اسبرنزا 516.......افضل واحسن سياره فى مصر

**osa92003** · 12-12-2011 09:48 PM

المشاركة الأصلية كتبت بواسطة tiggosaid

المشكلة فى الصينى بشكل عام والاسبيرنزا بشكل خاص، أن معظم ال كونوا رأى عنها من خلال السمع ، او احياناً من تجربة فردية (ممكن تحصل فى احسن العربيات) بس لما بتكون من اسبيرنزا بنشوفها كبيرة . يعنى لو واحد قال لك انة مشى بعربيتة الاسبيرنزا على شوال مسامير وزجاج مكسر مفروش على مدى 100 كيلو والعجلة اتخرمت بتقول ادى عيب الصينى وام الصينى وشورتة المهبببة.
ولو واحد تانى قال لك انة كان ماشى بعربيتة المرسيدس على سرعة 40 كيلو داس على نملة والعربية اتقلبت وبعدين ولعت وبعدين انفجرت وبعدين مات وموت خمسة كانوا ماشين فى الشارع الوراة ، هتقول المرسيدس مرسيدس لو عربية تانية كانت موتت 500 او 600، سيبك انت الالمانى مفيش غيرة.
انا فاكر ان واحد مرة سألنى عن المشاكل العاملها معيا فتيس التيجو الاوتوماتيك ومشكلة السرعة ال مابتزدش عن 135كيلو ، قلت لية معنديش مشاكل فى الفتيس وانا (انا موش حد تانى سمعت عنة) جبت على طريق السخنة 170 والعربية كانت مكملة بس مراتى جنبى صوتت(الله اعلم كانت العربية هتكمل السرعة ولا هتقف على كدة) - مصدقنيش وحلفتلة قالى هتروح النار ياكداب بتحلف كدب علشان عربية .

والله يباشا ده اللى قصدى عليه انا فى ناس مش عندهم اساسا الاسبرنزا زمش بيعملوا حاجه غير الشتيمه فى العربيه ليه نش عارف والله كنت مع واحد معاه سيراتو وقاعدين مع بعض وبقول له الاسبرنزا فيه مفتاح مشفر وفيه اى بى اس وشويه كماليات كمان اقعد يقولى زىك كده ياكداب لا مش ممكن صينى فى الحاجات دى لالالالالالالا ياعم هتلاقيها بلاستك قلت له اصحاب الغقول فى راحه اللى عايز اقوله من فتح الموضوع علشان خاطر النبى اصحاب العربيات الفيرنا اللى هى اساس اجمد من المرسيدس والبى ام دبليو ؟؟؟؟ةالانوس السياره اللى نزلت من المريخ على اساس انها افضل سياره فى الكون وكل دول العالم بتحاول تعمل عربيه زيها .... يروحوا للمنتدى بتاعههم !!!!!!!!

**shaddadfalcon1** · 12-12-2011 11:36 PM

لولا اختلاف الأراء لبارت السلع

والعربيه لو وصلت اننا نتكلم علي العفشه والموتور يبقي مش عربيه

لكن التقفيل وجوده الخامات شيء مهم برده يعني انا مجبش عربيه جديده عشان انسي اروح لميكانيكي ولا لكهربائي 3 ولا 4 سنين بدل قرف المستعمل وافاجيء ان كل شويه حاجه تبوظ حتي لو حاجات بسيطه وياما ناس باعت عربيات بسبب حاجات تافهه

تاني حاجه في الصيني عموما الامان - مش معني ان العربيه ماشيه حلوه علي الطريق انها امان - وده سبب من الأسباب ان العربيات دي مش بتتاع غير في دول زي مصر لان امانها تقريبا صفر ومش بتكلم علي فرامل بس

