الموضوع: اسبرنزا 516.......افضل واحسن سياره فى مصر

انا ملاحظ فى الفتره الاخيره ام مسلسل الهجوم الغير مبرر على العربيه رجع تانى والملاحظ كالاتى:
ان الهجوم من ناس مش عندهم العربيه يعنى هجوم لله فى لله
ان الهجوم من ناس عندهم العربيه لكن الغريب انهم يعملوا عنوان رهيب وفى الاخر تلاقى الموضوع عندهم عادى جدا زى مثلا:
واحد بيشتكى ان العربيه بتصوصو وبتعمل صوت يعنى ساعات ؟؟؟؟؟؟؟؟ وهو بيعتبر ده جريمه كبرى ولازم العربيه تتحرق فى ميدان عام .
واحد يشتكى ان ماكينه الزجاج معلقه وده طبعا مشكله رهيبه وخطيره جدا ؟؟؟؟؟
لكن عمرى ماشفت مشاكل تتعلق بشاسيه العربيه او الموتور او اى حاجات تعتبر فى اساسايات العربيه وده اللى بياكد ان الحكايه كلها هجوم فقط .

ولى عده ملاحظات فقط:
الاسبرنزا افضل سياره فى مصر بالنسبه لمثيلاتها فى السعر بل تتفوق عليهم فى الكماليات والاوبشن الموجود فى الموتور .
جسم السياره والشاسيه الخاص بها افضل ةاقوى بكتثير من من الفيرنا واللانوس ولاحظ ان الاسبرنزا 67 الف والفيرنا والانوس 72 الف
الموتور ..افضل من اللانوس من حيث القوه والهدوء يمكن تكون موتور الفيرنا انعم شويه لكن ده بيكون ف الفتره الاول بس مع ملاحظه ان وزن الفيرنا 750 كيلو والاسبرنزا 1200 كيلو ومعروف ان وزن العربيه بيكون عامل مهم جدا فى الامان وثبات العربيه ومش هافرح ان العربيه بتجرى بسرعه اوى زى الفيرنا بس بعد 120 ربنا معاك انت وحظك .
العفشه ...تركيبه العفشه اللى الناس دايما يقوللك انها ناشفه اوى ومعلش انا باقول لاى حد بيقول كده اركب كيا سيراتو الجديده اللى 120 الف هتلاقيها انشف اركب الصنى اللى 100 الف انشف وانشف ..ده مش بيعيب العربيه لان العفشه الرياضيه معناها سوست ومساعد معامل الانضغاط بتاعهه قوى جدا وده برضه اساسى علشان ثبات العربيه فى السرعات العاليه وممكن اى حد يستبدل المساعدين والسوست بنوعيه اقل فى معامل الانضغاط وتبقى العربيه معاه حلاوه فى المطبات لكن فى السرعه ربنا يستر ..
مركز الخدمه....نقارن مركز الخدمه اسبرنزا وغبور وشيفروليه لانوس واتحدى انك تلاقى حد احس من التانى كل وحش بالنسبه للعميل وبالعكس انا شايف اى ابو الفتوح بيحاول يكون احسنهم ...
اخر حاجه ارجو من كافه الزملاء والضيوف لما يلاقو موضوع الهجوم على العربيه يعرف ان فى برضه حاجه اسمها سوء استخدام من صاحب العربيه نفسه وبيخلص على العربيه ويعدين يقولك الحق العربيه فيه مشكله .....وانا فى صيانه الالف الاولى كان معايا واحد معاه ام 11 اقسم بالله قالى ان جاب بالعربيه 160 فى الالف الاولى وشغل التكييف وبيقولى انا طلعت عين ام العربيه بقوله ليه كده ؟؟؟؟ماينفعش كده فى الاول ؟؟ قالى لا علشان لو فى مشاكل فى العربيه تتطلع علطول؟؟؟؟؟؟؟؟؟؟....طبعا لاتعليق

واسف للاطاله

المشاركة الأصلية كتبت بواسطة osa92003

ماتتعبش قلبك ياستاذ
esam 722
انا عامل الموضوع علشان كل اللى عايز يشترى اسبرنزا وعايز يعرف افرق لكن الهجوم مازال مستمر من العربيات الاخرى ليه مش عارف

انا قصدى يا باشا انى لما اقارن الاسبيرانزا اقارنها بالصنى او الاوبترا او الماتريكس علشان المقارنة تبقى عادلة
لان الفيرنا عاملة زى البسكلتة اللى متركب لها موتور موتوسيكل ياماها وتخيل ممكن يعمل فيها ايه
اللانوس ممكن تكون من حيث الاداء والامكانيات زى الشاهين بس تزيد عليها انها مكيفة والمرايا اليمين كهرباء