اسبرنزا 516.......افضل واحسن سياره فى مصر

**amado318** · 12-12-2011 07:58 PM

الانوس 1600 السرعه القصوى 220 مرتاح انما 1500 اخرها 190 على الصحراوى

Daewoo Lanos 5th gear, 130-210km/h - YouTube

Lanos 1,5 8V 190km/h - YouTube

**amado318** · 12-12-2011 08:00 PM

يا خبر لانوس ماشيه 250 كيلو فى الساعه من غير ما تتفكك
Lanos 250 kmph - YouTube

**amado318** · 12-12-2011 08:11 PM

والله يا استاذ عصام اخر سرعه 189 موصلتش 190 وللعلم جابتها والعربيه معديه 300 الف كيلو مشى وكمان كاوتش عريض يعنى بيقلل السرعه القصوى

**esam722** · 12-12-2011 08:21 PM

المشاركة الأصلية كتبت بواسطة amado318

الانوس 1600 السرعه القصوى 220 مرتاح انما 1500 اخرها 190 على الصحراوى

daewoo lanos 5th gear, 130-210km/h - youtube

lanos 1,5 8v 190km/h - youtube

على فكرة الصورة تخص عربيتى التيجو يعنى مش جايبها من على النت يعنى طرق مصرية لا تساعد على السرعة
انا عايزك تحاول بالانوس انك تجيب 150فقط وتستمر عليها 60 ثانية بس اربط الحزام علشان راسك متخبطش فى السقف ولو امكن ترمى ودنك مع صوت الموتور
على فكرة السرعة بتوريك امكانيات العربية من حيث قوة الموتور والثبات والاستجابة للمواقف المفاجئة وده بجانب اللى بيسوق طبعا ولا انت مش قلبك جامد

**amado318** · 12-12-2011 08:25 PM

طب ما انا عندى صورة للانوس 189 مصورها هشوف بتترفع ازاى بعدين انا كل اسبوع بسافر صحراوى ومعظم الطريق 180 وعامل خريطه للردارات الثابته ولعلمك كل يوم برجع من القاهرة الجديدة ماشى 140 الى 180 وبطلع كوبرى الاربعه ونص الى على طريق السويس اقسم بالله مرة 185 من غير ما اهدى علشان كنت بشد تهور بقه وجنان طبعا بعد منتصف الليل

**mr_sameh** · 12-12-2011 08:41 PM

اظرف حاجه لو دخلنا منتدي سعودي مثلا هنلقي الخناقه بين اصحاب الكامري والاكورد والمكسيما
اما هنا في مصر الخناقه بين اصحاب اسبيرانزا والفيرنا واللانوس ان شاء الله المصريين ليهم الجنة

**esam722** · 12-12-2011 08:58 PM

المشاركة الأصلية كتبت بواسطة mr_sameh

اظرف حاجه لو دخلنا منتدي سعودي مثلا هنلقي الخناقه بين اصحاب الكامري والاكورد والمكسيما
اما هنا في مصر الخناقه بين اصحاب اسبيرانزا والفيرنا واللانوس ان شاء الله المصريين ليهم الجنة

طب الحمدلله انك مدخلتش منتدى فى بنجلاديش كنت لاقيت خناقات على ال1100 والتاتا

**esam722** · 12-12-2011 09:01 PM

المشاركة الأصلية كتبت بواسطة amado318

طب ما انا عندى صورة للانوس 189 مصورها هشوف بتترفع ازاى بعدين انا كل اسبوع بسافر صحراوى ومعظم الطريق 180 وعامل خريطه للردارات الثابته ولعلمك كل يوم برجع من القاهرة الجديدة ماشى 140 الى 180 وبطلع كوبرى الاربعه ونص الى على طريق السويس اقسم بالله مرة 185 من غير ما اهدى علشان كنت بشد تهور بقه وجنان طبعا بعد منتصف الليل

ايه ياعم انت واخد الموضوع على صدرك كده لية احنا كنا بنضحكوا معاك
بس خدمة لاخوك تبعتلى خريطة الردارات يا وحش

**esam722** · 12-12-2011 09:19 PM

المشاركة الأصلية كتبت بواسطة amado318

يا خبر لانوس ماشيه 250 كيلو فى الساعه من غير ما تتفكك
lanos 250 kmph - youtube

ليه ملحوظة بسيطة هو عداد الكيلو متر واقف ومش بيعد لية
العربية رغم السرعة العالية دى معدتتش كيلو زيادة
يبقى الواحد يرفع العربية على الكوريك ويعدى سرعة 400 كيلو بقى

**said.d.y** · 12-12-2011 09:30 PM

المشكلة فى الصينى بشكل عام والاسبيرنزا بشكل خاص، أن معظم ال كونوا رأى عنها من خلال السمع ، او احياناً من تجربة فردية (ممكن تحصل فى احسن العربيات) بس لما بتكون من اسبيرنزا بنشوفها كبيرة . يعنى لو واحد قال لك انة مشى بعربيتة الاسبيرنزا على شوال مسامير وزجاج مكسر مفروش على مدى 100 كيلو والعجلة اتخرمت بتقول ادى عيب الصينى وام الصينى وشورتة المهبببة.
ولو واحد تانى قال لك انة كان ماشى بعربيتة المرسيدس على سرعة 40 كيلو داس على نملة والعربية اتقلبت وبعدين ولعت وبعدين انفجرت وبعدين مات وموت خمسة كانوا ماشين فى الشارع الوراة ، هتقول المرسيدس مرسيدس لو عربية تانية كانت موتت 500 او 600، سيبك انت الالمانى مفيش غيرة.
انا فاكر ان واحد مرة سألنى عن المشاكل العاملها معيا فتيس التيجو الاوتوماتيك ومشكلة السرعة ال مابتزدش عن 135كيلو ، قلت لية معنديش مشاكل فى الفتيس وانا (انا موش حد تانى سمعت عنة) جبت على طريق السخنة 170 والعربية كانت مكملة بس مراتى جنبى صوتت(الله اعلم كانت العربية هتكمل السرعة ولا هتقف على كدة) - مصدقنيش وحلفتلة قالى هتروح النار ياكداب بتحلف كدب علشان عربية .