**amado318** · 12-12-2011 11:43 PM

على فكرة انا عندى لانوس وبكرهها وبحبها قولى ازاى اقولك بكرها علشان فراملها ضعيفه فبكون حذر جدا وانا بجرى بسرعه عاليه ومش بعرف اهجم على العربيات
بحبها عمرها ما وقفت بيا فى شارع ولا عطلت ويوم ما جابت جوان وصلتنى تحت البيت اصيله طبعا غير انها عملت 400 الف كيلو ولسه الماتور بحالته

**amado318** · 12-12-2011 11:48 PM

Cherry Tiggo crash test - YouTube

**esam722** · 13-12-2011 12:32 AM

المشاركة الأصلية كتبت بواسطة shaddadfalcon1

لولا اختلاف الأراء لبارت السلع

والعربيه لو وصلت اننا نتكلم علي العفشه والموتور يبقي مش عربيه

لكن التقفيل وجوده الخامات شيء مهم برده يعني انا مجبش عربيه جديده عشان انسي اروح لميكانيكي ولا لكهربائي 3 ولا 4 سنين بدل قرف المستعمل وافاجيء ان كل شويه حاجه تبوظ حتي لو حاجات بسيطه وياما ناس باعت عربيات بسبب حاجات تافهه

تاني حاجه في الصيني عموما الامان - مش معني ان العربيه ماشيه حلوه علي الطريق انها امان - وده سبب من الأسباب ان العربيات دي مش بتتاع غير في دول زي مصر لان امانها تقريبا صفر ومش بتكلم علي فرامل بس

حضرتك مفيش عربية تقعد 3او 4 سنين ميحصلش فيها حاجة مهما بلغت جودة صنعها الا اذا كان استخدمها نادر
وبعدين انت بتلاقى ميكانيكية متخصصين فى سيارات فاخرة هل ده معاناه ان السيارات دى كلها قديمة
كلنا نتمنى نركب هامر او بورش او رولزرويس لكن دى مقدرتنا المادية انت لومعاك 85000 جنية هتفكر فى ايه وهل العربية اللى فى حدود السعر ده تضمن زى مابتقول فى كلامك 4 سنين ماتروحش لميكانيكى
اما بالنسبة للامان لو مش هتتكلم عن الفرامل وabs اللى بيجنبك الحادث من الاساس هنتكلم عن ايه
عن الثبات اللى بيخليك تسيطر على العربية او عن الايرباج اللى بيحميك انت واللى قاعد جنبك (كل ده موجود فى التيجو)
انا الامان عندى هو انى اتجنب الحادث لان لاقدر الله لوحصل حادث وش فى وش متهيألى مش هيفرق نوع العربية كتير

**esam722** · 13-12-2011 12:45 AM

المشاركة الأصلية كتبت بواسطة amado318

Cherry Tiggo crash test - YouTube

طب قولى ايه الفرق بين التويوتا الراف والتيجو
Crash test Toyota RAV4 & Chery Tiggo & Lada Priora - YouTube

ورايك فى العربية اللادا اللى اكيد انت شفته
VAZ 2107 vs Daewoo Lanos - YouTube

ومقلتش رايك فى موضوع اللانوس اللى عدت 250 كم/س وهى مرفوعة

**bassemali** · 13-12-2011 01:05 AM

أنا لما قولت عيوب عربيتي ماكانش قصدي أهاجم العربيه لمجرد الهجوم ولا أنا بفتي أنا عندي العربيه وفيها كل العيوب اللي قولتها وهيا عيوب صناعه وليست عيوب إستخدام بشهادة التوكيل وعندي كل الورق اللي يثبت كلامي .... ياريت نركز شويه في عملاء التوكيل اللي بيدافعوا عن العربيه بإستماته وبيحاولوا يهونوا من المشاكل اللي فيها ويغشوا الناس .... أنا بنصح الجميع بلإبتعاد عن هذه السياره ومش هرشح بدالها لحد يفتكرني عميل أنا كمان ... .

