استطلاع رأى عن انشاء تقرير كامل مفصل عن Gen 2 و سبل التمويل ؟؟
السلام عليكم
اولا احب اعرف نفسى انا احمد من المنصورة.
و اول مشاركاتى كانت فى موضوع ابو صيام( ربنا يوفقه ) و اللى حصل معاه، و تقريبا قرأت كل المواضيع و المشاركات على Gen 2 و بالذات كنت مهتم اوى بأراء احمد صيام و توت عنخ امون .و دا لانى معجب جدا العربية دى و كلام بينى و بينكم:toot:عاوزو اشتريها.
الموضوع
اولا: عندى بعض الملاحظات
1. معظم الناس اللى بتشارك فى المنتدى مش من ملاك ال Gen 2 ، و بصراحه عندهم حق اصل العربية جميله اوى.
2. الملاك، حديثى التملك للGen 2 يعنى مش اكتر من سنة.
اللب
لازم يكون فى حد من ملاك Gen 2 عدى علييه اكتر من سنه من تاريخ التملك سواء اول مالك اول لا, عشان يقول رأيه.
العمل
ان حد يكون من الموثوق فيهم، و لهم سمعة فى المنتدى، يقوم بعمل تقرير.
لمين؟؟
اقتباس:
ملاك Gen 2 عدى علييه اكتر من سنه من تاريخ التملك سواء اول مالك اول لا.
ازاى
من التوكيل :superman:
طلب تقرير باسماء كل مالكى Gen 2 اكتر من سنة، و ارقام التليفونات.
و نعمل حاجة على السريع بردو تقرير مفصل عن اسعار قطع الغيار و مدى توافرها :policeman:.
نسأل عن ايه
حاجات كتير و دى ممكن نتفق عليها كلنا هنا فى المنتدى ؛ و انا اقول رأيى
1. استطلاع رايهم فى ال Gen 2 بعد مرورو سنه عليهم، ودا من عده نواحى و نسيب الموضوع نحدد نسأل فى ايه من ارائكم( دا اللى عنده خبره بس فى العربيات، مش هبل فى العبط)، حاجات فنية.:funny34d:
2. اسعار قطع الغيار و مدى توافرها و ايه الاماكن الموثوق منها.
3: اعادة البيع و يا سلام لو فى امثله بالارقام.
دردشة
ممكن نقول دا كتير اوى و مين اللى يعمل الكلام دا، و مين فاضى، و منيين الفلوس انا قادر اكفى نفسى لما اصرف على حاجة مش بتاعتى.
كلام مضبوط ميه المية
اقتراحات
1. ممكن حد يتشجع و يعمل الموضوع دا، و يكون مبسوط اوى ، فى ناس طبيعتهم كده بتحب تجيب من لاخر:prove: و اهو يفيد الناس بردو.
الحل التانى
2. ممكن اللى راح يكلم التوكيل اكيد التوكيل راح يسألة من انت، ليه، وازاى؛ هو بقى بكل لطافة و جنتلة:flirt: و قوة اقناع يحكيلة دا و دا و دا و دا. و يقول بقى اللى عندة بس يكون واحد فاهم، و بعدين يشجع التوكيل:thumbsup: ان هو يتبنى الموضوع دا و يا سلام لو يموله كمان( تمويل هنا كلمة كبيره :1aa:مش كده، نعديها ) و بس يكون فى حد مشرف عليهم، عشان انتو عارفين القرد فى عين امه غزال.
بس خلاص انا تقريبا قولت كل اللى انا عاوز اقولة بس حبيت اوضح حاجة انا نفسى اشارك فى الموضوع دا، بس انا من سكان المنصورة :auto: يعنى بعيدة ان انا اروح و اجى ، و ادعولى ربنا يوفقنى بعمل الزمالة اللى طالع عينى فيها.
من الآخر عاوزين نعمل حاجة نعتمد عليها.
ايه رايكوا، وانا سايب استفتاء فوق قولو اراكم و نتناقش فى الموضوع دا.
شكرا
