5 دقائق وأنت قاعد مكان السواق وقافل الباب

وبعدين اطلع منها وأحكيلي هنا لسه نفسك في الليبرتي ؟؟؟

**mohamed ibiza** · 24-05-2008 01:16 PM

العربية الليبرتي الشكل القديم ثباتها وحش خصوصا لو في حاجة شبه مناورة يعني غرزة ولا حاجة سهل اوي تتقلب و كمان الشركى اعترفت و عالجت العيب في الموديل الجديد

**loai-omar** · 24-05-2008 01:25 PM

ايه يا جماعه دا بس

انتو بتتكلموا عن ليبرتي؟؟؟؟؟؟؟؟؟؟؟؟؟؟؟؟!!!!!! !!!!!!!!!!

انا مش شايف دا خااااااااااااااااالص

و سواقتها تحفه و تسارعها ممتاز اصلا!!!!

هوا كل الجيب بيتقلب

دا ايلي مشهور اوي بالقلبات الباجيرو...

بس حرام يبقا دا رأي في الليبرتي!

**mrehab** · 24-05-2008 04:09 PM

السلام عليكم
اشكركم اخواني الاعزاي والاجلاء علي هذه النصائح الجميله
من الاخوه
misho micra
pc egypt
teacre
loai-omar
اشكركم جزيل الشكر
بس انا مش مصدق حوار انها بتتقلب بالسهل كده
لان العربيه مش عاليه قوي زي ما انتم فاهميين
لكن هي في نفس الوقت قويه
وتقيله
معرفش
محتاجيين واحد بتاع شغل هندسي علشان يعرفا هي بتتقلب ولا لا
طيب
مش فاهم انا حوار الثبات ده معناه ايه
ثبات وحش في المنعطفات
ملفات
عرز
مناورات
احساس دوما بالطريق
كده يعني
منتظر ردودكم
وشكراا

**mrehab** · 24-05-2008 04:15 PM

وكمان احب اقولكم انا كان معايا لانسر 2007
كنت شاريها زيرو كسر الزيرو بالظبط
البومه
كانت اردني مانيوال
كنت شاريها عامله 5700 كم
بايعها بعدها بشهريين ونص عامله 27500 كم
علي طووول كنت يسافر بيها علي طوول
فعاوز اجيب جيب ليبرتي علشان كده سفر وكمان صحراء وكده يعني
تغييير يعني
منتظر ردوكم