**osa92003** · 13-12-2011 09:34 AM

المشاركة الأصلية كتبت بواسطة bassemali

أنا لما قولت عيوب عربيتي ماكانش قصدي أهاجم العربيه لمجرد الهجوم ولا أنا بفتي أنا عندي العربيه وفيها كل العيوب اللي قولتها وهيا عيوب صناعه وليست عيوب إستخدام بشهادة التوكيل وعندي كل الورق اللي يثبت كلامي .... ياريت نركز شويه في عملاء التوكيل اللي بيدافعوا عن العربيه بإستماته وبيحاولوا يهونوا من المشاكل اللي فيها ويغشوا الناس .... أنا بنصح الجميع بلإبتعاد عن هذه السياره ومش هرشح بدالها لحد يفتكرني عميل أنا كمان ... .

.......

طالما ان سعادتك بتعتبر ان اللى بيدافع عن العربيه عميل ومن الفلول وممكن نعمل عليه قانون الغدر

انا بارشح حضرتك انك تكون من عملاء الفيرنا او اللانوس هتستريح جدا وتلاقى عربيه كانك راكب مرسيدس مايباخ او تويوتا كامرى........

وياريت تقول لنا بس ايه العيوب الرهيبه اللى لقيتها فى العربيه وتورينا المستندات كمان علشان نستفيد من حضرتك ولك الشكر

**esam722** · 13-12-2011 09:45 AM

المشاركة الأصلية كتبت بواسطة bassemali

أنا لما قولت عيوب عربيتي ماكانش قصدي أهاجم العربيه لمجرد الهجوم ولا أنا بفتي أنا عندي العربيه وفيها كل العيوب اللي قولتها وهيا عيوب صناعه وليست عيوب إستخدام بشهادة التوكيل وعندي كل الورق اللي يثبت كلامي .... ياريت نركز شويه في عملاء التوكيل اللي بيدافعوا عن العربيه بإستماته وبيحاولوا يهونوا من المشاكل اللي فيها ويغشوا الناس .... أنا بنصح الجميع بلإبتعاد عن هذه السياره ومش هرشح بدالها لحد يفتكرني عميل أنا كمان ... .

المشكلة ان الموضة فى مصر دلوقت ان اللى يقول راى غير رايك يبقى عميل ويبقى من الفلول
على فكرة انا عربيتى خارج الضمان علشان موضوع ال3 شهور واذا كنت بقول كلمة فى العربية فده بما يرضى الله
انا بدافع عن اختيارى ولو فيه مشكلة بعالجها ولو بنصح غيرى يبقى لله من غير اتهامات لانى بمنتهى البساطة ممكن اقول انت تبع توكيل تانى والموضوع يتحول لخناقة
احنا فى المنتدى بنفيد بعض بالاراء من وجهة كل واحد ومش لازم اصدق على كلامك علشان يبقى كلامى صحيح او ابقى عميل للتوكيل

**osa92003** · 13-12-2011 11:07 AM

المشاركة الأصلية كتبت بواسطة esam722

المشكلة ان الموضة فى مصر دلوقت ان اللى يقول راى غير رايك يبقى عميل ويبقى من الفلول
على فكرة انا عربيتى خارج الضمان علشان موضوع ال3 شهور واذا كنت بقول كلمة فى العربية فده بما يرضى الله
انا بدافع عن اختيارى ولو فيه مشكلة بعالجها ولو بنصح غيرى يبقى لله من غير اتهامات لانى بمنتهى البساطة ممكن اقول انت تبع توكيل تانى والموضوع يتحول لخناقة
احنا فى المنتدى بنفيد بعض بالاراء من وجهة كل واحد ومش لازم اصدق على كلامك علشان يبقى كلامى صحيح او ابقى عميل للتوكيل

الله هينور عليك esam 722احنا هنا للحوار بموضوعيه ومنطقيه يعنى اللى عنده مشكله فى العربيه يعرضها بشكل موضوعى وبدون تهويل وياخد الراى ربما الاخير يكون عندهم الحل لكن انا ضد العنواين الغريبه اسوا واوحش .....وتدور على المشكله ماتلاقيش حاجه